1 Коринфӧ 6:2 - Коми Библия 2023

² Ті ӧмӧй онӧ тӧдӧй, мый вежа войтыр кутас мыждыны муюгыдсасӧ? Кутанныд кӧ мыждыны муюгыдсасӧ, мыйла тайӧ ичӧтикторъясыс кузя онӧ вермӧй ӧти кывйӧ воны?

1 Коринфӧ 6:2 Kruisverwysings

Псалтыр 49:14

Вай Енмыслы вись пыдди аттьӧалӧм, вӧч сійӧ, мый кӧсйысин Медвылыссалы.

Даниил 7:18

Но юралӧмсӧ босьтас Медвылыссалӧн вежа войтырыс, и найӧ пондасны юравны помтӧг и нэмъяс чӧж».

Даниил 7:22

Но локтіс важысянь Олысь да Медвылыссалысь вежа войтырсӧ суис веськыда мыждӧм. Сэсся воис кад налы юравны.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Матвей 19:28

Исус шуис: «Веськыда висьтала тіянлы: выль олӧмын Морт Пи пуксяс дзирдлуныслӧн юралан пуклӧсӧ. Тшӧтш ті, Ме бӧрся мунысьяс, пуксянныд дас кык юралан пуклӧсӧ мыждыны израильса дас кык чужанкотырӧс.

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

Римӧ 6:16

Ті ӧмӧй онӧ тӧдӧй: кодлы ті сетанныд асьнытӧ кесъявны, сылӧн ті и кесйӧгъяс. Кывзысянныд кӧ мыжыслысь – куланныд, Енмыслысь кӧ кывзысянныд – веськыдӧн лоанныд.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

1 Коринфӧ 6:4

Кор ті вензянныд ӧта-мӧдныдкӧд быдлунъя могъяс йылысь, сэки ті шыасянныд на дінӧ, кодъяс абу вичкосаяс.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

1 Фессалоникаӧ 3:13

Господь мед ёнмӧдас сьӧлӧмнытӧ, медым ті вӧлінныд вежаӧсь да сӧстӧмӧсь Ен Батьным водзын, кор миян Господь Исус Кристос локтас став Аслас вежа войтыркӧд. Аминь.

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.