1 Коринфӧ 14:16 - Коми Библия 2023

¹⁶ Тэ кӧ кутан ошкыны Енсӧ сӧмын ловнад, сэки орччӧн сулалысь морт гӧгӧрвотӧгыс оз вермы шуны ”аминь” тэнад ошкӧм вылӧ. Сійӧ ӧд оз гӧгӧрво тэнсьыд висьталӧмтӧ.

1 Коринфӧ 14:16 Kruisverwysings

Ӧксыяслӧн 3 небӧг 1:36

Иодайлӧн Бенай пиыс воча шуис Давид ӧксылы: «Мед лоас тадзи! Тэнсьыд шуӧмтӧ, ӧксыӧй-ыджыдӧй, мед вынсьӧдас Господь, тэнад Ен!

1 Каднебӧг 16:36

Ошкӧм Господьлы, Израильлӧн Енлы, нэмъяс чӧж! Став войтырыс шуис: «Аминь!» да ошкис Господьӧс.

Неемий 5:13

Сэсся ме пыркниті ассьым паськӧмӧс да шуи: «Тадзи Енмыс мед пыркнитас Аслас керкаысь да Аслас муысь быдӧнӧс, коді ассьыс кывсӧ оз кут. Тадзи сійӧс кушӧдз лоӧ пыркнитӧма». Став войтырыс шуис ”аминь” да ошкис Енмӧс. Ассьыныс кывсӧ найӧ кутісны.

Неемий 8:6

Ездра ошкис Господьӧс, ыджыд Енмӧс. А став войтырыс кинысӧ вывлань лэптӧмӧн шуаліс: «Аминь! Аминь!» Сэсся найӧ муӧдзыс копыртчӧмӧн юрбитісны Господьлы.

Псалтыр 72:19

Ӧти здукӧн найӧс лоӧ бырӧдӧма, найӧ вошасны, налӧн олӧмныс лёка помасяс.

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Еремей 28:6

Еремей пророк шуис: «Господь мед вӧчас дзик тадзи. Господь мед збыльмӧдас тэнсьыд пророкалӧмтӧ да Вавилонысь бӧр бергӧдас татчӧ Господьлӧн керкалысь дозмук-кӧлуйсӧ да пленӧ нуӧдӧмаясӧс.

Лыд 5:22

кор ёрӧмсӧ вайысь ваыс пырас пытшкӧсад”. Ань мед шуас: ”Аминь, мед лоас тадзи”.

Матвей 15:36

Ачыс босьтіс сизим няньсӧ да черисӧ, Енмӧс аттьӧалӧмӧн чегъяліс няньсӧ да сетіс велӧдчысьясыслы, а велӧдчысьяс – йӧзыслы.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Марк 16:20

А велӧдчысьясыс мунісны да быдлаын висьтавлісны Бур Юӧр. Господь отсаліс налы да вынсьӧдіс Юӧрсӧ индысьпасъясӧн. Аминь.

Иоан 21:25

Уна мукӧдтор на вӧчис Исус. Но гижны кӧ та йылысь ставсӧ, сэки, ме чайта, муюгыдас эськӧ эз тӧр та мында небӧгыс. Аминь.

Иоан 7:15

Иудейяслӧн веськӧдлысьяс шензисны: «Кытысь Сійӧ велӧдчытӧгыс тӧдӧ Гижӧдъяссӧ?»

Ап. уджъяс 4:13

Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд.

1 Коринфӧ 11:24

Енмӧс аттьӧалӧмӧн чегъяліс няньсӧ да шуис: «Босьтӧй, сёйӧй, тайӧ Менам яй, чегъялӧма тіян вӧсна. Вӧчӧй тайӧс Менӧ казьтывлӧм могысь».

1 Коринфӧ 14:14

Ӧд ме кӧ кевмыся мукӧд кывъяс вылын, сэки кевмысьӧ сӧмын лолӧй, а вежӧрӧй нинӧм оз гӧгӧрво.

1 Коринфӧ 14:2

Коді сёрнитӧ мукӧд кывъяс вылын, сійӧ сёрнитӧ Енмыскӧд, а оз йӧзкӧд. Сійӧс некод оз гӧгӧрво, ӧд сійӧ висьталӧ гусяторъяссӧ Лов вынӧн.

1 Коринфӧ 16:24

Менам муслунӧй ставныдкӧд, кодъяс Исус Кристос пытшкынӧсь. Аминь.

2 Коринфӧ 1:20

Енлӧн став кӧсйысьӧмыс збыльмис Исус Кристос пыр. Та вӧсна Енмӧс ошкӧмӧн ми шуам Сылы Исус Кристос пыр ”Аминь”.

Восьтӧм 22:20

Тайӧ кывъяссӧ Висьталысьыс шуӧ: «Ме регыд локта, тайӧ тадзи!» Аминь. Лок, Господьӧй Исусӧй!

Восьтӧм 5:14

Сэки енэжвыв нёль олысьыс шуисны: «Аминь!» А кызь нёль юрнуӧдысьыс уськӧдчисны да копыртчылісны помтӧг Олысьлы.

Восьтӧм 7:12

Найӧ шуалісны: – Аминь! Дзирдлуныс да мывкыдлуныс, выныс да ёнлуныс, ошкӧм-нимӧдӧмыс да аттьӧалӧмыс миян Енлы нэмъяс чӧж! Аминь.