1 Каднебӧг 3:1 - Коми Библия 2023

¹ Хевронын Давидлӧн чужисны пиян. Медводдза писӧ, Амнонӧс, чужтіс Изреельысь Ахиноама. Мӧд писӧ, Даниилӧс, чужтіс Кармилысь Авигея.

1 Каднебӧг 3:1 Kruisverwysings

Ӧксыяслӧн 2 небӧг 13:1

Авессаломлӧн, Давид пилӧн, вӧлі Фамар нима зэв мича чой. Сійӧс радейтіс Амнон, Давидлӧн мӧд пиыс.

Ӧксыяслӧн 2 небӧг 13:29

Кесйӧгъяс вӧчисны Авессаломлӧн тшӧктӧм серти. Сэки ӧксылӧн пиян быдӧн сӧліс аслас мул вылӧ да пышйис.

Ӧксыяслӧн 2 небӧг 3:1

Саул да Давид рӧдъяс костын дыр кад чӧж муніс тыш. Давидлӧн юралӧмыс ӧтарӧ зумыдмис, а Саул рӧдлӧн – ӧтарӧ жебмис.

Ӧксыяслӧн 2 небӧг 5:13

Хевронысь Ерусалимӧ локтӧм бӧрын Давид босьтіс сэтчӧс аньяс пиысь нӧшта аслыс гӧтыръясӧс.

1 Каднебӧг 2:55

Ябецын олысь соферъяссянь чужисны тирейяс, шимейяс да сукатъяс. Найӧ вӧліны кенейяс, Хамматсянь чужысьяс, Рекав рӧдысь.

1 Каднебӧг 28:5

Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн.

1 Каднебӧг 3:2

Коймӧдсӧ, Авессаломӧс, чужтіс Маака, гешурса Талмай ӧксылӧн нылыс. Нёльӧдсӧ, Адонийӧс, чужтіс Агита;

Нав Исус 15:56

Изреель, Иокдам, Заноах,

Ӧксыяслӧн 1 небӧг 27:3

Давид аслас кыкнан гӧтырыскӧд, Изреельысь Ахиноамакӧд да Кармилысь Авигеякӧд, Наваллӧн вӧвлӧм гӧтыркӧд, овмӧдчис Гефӧ. Давидкӧд локтӧм йӧзыс асланыс став котырнас тшӧтш овмӧдчисны сэтчӧ.