1 Иоан 2:28 - Коми Библия 2023

²⁸ Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

1 Иоан 2:28 Kruisverwysings

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Малакий 3:2

Коді вермас ловйӧн кольны Сылӧн локтігӧн? Коді вермас сулавны Сылӧн петкӧдчигӧн? Зарни сывдысь моз Сійӧ весалӧ биӧн, песласьысь моз – кунваӧн.

Малакий 4:5

Господьлӧн ыджыд да повзьӧдана луныс вотӧдз Ме ыста тіян дінӧ Илля пророкӧс.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Марк 8:38

Коді яндысяс Меысь да Менам кывъясысь тайӧ мыжа да пежас ылалӧм йӧз водзын, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн».

Лука 17:30

Тадзи лоас Морт Пилӧн петкӧдчан лунӧ.

Римӧ 9:33

Та йылысь гижӧма: – Сионӧ Ме пукта из, кытчӧ найӧ крукасясны-усясны. Но Сылы эскысь оз янав.

1 Коринфӧ 1:7

та вӧсна миян Господь Исус Кристослысь локтӧмсӧ виччысигӧн ті озырӧсь сетӧмторъяснас.

1 Коринфӧ 15:23

Но быдӧн ас кадӧ ловзяс: медводз ловзис Кристос, сэсся Кристослӧн локтігас ловзяс Сылӧн войтырыс.

Ефесӧ 3:12

Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.

Колосӧ 3:4

Тіян олӧмыс – Кристос. Кор Сійӧ локтас, Сыкӧд тшӧтш и ті тыдовтчанныд Сылӧн дзирдлунас.

1 Фессалоникаӧ 2:19

Миян Господь Исус Кристос локтігӧн ог ӧмӧй тіянӧн кутӧй ошйысьны Сы водзын? Абу-ӧ ті миян лачаыс, нимкодьлуныс да ошйысян юркытшыс?

1 Фессалоникаӧ 3:13

Господь мед ёнмӧдас сьӧлӧмнытӧ, медым ті вӧлінныд вежаӧсь да сӧстӧмӧсь Ен Батьным водзын, кор миян Господь Исус Кристос локтас став Аслас вежа войтыркӧд. Аминь.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

1 Тимофейлы 6:14

миян Господь Исус Кристос локтӧдз ставсӧ вӧч менам тшӧктӧм серти, сӧстӧма да веськыда.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

1 Иоан 3:21

Мусаясӧй, сьӧлӧмным кӧ оз мыжды миянӧс, ми вермам повтӧг локны Ен водзӧ.

1 Иоан 4:17

Сідзкӧ, муслуныс тыр-бурӧдз воӧма миян пытшкын. Та вӧсна вермам повтӧг сувтны мыждан лунӧ, ӧд ми тайӧ муюгыдас Кристос кодьӧсь.

1 Иоан 5:14

Ми вермам повтӧг локны Ен водзӧ, ӧд тӧдам: корӧмным кӧ лӧсялӧ Сылӧн кӧсйӧмлы, Сійӧ кылӧ миянӧс.

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.