Pʉɔ-Lɔ́mɑ 1:9 - Kɑɑ Fí

⁹ Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 1:9 Kruisverwysings

Mɑ́lɛ́kúshi 1:1

Nzɛnɛ Ŋkʉʉ Sʉ́Ꞌnɛ nǔu Yɛ́su Kɛlístɔ mɔ́ɔ-Sɛ́, pʉ̈ɔ́lɑ́.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 12:5

Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 24:14

Lɑ́, nu yi ŋ ɡʉ ńtʉ́ʉ mbi ɡu, ɛ́sɑ́ɑnɛ sɑ́ɑnɛ́nɛ ḿbɛ́m pɔ́ ŋɡɔ ɛ fɑꞋ pɔ mbɔ̌ Sɛ́-pɛmɑ̂ɑŋɡɑpnjẅɛt pɛk pɛpɔ́p. Mɔ sɛ́ ńnɛn pɔ nǔu sɛ̂ndúŋ yi pɔ́p lʉꞋnɛ ŋɡɔ ɛ́ wɛ pʉɔ pi pɔ́p fɑknɛ mbʉʉ, tɛ mbɑ pɑ́Ꞌ mɔ sɛ́ ḿbɛ́m mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 27:23

N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

Ŋɡɑlɑ̂t 1:20

Yúu mi ŋ ŋwɑꞋnɛ́nɛ ɛ́sẅíi wʉ́ʉ lɑɑ, ɛ́ nɛ́nẅín. Mɔ, n tʉ́ʉ pɑ́Ꞌɑ mbi Sɛ́, ńcú ŋɡɔ ŋ kɑ́ pɔ́ ńcʉ̈ɔt nu pɔ́.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Filipɛ 1:3

Ŋ kwɑŋɛ wʉ́ʉ tsɛt tʉ́m mɔ ŋkɑ́ kʉ̈ɔ́ lɑ́, ŋ́ɡɑ́ pɑ́Ꞌlɑ́ mbɔ̌ Sɛ́.

Filipɛ 1:4

Ŋ ɡɔ́ ḿbúꞋ mbɔ́ mbɔ̌ Sɛ́ nǔu tú yʉ́ʉ ŋkɑ́ tsʉʉ, tʉ́m yɑ́ɑ pɔ́ ńtsɑ́ɑtɛ tsɑ́ɑtɛ́nɛ,

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

1 Tɛsɑlɔník 1:2

Pɛk sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, ḿbɛn ḿbɔ́ ḿbúꞋ mbɔ́ mbɔ̌ Sɛ́ ŋkɑ́ kʉ̈ɔ́ lɑ́, ŋ́kwɑŋɛ wʉ́ʉ kwɑŋɛ́nɛ.

1 Tɛsɑlɔník 3:10

Ɛ́ ɡʉ nǔu ŋkɑ́ yi pɛk sɛ́ ḿbúꞋ mbɔ́ mbɔ̌ Sɛ́, nɛnɛm, kɛ nɛtúꞋ ɔɔ, pɛk lɑɑ mbɔ̌ wɛ́ tɛꞋ, ŋɡɔ ɑ ɡɛ pɛk pɛn ńjʉ́ɔ mɛshʉ́ mʉ́ʉ, pɛk pɛn ŋ́ɡɑ́ wʉ́ʉ nɛ́ yúu mi ɛ́ sɛ́ ńjɑ́k nǔu wʉʉ nɛzɑ́p tʉ́m nǔu wɛ́.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

1 Timɔtɛ́ɛ 2:7

Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

Filɛmɔ̂ŋ 1:4

Mɔ́ɔmɑ́ mɔ Filɛmɔ̂ŋ, mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ŋkɑ́ yi n cɛꞋlɛ́nɛ Sɛ́ n cɛꞋlɛ nǔu yú tú.