Tîtɛ 2:11 - Kɑɑ Fí

¹¹ Ɛ́ pɑ́Ꞌ pʉɔ-Kɛlístɔ ɡẅɛɛnɛ nɛɡɛ, mbíꞋŋɡɔ Sɛ́ kɑ tsuŋ ńnyɛt mbɔ̌ pʉɔ ŋɡɔ ɑ ŋu-pɔŋtʉ́m, ŋ́kuꞋ nɛɡɛ ŋɡɔ pʉɔ tsʉʉ luk.

Tîtɛ 2:11 Kruisverwysings

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑ́lɛ́kúshi 16:15

Ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉʉ ɡʉ zʉꞋ tsʉʉ ndǔ mbí, ńcẅi Ŋkʉʉ Sʉ́Ꞌnɛ mbɔ̌ mbɑ wɛ́t ŋumɛsɔŋ lɑ́ kɛ́ vuꞋ wɛcɔ́.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 3:6

Lɑ́ ɛ́ lɛɛ pɔ́Ꞌɔ, pʉɔ pɛtsʉʉ jʉ́ɔ pɑ́Ꞌ Sɛ́ ɡʉ ŋ́ɡɛ pɛkŋɛ luk.»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:9

Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 13:43

Pɛ́ cẅɛt ndɑ́-cúꞋlɛ, ŋ́ɡɔ fyɑkŋɛ, nɛzɑ́ɑ pɑyúdɑ, pɔ́p pʉɔ pí pɔ́p pɔ́knɛ Sɛ́ ɡʉ ńcɑklɛ wɔ́p. Pɔ̂l pɔ́p Pɑnɛpɑ́ɑshi pɛn ńníꞋ mɛtʉʉ wɔ́p ŋɡɔ pɔ́p ɡẅɛɛ mɛnu sʉ́Ꞌnɛ mi Sɛ́ lɔknɛ ŋ́ɡɑ́ luk yɔ́p, ŋ́kúꞋlɛ kwɑꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 13:47

mbíꞋŋɡɔ Tsɑpʉɔ kɑ zɛɛ ńcú mbɔ̌ pɛk ŋɡɔ: N dɔk wú ŋ́ɡɛ kyɛꞌ yí ɛ́ ɡʉ ŋ́kyɛꞋ ŋɡɔŋ nɛ́ ŋɡɔŋ. Ɔ ŋ́ɡʉ tɛ ŋ́kúu zʉꞋ yí tsɛ́tsɑ́Ꞌ lẅiklɛ́nɛ zúꞋu, ńcú mbɔ̌ lɑ́Ꞌ ŋɡɔ: Sɛ́ túu sẅiŋɛ mbɔ̌ pʉʉ yi ɛ́ ɡɛnɛ pʉʉ luk!»

ŊwɑꞋnɛ-Gɑŋntúu Yɛ́su Kɛlístɔ 17:30

Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

Pʉɔ-Lɔ́mɑ 10:18

Ɛ́ zɛɛ ḿbɔ́ tɛ ḿbɔ́ yi m bɔ́ ḿbíkŋɛ ŋɡɔ tɛ pɑyúdɑ kɑ zɛɛ ńtsuŋ ńzúꞋ wɔ Ŋkʉʉ ɔɔ? N jʉ́ɔ ŋɡɔ pɔ́p kɑ zúꞋ zúꞋnɛ. Ɛ́ pɔ́ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Pɛ́ zúꞋ ŋɡi yɔp, pɔ́p sɛ́ ɛ́sẅíi nu-Sɛ́ zʉꞋ tsʉʉ ndǔ tsɛ́tsɑ́Ꞌ.» Nu yi pɔ́p cúnɛ pɛn ńnɛn tɛ ŋ́kúu ndẅiklɛ tsɛ́tsɑ́Ꞌ.

Pʉɔ-Lɔ́mɑ 5:15

Lɑ́ ɛ́ lɑɑ ḿbɔ́ pɛ́ pɔɔ lɔk yúu mi ɛ́ fúnɛ nǔu mɛfɑɑnɛ-Adɑm ḿbɛ́ɛ fʉꞋ nǔu ndɛn fuꞋ yi Sɛ́ sɛ́ ŋ́ɡɑp mbɔ̌ pʉɔ pɔ níinɛ pɔ́, mɛfɑɑnɛ-tɑ́Ꞌ ŋu wɛ́mɔ́Ꞌ kɑ ɡɛ nɛvú kúu nǔu pʉɔ tsʉʉ tsʉʉ lɑ́, ntɛ́ yi Sɛ́ kɑ tsɑ́ɑnɛ pʉɔ ŋ́ɡɑ́ fuꞋ níinɛ yɔ́p pɔ́Ꞌɔ, pɛn ŋ́ɡɔ́ɔ ŋ́ɡúꞋ ńdɛɛ ẅîwɑ́ nɛpɔ́ tɛꞋ. FuꞋ yi ɛ́ kɑ fúnɛ nǔu tɑ́Ꞌ ŋu ẅi ɑ Yɛ́su Kɛlístɔ, Sɛ́ lɔk ŋ́ɡɑ́ fuꞋ níinɛ-pʉɔ tɛ ńzɑ́ɑ ɛ́ ɡẅɛɛ ndɛn tɛꞋ.

Pʉɔ-Lɔ́mɑ 5:2

Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

Ɛ́fɛ̂zɛ 2:8

A kɑ ɡɑ́ fuꞋ fɛ̌ɛ yʉ́ʉ, ŋ́ɡɛ pʉʉ luk, ɛ́fú nǔu pɑ́Ꞌ pʉʉ kɑ zɑ́pnɛ tʉ́m nǔu Yɛ́su. Ɛ́ kɑ́ pɔ́ ɛ́fú mbɔ̌ pʉʉ pɔ́, ɑ kɑ lɔk pɔ pɔŋtʉ́m yɛ́ ŋ́ɡɛ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

1 Timɔtɛ́ɛ 1:14

Tsɑpʉɔ wɛkŋɛ Yɛ́su Kɛlístɔ, kɑ ɡɛ nu sʉ́Ꞌnɛ yɛ́ nǔu mɔ tɛ ɛ́ jɛ́Ꞌ. A kɑ ɡɛ n zɑ́p tʉ́m nǔu wɛ́, m bɛn ŋ́kɔŋ pɛcɔ́ pʉɔ. Ɛ́ fú nǔu pɑ́Ꞌ n dɑtnɛ mbʉʉ nǔu wɛ́.

1 Timɔtɛ́ɛ 2:4

Jʉ́ ẅí ɑ sɛ́ ŋ́kɔŋ ŋɡɔ pʉɔmɛsɔŋ tsʉʉ luk, ḿbɛn ńjí nu nɛ́nẅín.

2 Timɔtɛ́ɛ 1:10

Ɛ́ ŋkɔ̂ɔnɛ, mbɔ Sɛ́ ɡɛ pɛkŋɛ jʉ́ɔ yîyɑ́ pɔŋtʉ́m mɑ́ntɑ́ɑ, mbíꞋŋɡɔ ŋu ẅí ɑ ɡɛnɛ pɛkŋɛ luk, Yɛ́su Kɛlístɔ tɔ́ mɔ́. Jʉ́ kɑ ɡẅɛɛnɛ nɛvú ńcẅɛ́ɛ mɛtʉʉ mɛ́. Jʉ́ kɑ cẅinɛ Ŋkʉʉ sʉ́Ꞌnɛ mbɔ̌ pɛk, ńnyɛt wɛkŋɛ ŋɡɔ ŋu lɑɑ ńnɛn pɑ́Ꞌ Ŋkʉʉ Sʉ́Ꞌnɛ ɛ̂wɑ́ cúnɛ ɑ ɡẅɛɛ Luk kɛ́mɛ mbɔɔ pɛn ḿpfú pɔ́.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.