1 Каднебӧг 19:3 - Коми Библия 2023

³ сэтчӧс юралысьяс шуисны Ханунлы: «Тэ чайтан, Давид збыльысь пыдди пуктӧ тэнсьыд батьтӧ и та вӧсна мӧдӧдіс тэ дінӧ ассьыс йӧзсӧ? Сійӧ мӧдӧдіс найӧс кыйӧдчысьясӧс моз, мед видзӧдлыны мунымӧс, а сэсся бырӧдны сійӧс».

1 Каднебӧг 19:3 Kruisverwysings

Ӧксыяслӧн 2 небӧг 10:3

сэтчӧс юралысьяс шуисны асланыс Ханун ыджыдлы: «Тэ чайтан, Давид збыльысь пыдди пуктӧ тэнсьыд батьтӧ и та вӧсна мӧдӧдіс тэ дінӧ ассьыс йӧзсӧ? Сійӧ мӧдӧдіс найӧс кыйӧдчысьясӧс моз, мед видзӧдлыны карнымӧс, а сэсся бырӧдны сійӧс».

1 Каднебӧг 19:2

Давид шуис: «Ме бурсьӧлӧмтча Ханун дінӧ, ӧд сылӧн Нахаш батьыс вӧлі бур сьӧлӧма ме дінӧ». Давид мӧдӧдіс йӧзӧс, медым Ханункӧд тшӧтш юкны шогсӧ сылӧн батьыс вӧсна. Кор Давидлӧн кесйӧгъяс локтісны аммон войтырлӧн муӧ, медым бурӧдны Ханунӧс,

1 Каднебӧг 19:4

Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.

Ёрдысьяс 18:2

Дан чужанкотыр бӧрйис вит ён мортӧс, кодъяс вӧліны Цора да Эштаол каръясысь, да мӧдӧдіс найӧс видзӧдавны мусӧ. Найӧ локтісны Ефрем керӧсвыв муӧ Микей ордӧ да узьмӧдчисны сэтчӧ.

Ӧксыяслӧн 1 небӧг 29:4

Филистимса юралысьяс скӧрмисны Акиш вылӧ да шуисны: «Ысты сійӧс бӧр. Мед мунас сэтчӧ, кытчӧ тэ сійӧс овмӧдін. Сылы оз позь миянкӧд ӧтвыв петны тышӧ, вермас миянлы паныд сувтны. Сэсся миянӧс виалӧмнас бурмӧдас аслас ыджыдлысь сьӧлӧмсӧ.

Ӧксыяслӧн 1 небӧг 29:9

Акиш вочавидзис: «Тӧд, тэ меным Енлӧн андел кодь бур. Но филистимса юралысьяс шуисны, мый тэныд оз позь миянкӧд ӧтвыв петны тышӧ.