1 Коринфӧ 16:2 - Коми Библия 2023

² вежонса медводдза лунӧ быдӧн торйӧдӧй сьӧмнытӧ мыйта верманныд да видзӧй сійӧс ас орданыд. Сэки менам локтігкежлӧ тіян лоӧ чукӧртӧма нин.

1 Коринфӧ 16:2 Kruisverwysings

Олӧм 26:12

Исаак кӧдзис му да босьтіс сійӧ вонас няньсӧ сё пӧвстӧн. Тадзи бурсиис сійӧс Господь.

Олӧм 30:27

Лаван шуис сылы: «Ло бур сьӧлӧма, кывзы менӧ! Ӧні ме тӧда, мый тэ вӧсна Господь бурсиис менӧ.

Олӧм 30:30

Меӧдз тэнад пемӧсыд этша вӧлі, а ме локті да, унасьыс-уна лои! Менам локтӧмсянь Господь ёна бурсиис тэнӧ. А кор нӧ ме кута уджавны аслам гортсалы?»

Олӧм 32:10

Тэнад буралӧмыд ыджыд, Тэ уна бурсӧ вӧчин меным, Аслад кесйӧглы. Ме ог сулав та доныс! Йӧрдан ю вуджигӧн менам вӧлі сӧмын бедь, а ӧні, бӧрсӧ локтігӧн, меным ковмис ыджыд овмӧсӧс кык пельӧ юкны.

Олӧм 33:11

Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

2 Каднебӧг 31:10

Садок рӧдысь Азарий аркирей вочавидзис сылы: «Сійӧ кадсяньыс, кор йӧзыс пондісны вайны Господьлӧн крамӧ козинъяс, ми пӧттӧдз сёям. И унатор кольӧ на, ӧд Господь бурсиис Ассьыс войтырсӧ. Со, тайӧ чукӧръясыс колисны на».

Марк 14:8

Тайӧ аньыс вӧчис, мый вермис: дасьтіс Менӧ дзебигкежлӧ.

Лука 16:10

«Коді эскана ичӧтас, сійӧ лоӧ эскана ыджыдас. Ичӧтас ылӧдлысь ылӧдлас и ыджыдас.

Лука 24:1

Шойччан лун бӧрын водз асывнас дасьтӧм мавтасъясӧн аньяс локтісны дзебанінӧ. Накӧд вӧліны нӧшта мукӧдъяс.

Иоан 20:19

Шойччан лун бӧрын рытнас велӧдчысьяс чукӧртчисны ӧтлаӧ. Иудейяслӧн веськӧдлысьясысь полӧм вӧсна найӧ йигналісны ӧдзӧсъяссӧ. Виччысьтӧг локтіс Исус, сувтіс на шӧрӧ да шуис: «Лӧнь олӧм тіянлы!»

Иоан 20:26

Вежон мысти Исуслӧн велӧдчысьясыс бара вӧліны керкаынӧсь, Фома тшӧтш вӧлі накӧд. Ӧдзӧсъясыс вӧліны йиганаӧсь, но Исус сувтіс на шӧрӧ да шуис: «Лӧнь олӧм тіянлы!»

Ап. уджъяс 20:7

Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз.

2 Коринфӧ 8:10

Ме туйдӧда тіянӧс, ӧд тайӧ тіянлы бур вылӧ. Ті кольӧм воӧ нин кутінныд вӧчны тайӧ уджсӧ, и вӧчинныд сійӧс окотапырысь.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.