1 Каднебӧг 16:3 - Коми Библия 2023

³ Чукӧртчӧм став Израиль войтырлы, быд айловлы да аньлы, сетіс нянь, пражитӧм яйтор да изюм.

1 Каднебӧг 16:3 Kruisverwysings

Ӧксыяслӧн 3 небӧг 3:15

Кор Соломон садьмис, сійӧ гӧгӧрвоис, мый тайӧ вӧлі вӧт. Сійӧ бӧр локтіс Ерусалимӧ, сэні муніс [висьпуктанін дорӧ] Господьлӧн Йитӧд куд водзӧ и вайис сотан да бурасян висьяс. Та бӧрын аслас кесйӧгъяслы вӧчис ыджыд гаж.

1 Каднебӧг 16:2

Вись вайӧм бӧрын Давид бурсиис войтырсӧ Господь нимӧн.

1 Каднебӧг 16:4

Давид сувтӧдіс левитъясӧс кесъявны Господьлӧн кудйыс водзын: сьывны-ошкыны, аттьӧавны да ыдждӧдлыны Господьӧс, Израильлысь Енсӧ.

2 Каднебӧг 30:24

Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

Сьылан 2:5

Вайӧй меным изюм, медым ёнмыштны, вайӧй меным яблӧг, медым ловзьыштны, ӧд ме муслунысь эбӧстӧмми.

Исай 16:7

Та вӧсна Моавлы ковмас бӧрдны ас вӧснаыс, моавсаяс ставныс бӧрдӧны. Кир-Харешетын ті чукӧртлінныд-косьтылінныд виноград, тайӧс воштӧм вӧсна ӧні ті бӧрданныд.

Езекиль 45:17

Ӧд Израиль войтырлӧн вежа гажӧдчан лунъяс дырйи, выль тӧлысь чужигӧн да шойччан лунъяс дырйи ӧксы кывкутӧ сотан вись, нянь вись да вина вись вайӧм вӧсна. Сійӧ мед ваяс мыжысь вись да нянь вись, сотан да бурасян висьяс, медым вештыны Израиль войтырлысь мыжсӧ».

Осий 3:1

Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

1 Петыр 4:9

Сибӧдӧй ӧта-мӧднытӧ шуасьтӧг.