1 Каднебӧг 8:34 - Коми Библия 2023

³⁴ Ионафанлӧн вӧлі Мерибал нима пи. Мерибаллӧн чужис Микей.

1 Каднебӧг 8:34 Kruisverwysings

Ӧксыяслӧн 2 небӧг 4:4

Ионафанлӧн, Саул пилӧн, вӧлі Мепибошет нима чотысь пи. Сылы вӧлі вит арӧс, кор воис Изреельсянь Сауллӧн да Ионафанлӧн кулӧм йылысь юӧр. Сэки кага видзысь кватитіс ичӧт зонкаӧс да котӧрӧн пышйис. Котӧртігас зонкаӧс уськӧдіс, та бӧрын сійӧ кутіс чотны.

Ӧксыяслӧн 2 небӧг 9:10

Аслад пиянкӧд да аслад кесйӧгъяскӧд вӧдит сылысь видз-мусӧ. Мувыв быдтассӧ сет аслад ыджыдыдлӧн пилы, медым сылӧн керкаас пыр вӧлі сёян-юан. Ачыс Мепибошет мед пыр сёяс-юас менам пызан сайын». Сивейлӧн вӧлі дас вит пиян да кызь кесйӧг.

Ӧксыяслӧн 2 небӧг 9:12

Мепибошетлӧн вӧлі Мика нима ичӧт пи. Сивей керкаын олысьяс ставныс кесъялісны Мепибошетлы.

Ӧксыяслӧн 2 небӧг 9:6

Саул Ионафанлӧн Мепибошет пиыс локтіс Давид дінӧ да муӧдзыс копыртчис сылы. «Мепибошет!» – шыасис Давид сы дінӧ. Мӧдыс вочавидзис: «Ме – тэнад кесйӧг».

1 Каднебӧг 8:33

Нирлӧн чужис Кис, Кислӧн – Саул, Сауллӧн чужисны Ионафан, Малкисуй, Авинадав да Эшбаал.

1 Каднебӧг 8:35

Микейлӧн вӧліны Питон, Мелек, Тарей да Ахаз пиян.

1 Каднебӧг 9:40

Ионафанлӧн вӧлі Мерибал нима пи. Мерибаллӧн чужис Микей.