1 Коринфӧ 4:12 - Коми Библия 2023

¹² кок йылысь усьтӧдз уджалам, ас ки помысь кынӧмпӧт перъям. Миянӧс лёкӧдӧны, а ми бурсиам, миянӧс вӧтлӧны, а ми терпитам.

1 Коринфӧ 4:12 Kruisverwysings

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Римӧ 12:14

бурсиӧй тіянӧс вӧтлысьясӧс, бурсиӧй найӧс, а энӧ ёрӧй.

Римӧ 12:20

Тэнӧ мустӧмтысь кӧ тшыг, верд сійӧс, горшыс кӧ косьмӧ, юктав сійӧс. Тадзи тэ чукӧртан сылы юр вылас биа ӧгыръяс».

Ап. уджъяс 18:3

да кольччис сэтчӧ, мед тшӧтш уджавны накӧд, ӧд сійӧ на моз жӧ вурис дӧрачомъяс.

Лука 6:28

бурсиӧй тіянӧс ёрысьясӧс да кевмысьӧй тіянӧс ӧтдортысьяс вӧсна.

1 Петыр 3:14

Ті кӧ нуанныд сьӧкыдсӧ веськыда олӧм вӧснаныд, сідзкӧ, ті шудаӧсь. Энӧ полӧй некодысь да энӧ майшасьӧй нинӧмысь.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

Лука 23:34

Исус кевмис: «Батьӧй, прӧстит тайӧ йӧзсӧ, ӧд найӧ оз тӧдны, мый вӧчӧны». Шыпуртаяс пудъясьӧмӧн юкисны Исуслысь паськӧмсӧ.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Ап. уджъяс 7:60

Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Иуда 1:9

Кор Микаил архангел вензис омӧлькӧд Мӧисей шой йылысь, сійӧ эз лысьт лёкӧдны-мыждыны омӧльӧс. Сӧмын шуис: «Господь мед ӧлӧдас тэнӧ».

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

2 Фессалоникаӧ 3:8

некодлысь дась нянь эгӧ сёйӧй. Лун и вой пӧсь петтӧдз уджалім, ӧд некодӧс тіян пӧвстысь эгӧ кӧсйӧй сьӧктӧднысӧ.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

1 Коринфӧ 9:6

Гашкӧ, сӧмын меным да Варнавалы колӧ уджавнысӧ, медым аслыным кынӧмпӧт перйыны?

Ап. уджъяс 20:34

Ті асьныд тӧданныд, мый ме аслам киӧн уджалі, медым менам да тшӧтш ёртъяслӧн вӧлі став коланаыс.

1 Петыр 4:19

Сідзкӧ, Ен кӧсйӧм серти сьӧкыдсӧ нуысьяс, сетӧй асьнытӧ дзоньнас эскана Ставсӧвӧчысьлы да водзӧ вӧчӧй бурсӧ.

Римӧ 8:35

Мый вермас торйӧдны миянӧс Енлӧн муслунысь? Гашкӧ, шог, дзескӧдӧм, вӧтлӧм? Гашкӧ, тшыгъялӧм, кӧм-пасьтӧг кольӧм? Гашкӧ, неминуча суӧм, шыпуртысь кулӧм?

2 Коринфӧ 11:8

Мед кесъявны тіянлы, мукӧд вичкояслысь ме босьтлі сьӧм, позьӧ шуны, куштылі найӧс. Кӧть меным эз вӧв ставыс тырмана, тіянын олігӧн ме некодӧс эг сьӧктӧдлы.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.