1 Петыр 3:9 - Коми Библия 2023

⁹ Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

1 Петыр 3:9 Kruisverwysings

Олӧм 42:25

Ӧсип тшӧктіс тыртны вокъяслысь мешӧкъяссӧ няньӧн, а няньысь мынтысян сьӧмсӧ тшӧктіс бӧр пуктыны налӧн мешӧкъясӧ. Нӧшта тшӧктіс сетны туяныс сёян. Тадзи вӧлі вӧчӧма.

Шусьӧгъяс 17:13

Коді бурсьыс лёкӧн мынтысьӧ, сылысь керкасӧ лёкыс оз эновт.

Шусьӧгъяс 20:22

Эн шу: «Лёк вӧчӧмысь лёкӧн мынтыся», Господь вылӧ лачатӧ кут, и Сійӧ доръяс тэнӧ.

Шусьӧгъяс 28:10

Коді веськыда олысьӧс лёкас кыскӧ, сійӧ ачыс аслас гуӧ усяс, а сӧстӧмъяслы бурыс вичмас.

Матвей 19:29

Коді Менам ним вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ да видз-мусӧ, сылы сё пӧвстӧн бӧр воас, нӧшта помтӧм олӧм сылы вичмас.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Матвей 5:39

Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Марк 10:17

Туйӧ петігас Исус дінӧ котӧрӧн локтіс ӧти морт да Исус водзӧ пидзӧс вылас сувтӧмӧн юаліс: «Бур Велӧдысьӧй, мый меным колӧ вӧчны, мед вичмис меным помтӧм олӧм?»

Лука 10:25

Индӧдӧ велӧдысьясысь ӧти Исусӧс кыйӧм могысь юаліс: «Велӧдысь, мый меным колӧ вӧчны, мед вичмис меным помтӧм олӧм?»

Лука 18:18

Ӧти юралысь юаліс Исуслысь: «Бур Велӧдысьӧй, мый меным колӧ вӧчны, мед вичмис меным помтӧм олӧм?»

Римӧ 12:14

бурсиӧй тіянӧс вӧтлысьясӧс, бурсиӧй найӧс, а энӧ ёрӧй.

Римӧ 12:17

Лёк вӧчӧмысь лёкӧн энӧ мынтысьӧй, йӧзыс водзын ставсӧ зільӧй вӧчны веськыда.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

Еврейяслы 12:17

Ті ӧд тӧданныд, мый бӧрыннас Исав кӧсйис босьтны бурсиӧмсӧ, но сійӧс вӧлі ӧтдортӧма. Исав бӧрдӧмӧн корис бурсиӧм, но вежны батьыслысь мӧвпъяссӧ эз нин вермы.

Еврейяслы 6:14

Енмыс шуис: «Ме озыра бурсиа тэнӧ да сета тэныд уна чужысьӧс».

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Ӧксыяслӧн 1 небӧг 26:11

Босьт сылӧн юр дорысь шысӧ да ва тыра дозсӧ. Мунам татысь».