1 Иоан 4:16 - Коми Библия 2023

¹⁶ Ми тӧдмалім Енлысь миян дінӧ муслунсӧ да эским Сылӧн муслунас. Енмыс эм муслун. Коді олӧ муслун пытшкас, сійӧ Ен пытшкын, а Енмыс сы пытшкын.

1 Иоан 4:16 Kruisverwysings

Исай 64:4

Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Иоан 6:69

Ми эскам да тӧдам: Тэ – Кристос, ловъя Енлӧн Пи».

Иоан 9:3

Исус вочавидзис: «Сійӧ абу мыжа, бать-мамыс тшӧтш абу мыжаӧсь. Сійӧ синтӧм, медым сы пыр тыдовтчасны Енлӧн уджъясыс.

1 Коринфӧ 2:9

Ӧд гижӧма: – Эз аддзывлы син, эз кывлы пель, весиг юрас мортлы эз волы, мый Енмыс дасьтӧма Сійӧс радейтысьяслы.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

1 Иоан 3:16

А муслунсӧ ми тӧдмалім сы серти, мый Кристос сетіс Ассьыс олӧмсӧ миян вӧсна. Сідзкӧ, миянлы тшӧтш колӧ сетны олӧмнымӧс вокъясным вӧсна.

1 Иоан 3:24

Коді кутчысьӧ Сылӧн тшӧктӧмъясӧ, сійӧ олӧ Кристос пытшкын, а Кристос – сы пытшкын. Ловсянь, кодӧс Кристос сетіс миянлы, ми тӧдам, мый Сійӧ миян пытшкын.

1 Иоан 4:7

Мусаясӧй, кутам радейтны ӧта-мӧднымӧс, ӧд муслуныс Енсянь. Коді радейтӧ, сійӧ Енсянь чужӧма да тӧдӧ Енсӧ.