Pʉɔ-Lɔ́mɑ 10:4 - Kɑɑ Fí

⁴ Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 10:4 Kruisverwysings

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

Ŋɡɑlɑ̂t 3:24

Nɛpʉ́ʉ kɑ lɔk ḿbɔ́ pɑ́Ꞌ ŋu ẅí Sɛ́ kɑ túunɛ ɑ pɔ́ ńdíŋɛ wɛ́k tɛ ŋ́kúu ŋkɑ́ yi Kɛlístɔ kɑ tɔ́nɛ nɛpɔ́ yi pɛk ɡʉ ńzɑ́p tʉ́m nǔu wɛ́; Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́k pɔ pɑ́Ꞌ pʉɔ pi pɔ́p ndʉ́ŋndʉŋ mbi yɛ́ lɑ.

Ŋɡɑlɑ̂t 4:5

A kɑ tɔ́ pɔ́Ꞌɔ, nɛcú pʉɔ pi nɛpʉ́ʉ Mɔ̌sɛ̂ɛ kɑ pɔ́ ńdɔk wɔ́p ŋ́ɡɛ pɛkwɑɑ, mbɑ pɑ́Ꞌ ɑ ɡʉ ŋ́ɡɛ pɛkŋɛ pɛtsʉʉ tsʉ́Ꞌ pɔ́ɔ-Sɛ́.

Kɔlɔsíyɛ̂ŋ 2:10

Pʉʉ pɛ́ Kɛlístɔ tɛmtɛ, Sɛ́ fú nǔu ŋ́ɡɑ́ yʉ́ʉ fuꞋ ntɛ́ nɛ́ ntɛ́. Kɛlístɔ ɛ̂wɑ́ lɛɛ mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ, ḿbɛn ḿbɔ́ ɛ́sɑ́Ꞌ mbí.

Kɔlɔsíyɛ̂ŋ 2:17

Mîmɑ́ mɛyúu lɔk ḿbɔ́ pɔ jʉ́jʉ́ŋ-yúu mi ɛ́ sɛ́ ńtɔ́. KwɑꞋ nɛ́nẅín ɑ Kɛlístɔ.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.