1 Каднебӧг 11:18 - Коми Библия 2023

¹⁸ Сэки тайӧ куим мортыс мунісны филистимсаяслӧн сувтанінӧ, тышкасьӧмӧн матыстчисны Виплием дзиръя дорӧ да гумовтісны юкмӧсысь васӧ. Сэсся вайисны Давидлы. Но Давид эз кут юны тайӧ васӧ, а кисьтіс сійӧс Господьлы вись пыдди.

1 Каднебӧг 11:18 Kruisverwysings

Ӧксыяслӧн 2 небӧг 23:16

Сэки тайӧ куим тышкамортыс мунісны филистимсаяслӧн сувтанінӧ, тышкасьӧмӧн матыстчисны Виплием дзиръя дорӧ да гумовтісны юкмӧсысь васӧ. Сэсся вайисны Давидлы. Но Давид эз кут юны тайӧ васӧ, а кисьтіс сійӧс Господьлы вись пыдди.

1 Каднебӧг 11:17

Давидлӧн горшыс кутіс косьмыны. Сійӧ шуис: «Коді эськӧ ваяс меным юкмӧсысь ва Виплием дзиръя дорысь!»

1 Каднебӧг 11:19

«Енмӧй, ме ог вермы юны тайӧ васӧ! Тайӧ – йӧзлӧн вир, найӧ дасьӧсь вӧліны воштыны олӧмнысӧ», – шуис Давид и эз кут юны. Татшӧм уджъяс вӧчисны тайӧ куим тышкамортыс.

Сьылан 8:6

Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь.

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Ап. уджъяс 21:13

Павел воча шуис: «Мый ті бӧрданныд, менсьым сьӧлӧмӧс дойдаланныд? Ме дась лоны кӧрталӧмаӧн, весиг дась кувны Ерусалимын Господь Исус ним вӧсна».

Ӧксыяслӧн 1 небӧг 19:5

Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.