Pʉɔ-Lɔ́mɑ 3:9 - Kɑɑ Fí

⁹ Tɛ ɛ́ pɑ́Ꞌnɛ ḿbɔ́ pɛkŋɛ cú ŋɡɔ kʉ̈ɔ́? Ŋɡɔ ɛ́ mbi Sɛ́ pɛk pɑyúdɑ lɛɛ pʉɔ pi pɔ́p kɑ́ pɔ́ pɑyúdɑ pɔ́ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Mɔ ńdɑ́Ꞌmɔ́ ńdɛꞋlɛ pɑ́Ꞌ nu kɛpɔŋ ńjʉ́ mɔ́ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 3:9 Kruisverwysings

Lúkɑ́shi 7:39

Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 11:32

MbíꞋŋɡɔ Sɛ́ kɑ nɑ́ pʉɔtsʉʉ tʉʉ tú mbɔ̌ wɛ́ nɛpɔ́ yi ɑ ɡʉ ŋ́ɡɛ ńtsɑ́ɑ mɛjʉ́ŋ mɔ́p pɔ tsʉʉ.

Pʉɔ-Lɔ́mɑ 11:7

Ɛ́ pɔ́Ꞌɔ, ńdɔk ḿbɔ́ ŋɡɔ́ku? Ɛ́ lɔk ḿbɔ́ ŋɡɔ yúu mi pɑíslɑyɛ̂l kɑ pɔ́ ńdɔɔ pɔ́p ŋ́kɑɑ jʉ́ɔ pɛ́tsʉʉ pɔ́. Pɛcɔ́ ntɑ́Ꞌpʉɔ tsɛtsɛt pɔ́p pi Sɛ́ kɑ tsɔ́Ꞌnɛ kɑ jʉ́ɔnɛ. Ɛ́ tsʉ́Ꞌ pfuꞋ, Sɛ́ nɑ́ wɔ́p pɔ́p tɛn ndʉꞋ.

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Pʉɔ-Lɔ́mɑ 3:1

Tɛ ɛ́ lɑɑ ḿbɔ́ pɑ́Ꞌɑ, ŋu-Pɑyúdɑ lɔk kʉ̈ɔ́ ńdɛɛ ŋu ẅí ɑ kɑ́ pɔ́ ŋu-Pɑyúdɑ pɔ́ ɔɔ? NɛpúꞋ ŋu-Pɑyúdɑ pɛn ńcẅɛ́lɛ wɛ́ nǔu kʉ̈ɔ́?

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

Pʉɔ-Lɔ́mɑ 7:14

Pɛkŋɛ zɛɛ ḿbɔ́ ńjí ŋɡɔ nɛpʉ́ʉ fú mbɔ̌ Sɛ́. Lɑ́ ɛ́ kɛ́ ŋ́ɡʉ nǔu mɔ ŋumɛsɔŋ n zɑŋɛ zɑŋɛ́nɛ, mbɔ pɛ́ kɑ fɛn wɑ́ɑ n tsʉ́Ꞌ ŋkwɑɑ-nu kɛpɔŋ.

1 Kɔlɛ̂ŋtɛ 10:19

N dɔk pɑ́Ꞌɑ ńcú ŋɡɔ kʉ̈ɔ́ nǔu mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́? Mbɑp ɛ̂yɑ́ zɛɛ ɛ́fɑꞋ yɛcɔ́ fɑꞋ? Mɛsɛ́ ɛ̂mɑ́ zɛɛ ḿbɔ́ ɡú?

1 Kɔlɛ̂ŋtɛ 14:15

Tɛ ɛ́ pɔ́Ꞌɔ, pɑ́Ꞌɑ ḿbɔ́ ŋ ɡɛ ŋɡɔ́ku? N jʉ́ɔ ŋɡɔ ŋ ɡʉ ńcɛꞋlɛ Sɛ́ nǔu ntɛ́ yi Zẅikŋɛ-Sɛ́ ńtsʉ́ʉnɛ́nɛ wɑ́ɑ ŋɡɔ n cɛꞋlɛ pɔ́Ꞌɔ, lɑ́ ḿbɛn ńcɛꞋlɛ nǔu ntɛ́ yi ḿbɔ́ ŋu zúꞋ nu yi n cúnɛ. Ŋ ɡʉ ńzɔp ŋki nǔu ntɛ́ yi Zẅikŋɛ Sɛ́ ńtsʉ́ʉnɛnɛ wɑ́ɑ ŋɡɔ n zɔp pɔ́Ꞌɔ, lɑ́ ḿbɛn ńzɔp nǔu ntɛ́ yi mbɔ ŋu zúꞋ yúu mi zɔp cúnɛ,

1 Kɔlɛ̂ŋtɛ 4:7

Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Filipɛ 1:18

Nu ɡʉ ńzɑ́ŋ wɑ́ɑ mɛlɑ́Ꞌ kʉ̈ɔ́? Ŋu lɑɑ ḿbɔ́ ɛ́sẅíi nu-Kɛlístɔ, ńdɔk kwɑŋɛ sʉ́Ꞌnɛ kɛ kwɑŋɛ kɛpɔŋ ɔɔ, mbɔ ɛ́ kɑ́ pɔ́ lɔ́Ꞌ pɔ́, nu pɔ́ pɔ ŋɡɔ ɑ sẅíi nu-Kɛlístɔ. Tʉ́m yɑ́ɑ ɡʉ ńtsɑ́ɑtɛ tsɑ́ɑtɛ́nɛ, ŋ́kɛ́ ńdɑ́Ꞌ ńjúk ńtsɑ́ɑtɛ tsɑ́ɑtɛ́nɛ nǔu.