Tîtɛ 1:14 - Kɑɑ Fí

¹⁴ pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.

Tîtɛ 1:14 Kruisverwysings

Mɑtʉ̈ɔ 15:9

Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»

Mɑ́lɛ́kúshi 7:7

Pɔ́p sɛ́ ŋ́ɡúꞋlɛ wɑ́ɑ, lɑ́ nu pɔɔ nǔu pɔ́, ntɛ́ nu yi pɔ́p sɛ́ ńzíꞋ mɛnu-pʉɔmɛsɔŋ mbɔ̌ pʉɔ ŋɡɔ ɛ́ nu yɑ́ɑ.»

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Kɔlɔsíyɛ̂ŋ 2:22

Mɔnɛ mɛndúŋ kɛ́ ḿbɔ́ pɔ nǔu yúu mi pɛ́ jʉ́nɛ ɛ́ mɛ mɛnɛ, ḿbɔ́ pɔ mɛnu mi pʉɔmɛsɔŋ nɑ́ŋnɛ sɛ́ ŋ́kwɑŋɛ ńzɑ́p.

2 Timɔtɛ́ɛ 4:4

Pɔ́Ꞌɔ lɑ́, pɔ́p zʉʉnɛ mɛtúutɛ́ mɔ́p, ńtsʉ́Ꞌ ńzẅíꞋlɛ pɔ mɛnu-mɑ́pitsɔ́Ꞌ.»

Tîtɛ 3:11

Ɔ jí ŋɡɔ ntɛ́ ŋu pɔ́Ꞌɔ kɑ́ pɛn ḿbɔ́ nǔu sɛ̂ndúŋ-Sɛ́ pɔ́, ḿbɔ́ ŋɡɛmɛnu kɛpɔŋ. Mɛnu kɛpɔŋ mɛ́ sɛ́ ŋ́ɡɛ ŋɡɔ ɑ vu ntsɑŋ mbi Sɛ́.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

2 Pyɛ̂ 2:22

Mbɑ yúu mi ɛ́ ɡɛnɛ wɔ́p, lɔk ḿbuutɛ pɑ́Ꞌ sɑknɛkɛt kɑ cúnɛ ŋɡɔ: «Mɔ̂mvú jɛ́Ꞌ ḿbɛn ńjʉ́ jɛ́Ꞌ yɛ́. Pɛ́ suk njínɑɑ tɛ ŋ́ɡɔ́ ḿbɔ́tnɛ ńnɑ́ŋ ɑ ɡʉ ŋ́kɑtnɛ tsɛt tɛtɔp».