1 Фессалоникаӧ 4:3 - Коми Библия 2023

³ Енмыс кӧсйӧ, медым ті вӧлінныд вежаӧсь да видзинныд асьнытӧ кырсалӧмысь.

1 Фессалоникаӧ 4:3 Kruisverwysings

Псалтыр 143:10

Тэ мездан ӧксыясӧс, Ассьыд Давид кесйӧгтӧ Тэ мездан лэчыд шыпуртысь.

Псалтыр 40:8

Менӧ мустӧмтысьяс вашкӧдчӧны ас костаныс, мӧвпалӧны меным лёксӧ вӧчны.

Левит 15:18

Айловлӧн кӧ петас кӧйдысыс, кор узьлӧ анькӧд, налы кыкнанныслы колӧ мыссьыны. Рытӧдзыс найӧ лоӧны пежӧсь.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Матвей 5:32

Ме шуа тіянлы: верӧсыс кӧ эновтӧ гӧтырсӧ, а гӧтырыс оз кырсав, сійӧ сетӧ помка гӧтырыслы пежавны гозъякост олӧм. Юксьӧм аньӧс гӧтырӧ босьтысь тшӧтш пежалӧ».

Матвей 7:21

Оз быдӧн, коді шуӧ Меным: ”Господьӧй, Господьӧй”, пыр Енэжвыв Юраланінӧ. Пырас сӧмын Менам енэжвыв Батьлӧн кӧсйӧм серти олысь.

Марк 3:35

Ен кӧсйӧм серти олысь – Меным вок, чой да мам».

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Ап. уджъяс 20:32

Ӧні, вокъяс, коля тіянӧс Енкӧд да Сылӧн буралан кывйыскӧд. Тайӧ кывйыс вермӧ ёнмӧдны тіянӧс да сетны тіянлы кӧсйысьӧмасӧ, мый вичмас став вежа войтырлы.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Римӧ 6:22

Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 7:2

но медым некод эз кырсав, быд мортлӧн мед лоӧ аслас гӧтыр да быд аньлӧн – аслас верӧс.

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

Галатӧ 5:19

Вир-яйлӧн уджыс тӧдса: тайӧ – гозъякост олӧм пежалӧм, кырсалӧм, пеж вӧчӧм, лэдзчысьӧм оласног,

Ефесӧ 5:17

Энӧ лоӧй мывкыдтӧмӧн, а тӧдмалӧй Енлысь кӧсйӧмсӧ.

Ефесӧ 6:6

Энӧ вӧчӧй тадзи йӧз водзын асьнытӧ петкӧдлӧм могысь, но Кристослӧн кесйӧгъяс моз кывзысьӧй Енмыслысь став сьӧлӧмсяньныд.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

1 Фессалоникаӧ 4:2

Ті ӧд тӧданныд, кутшӧм тшӧктӧмъяс ми сетім тіянлы Господь Исуссянь.

1 Фессалоникаӧ 4:4

Тіян пиысь быдӧн мед видзӧ ассьыс вир-яйсӧ вежаӧн да шогмана ногӧн,

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

2 Фессалоникаӧ 2:13

Вокъяс, ті мусаӧсь Господьлы. Миянлы дугдывтӧг колӧ аттьӧавны Енсӧ тіянысь, ӧд Сійӧ водзысяньыс бӧрйис тіянӧс мездмӧм вылӧ. Тайӧ мездмӧмсӧ Сійӧ сетӧ тіянлы Ловлӧн вежӧдӧмыс пыр да збыльыслы эскӧм пыр.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

1 Иоан 2:17

Муюгыдыс став аслас лёк кӧсйӧмнас бырас, а Ен кӧсйӧм серти олысь пондас овны помтӧг.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.