1 Петыр 5:13 - Коми Библия 2023

¹³ Тіянӧс чолӧмалӧ вавилонса вичко, кодӧс Енмыс бӧрйӧма тіянӧс моз. Чолӧмалӧ тіянӧс тшӧтш Марк пиӧй.

1 Петыр 5:13 Kruisverwysings

Псалтыр 87:4

Менам олӧмӧй тырӧма шогӧн, ме матыстча кулӧмаяслӧн оланінлань.

Ап. уджъяс 12:12

Тайӧс гӧгӧрвоӧм бӧрын Петыр мӧдӧдчис Иоанлӧн Марья мамыс ордӧ. Тайӧ Иоансӧ шуисны Маркӧн. Сэні вель унаӧн вӧлі чукӧртчӧмаӧсь кевмысьны.

Ап. уджъяс 12:25

Варнава да Савл вайӧм сьӧмсӧ сетісны вичколы, сэсся Ерусалимысь бӧр мунісны Антиокияӧ. Аскӧдныс найӧ босьтісны тшӧтш Иоанӧс, кодӧс шуисны Маркӧн.

Ап. уджъяс 15:37

Варнава кӧсйис босьтны аскӧдыс Иоанӧс, кодӧс шуисны Маркӧн.

Ап. уджъяс 15:39

Павел да Варнава весиг вензьӧмӧдз воисны да тадзикӧн торйӧдчисны. Варнава босьтіс аскӧдыс Маркӧс да кывтіс сыкӧд Кипрӧ.

Колосӧ 4:10

Чолӧм тіянлы Аристарксянь, сійӧ мекӧд ӧтлаын пукалӧ дзескыдінын. Чолӧм ыстӧ тшӧтш Варнавалӧн Марк нима воча вокыс. Тіянлы ме гижлі сы йылысь, мися, локтас кӧ, сибӧдӧй сійӧс.

Филимонлы 1:24

Марк, Аристарк, Димас да Лука, менам уджъёртъясӧй, тшӧтш ыстӧны чолӧм.

2 Иоан 1:1

Ме, вичкоса юрнуӧдысь, гижа Енмӧн бӧрйӧм аньлы да сылӧн челядьлы. Ті меным збыльысь мусаӧсь. Мусаӧсь абу сӧмын меным, но быдӧнлы, коді тӧдӧ збыльсӧ.

2 Иоан 1:13

Чолӧм тэныд ыстӧны бӧрйӧм чойыдлӧн челядьыс. Аминь.

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.