1 Петыр 3:4 - Коми Библия 2023

⁴ Тіян мед лоӧ пытшкӧсса мичлун: рам да лӧнь сьӧлӧм. Тайӧ мичлуныс бырлытӧм, сійӧ дона Енмыслы.

1 Петыр 3:4 Kruisverwysings

Псалтыр 131:2

Сійӧ кыв сетіс Господьлы, Яковлӧн вына Енлы кӧсйысьӧмӧн шуис,

Псалтыр 147:6

ёкмыльясӧс моз шыблалӧ му вылӧ шерсӧ. Сылӧн кӧдзыдысь коді вермас дзебсьыны?

Псалтыр 149:4

Ӧд Господь радейтӧ Ассьыс войтырсӧ, рам сьӧлӧмаясӧс мичмӧдӧ мездмӧмӧн.

Псалтыр 25:9

Эн бырӧд менӧ мыжаяскӧд, эн босьт менсьым олӧмӧс вир кисьтысьяскӧд ӧтвыв.

Псалтыр 51:6

Тэ радейтан виана кывъяс, тэ ылӧдчысь вома морт!

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 29:19

Коньӧръяс кутасны ёнджыка на нимкодясьны Господьӧн, гӧльяс кутасны кыпыда ошкыны Израильлысь вежа Енмӧс

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Еремей 51:59

Еремей пророк туйдӧдіс Махсей Нирийлысь Серай писӧ, ӧксылӧн шойччанінъяс вӧсна кывкутысьӧс, кор сійӧ мӧдӧдчис иудаса Седекей ӧксыкӧд Вавилонӧ. Тайӧ вӧлі Седекейлӧн нёльӧд веськӧдлан воӧ.

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

Матвей 21:5

– Висьталӧй Сион нывлы: Видзӧд, Ӧксыыд локтӧ тэ дінӧ! Сійӧ рам сьӧлӧма, пукалӧ осёл вылын, сийӧсалӧм осёллӧн чань вылын.

Матвей 23:26

Синтӧм фарисей, медводз пытшкӧссяньыс весав тасьті-дозмуктӧ, сэки ортсысяньыс тшӧтш сӧстӧммас.

Матвей 5:5

Шудаӧсь рамъяс, ӧд налы вуджас кӧсйысьӧм муыс.

Лука 11:40

Вежӧртӧмъяс! Эз-ӧ ортсысӧ вӧчысьыс вӧч тшӧтш пытшкӧссӧ?

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Римӧ 1:23

Пыр олысь Енмӧс нимӧдӧм пыдди пондісны юрбитны быранаыслы: морт, лэбач, пемӧс да веглясьысь сяма вӧчӧмторъяслы.

Римӧ 2:29

Но иудейыд сійӧ, коді сьӧлӧмнас иудей. Вундыштӧм пассӧ пуктӧма сылы сьӧлӧмас абу Индӧд серти, сійӧс Лов пуктӧма. Татшӧмыслы ошкӧмыс лоӧ Енсянь, а оз мортсянь.

Римӧ 6:6

Ми тӧдам: миянлысь важ мортсӧ тувъялӧма Кристоскӧд, медым тайӧ мыжа вир-яйыс эз нин ыджыдав, и ми эгӧ нин вӧлӧй мыжыслӧн кипод улынӧсь.

Римӧ 7:22

Менам пытшкӧсса мортыс нимкодьпырысь сибӧдӧ Енлысь Индӧдсӧ,

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

2 Коринфӧ 4:16

Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.

Галатӧ 5:23

рамлун, асьтӧ кутӧм. Таысь Индӧдыс оз мыжды.

Ефесӧ 4:2

Пыр лоӧй меліӧсь, рамӧсь, терпитӧмӧн да мусапырысь бурӧ пуктӧй ӧта-мӧднытӧ.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

Колосӧ 3:3

Ті ӧд кулінныд, да тіянлысь олӧмнытӧ дзебӧма Кристоскӧд Ен пытшкӧ.

1 Фессалоникаӧ 4:11

Зільӧй овны лӧня. Быдӧн мед вӧчӧ ассьыс удж, ас ки помысь шедӧдӧ олӧм вылас. Тадзи ми велӧдлім тіянӧс.

2 Фессалоникаӧ 3:12

Татшӧм йӧзсӧ миян Господь Исус Кристос нимӧн корам да ышӧдам: уджалӧй рам сьӧлӧмӧн да ас ки помысь шедӧдӧй аслыныд кынӧмпӧттӧ.

1 Тимофейлы 2:2

Кевмысьӧй юралысьяс да ыджыдалысьяс вӧсна, медым ми олім лӧня да зыксьытӧг, вежавидзӧмӧн да шогмана ногӧн.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Яков 1:21

Та вӧсна эновтчӧй быдпӧлӧс пежсьыс да лёк вӧчӧмысь, рам сьӧлӧмӧн сибӧдӧй тіянлы висьталӧм кывсӧ, ӧд сійӧ вына мездыны тіянлысь ловнытӧ.

1 Петыр 1:23

Ті выльысь чужинныд энӧ сісьмана кӧйдыссянь, а сісьмытӧмсянь – Енлӧн ловъя да бырлытӧм кывсянь.

1 Петыр 3:15

Господь Енмӧс вежавидзӧмӧн медвылӧ пуктӧй сьӧлӧманыд. Юалас кӧ кодкӧ лачаныд йылысь, пыр лоӧй дасьӧсь вочавидзны сылы. Вочавидзӧй рам сьӧлӧмӧн да Енсьыс полӧмӧн.

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».