Pʉɔ-Lɔ́mɑ 4:5 - Kɑɑ Fí

⁵ Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ lɔk pɔ mɛfɑꞋ mɛ́ pɔ́, ńzɑ́p pɔ ndɑꞋ tʉ́m yɛ́ nǔu Sɛ́ ẅí ɑ ɡɛnɛ ŋu kɛpɔŋ tsʉ́Ꞌ ŋu ẅi ɑ ndʉ́ŋndʉŋ mbi wɛ́, Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 4:5 Kruisverwysings

Mɑ́lɛ́kúshi 9:23

Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 6:29

Yɛ́su pʉ̈ɔt mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ ŋɡɔ pʉʉ ɡɛ, ɛ́ nɛzɑ́p tʉ́m nǔu mɔ ẅí Sɛ́ kɑ túunɛ.»

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Pʉɔ-Lɔ́mɑ 4:24

Pɛ́ kɑ pɔ́ ɛ́sɑ́ŋ mbɑ wɛkŋɛ ɡúu, pi Sɛ́ kɑ pɔ́ ŋ́ɡʉ ŋ́ɡɛ ńdíŋɛ wɛkŋɛ, pɛkŋɛ pɔ́ ndʉ́ŋndʉŋ mbi yɛ́, pɛkŋɛ pi pɛkŋɛ zɑ́pnɛ tʉ́m nǔu jʉ́ Sɛ́ ẅí ɑ kɑ ɡɛnɛ Ndɛ wɛkŋɛ Yɛ́su Kɛlístɔ fú lɑ́Ꞌ-pɛpfú ńzẅíimɛ.

Pʉɔ-Lɔ́mɑ 4:3

ŊwɑꞋnɛ-Sɛ́ zɛɛ ńcú ŋɡɔ kʉ̈ɔ́? Ɛ́ cú ŋɡɔ: «Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, Sɛ́ fú nǔu ńtsʉ́Ꞌ ńdíŋɛ wɛ́, ɑ pɔ́ mbi yɛ́ ḿbɔ́ pɔ́ ndʉ́ŋndʉŋ».

Pʉɔ-Lɔ́mɑ 4:6

Ɛ́ pɛn ḿbɔ́ yúu mi fɔɔ Ndɑvît kɑ cúnɛ. A kɑ cú nu nǔu ŋu ẅí Sɛ́ tsʉ́Ꞌnɛ ńdíŋɛ wɛ́ ɑ pɔ́ mbi yɛ́ ḿbɔ́ pɔ ndʉ́ŋndʉŋ, ɛ́ kɛ́ mbɔɔ ɛ́fú nǔu mɛfɑꞋ-ŋɡɑŋ pɔ́, ẅîwɑ́ ŋu pɔ́ttú.

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.