1 Каднебӧг 10:4 - Коми Библия 2023

⁴ Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.

1 Каднебӧг 10:4 Kruisverwysings

Ӧксыяслӧн 2 небӧг 1:20

Энӧ висьтавлӧй та йылысь Гефын, энӧ паськӧдӧй юӧрсӧ Аскалон туйяс вылын, медым эз нимкодясьны филистимса нывъяс, эз гажӧдчыны вундыштчытӧмъяслӧн нывъяс.

Ӧксыяслӧн 2 небӧг 1:6

Юӧр вайысь шуис: «Ме локті Гелву керӧсӧ да аддзи доймалӧм Саулӧс. Сійӧ сулаліс шы вылас мыджсьӧмӧн. Тарантасъяс да верзьӧмаяс вӧлі матыстчӧны сылань.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 3 небӧг 16:18

Зимри кор аддзис, мый израильса тышкайӧз босьтісны карсӧ, пырис аслас ӧксы керкаӧ пыді жыръяс да ӧзтіс керкасӧ, ачыс сотчис. Тадзи сійӧ куліс

1 Каднебӧг 10:3

Чорыд тыш вӧлі Саулкӧд. Сійӧс лыйлісны ньӧвъясӧн, ёна дойдалісны.

1 Каднебӧг 10:5

Шыпурт новлӧдлысь кор аддзис, мый Саул куліс, тшӧтш шыбитчис шыпурт ёсьладор помас да куліс.

Ап. уджъяс 1:18

Лёк уджсьыс босьтӧм сьӧм вылас сійӧ ньӧбис му. Сэні лёкногӧн усис, кынӧмыс потіс, весиг гырк пытшкӧсыс ортсӧ петіс.

Ап. уджъяс 16:27

Пуксьӧдӧмаясӧс видзысьыс садьмис да аддзис, мый ӧдзӧсъяс восьсаӧсь. Сэки перйис шыпуртсӧ да кӧсйис вины асьсӧ, чайтіс, мый пышйӧмаӧсь ставныс.

Ёрдысьяс 15:18

Самсонлӧн ёна косьмис горшыс. Сійӧ шыасис Господь дінӧ: «Тэ сетін меным, аслад кесйӧглы, ыджыд вермӧм. А ӧні ме горш косьмӧмӧйла кула, вундыштчытӧмъяслӧн киӧ веськала».

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»

Ӧксыяслӧн 1 небӧг 31:4

Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз вины менӧ да оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.