Tîtɛ 3:6 - Kɑɑ Fí

⁶ Sɛ́ kɑ lɛɛ nǔu Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ńníꞋ Zẅikŋɛ Lɛ́ɛnɛ́nɛ ɛ̂yɑ́ tʉ́m pɛkŋɛ kɛ́ ɡʉɔꞋ.

Tîtɛ 3:6 Kruisverwysings

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 7:37

Ɛ́ pɔ́ ndẅiknzʉʉ lɛ́Ꞌ-ndínɑ, yi ɛ́ mɑ́mɑ́ lɛ́Ꞌlɑ́Ꞌ, Yɛ́su lɔ sɛ́ ńtʉ́ʉ tsɛtsɛt pʉɔ, ńcú nɛ́ ŋɡi tɛnnɛ ŋɡɔ: «Gɑ́k-ŋu lɑɑ ḿbɔ́ shí, ɑ tɔ́ ńtsɛ́t wɑ́ɑ, ńnɔ́ ŋki.

ŊwɑꞋnɛ-Gɑŋntúu Yɛ́su Kɛlístɔ 10:45

Yɛ́su pɔ́p pɑpɛ́m pi pɔ́p lɑ́Ꞌnɛ ńtɔ́ ńcɑklɛ Pyɛ̂, pɔ́p m̄bɔ́ pɑyúdɑ. Pɔ́p jʉ́ɔ yɔ nu ɛ́ kʉꞋnɛ wɔ́p tɛꞋ, pɑ́Ꞌ Sɛ́ ɡɑ́nɛ Zẅikŋɛ Lɛ́ɛnɛ́nɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɔ pɑ́Ꞌ ɑ kɑ pɔ́ ŋ́ɡɑ́ mbɔ̌ pɔ́p ɡúu!

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Ɛ́fɛ̂zɛ 4:2

Pʉʉ kɔk mbʉʉ yʉʉ ŋ́ɡɑ́ Sɛ́, ḿbɔ́ pʉɔ pɔ́tnɛ́nɛ, ŋ́ɡẅɛɛ kɔkmbʉʉ. Ńdɛɛ nǔu kɔŋɛ yi ɛ́ tsɛtsɛt pʉʉ, ḿmɛꞋ zɑ́ŋ lɔ́ŋ.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.