Pʉɔ-Lɔ́mɑ 1:16 - Kɑɑ Fí

¹⁶ Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 1:16 Kruisverwysings

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

Jɑ̂ŋ 7:35

Pɑyúdɑ zɛ nɛcú tsɛtsɛt pɔ́p ŋɡɔ: «A pɑ́Ꞌɑ ŋ́ɡʉ ŋ́ɡʉ pɔ ɡɔ́, tɛ pɛk pɔɔ wɛ́ jʉ́ɔ? A ɡʉ ŋ́ɡʉ ŋ́kẅɛ́ɛtɛ pɔ pʉɔ pɛkŋɛ pí pɔ́p kɑ sɑtnɛ zʉꞋ, ŋ́ɡʉ lɑ́Ꞌ-pɑŋɡɛlɛ́k kɛkʉ̈ɔ́? Kɛ ɑ ɡʉ pɔ nɛzíꞋ pɑŋɡɛlɛ́k?

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

Pʉɔ-Lɔ́mɑ 10:17

Pɛkŋɛ lɔk pɑ́Ꞌɑ ńjʉ́ɔ ŋɡɔ, nɛzɑ́p tʉ́m nǔu Kɛlístɔ fú pɔ nǔu Ŋkʉʉ ẅí ŋu zúꞋnɛ. Ŋu ɡɔ́ ńzúꞋ ẅîwɑ́ Ŋkʉʉ, mbɔ ŋu cúnɛ.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

Pʉɔ-Lɔ́mɑ 15:29

M bɛn ḿbɔ́ ńjí ŋɡɔ mɔ ŋ́ɡɛ ńtɔ́, Sɛ́ lɛɛ nǔu mɔ, ńníꞋ mbɔ́tnɛ nǔu pʉʉ tɛꞋ.

Pʉɔ-Lɔ́mɑ 2:9

Ŋɡʉ̈ɔ́Ꞌ ɡʉ ńdɑ́Ꞌ ŋ́kúu mbɑ wɛ́tɛ́ ŋumɛsɔŋ lɑ́ ẅi ɑ ɡɛnɛ nu kɛpɔŋ. Pɔ́Ꞌɔ ɛ́ zɛ nǔu ŋu-Pɑyúdɑ ḿbɑ́ɑtɛ ŋ́kúu nǔu ŋu ẅi ɑ kɑ́ pɔ́ ŋu-Pɑyúdɑ pɔ́.

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

1 Kɔlɛ̂ŋtɛ 2:4

Sẅiŋɛ yi ɛ́ kɑ pɔ́ ńcẅɛt ntsu mɔ, mbɑ nu-Kɛlístɔ yi ŋ kɑ pɔ́ ɛ́sɑ́Ꞌ mbɔ̌ pʉʉ, kɑ́ pɔ́ ńnyɛt jínu-ŋumɛsɔŋ yi pɛ́ lɔknɛ ŋ́ɡɛ ŋu pɛ́m nu pɔ́. Mɛtʉʉ-Zẅikŋɛ-Sɛ́ kɑ pɔ́ ŋ́ɡɛ pʉɔ jʉ́ɔ ŋɡɔ ɛ́ nu nɛ́nẅín.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:18

Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 9:13

Pɔ́p ɡʉ ńjí ndɛn yɔ fɑꞋ, ŋ́ɡúꞋlɛ Sɛ́ nǔu pɑ́Ꞌ pʉʉ sɛ́ ńtík ku nǔu nu yi Ŋkʉʉ Sʉ́Ꞌnɛ-Kɛlístɔ sɛ́ ńcú. Pɔ́p ɡʉ ḿbɛn ŋ́ɡúꞋlɛ Sɛ́ nǔu pɑ́Ꞌ pʉʉ lɔknɛ pɔŋtʉ́m, ŋ́ɡɑ́ yúu mbɔ̌ pɔ́p tɛ mbɑ pɛcɔ́ pʉɔ.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

1 Timɔtɛ́ɛ 1:11

Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

2 Timɔtɛ́ɛ 1:16

Ŋɡɔ Tsɑpʉɔ ɡɛ nu sʉ́Ꞌnɛ nǔu pʉɔ tsʉʉ njɛ́Ꞌ-Ɔnɛzifɔɔ, ńdɔ́ɔ pɔ́Ꞌɔ, mbíꞋŋɡɔ ɑ ḿbɔ́ ńnɑ́ŋ ńníꞋ tʉ́m yɑ́ɑ tɛꞋ, ɑ ŋkɑɑ mɔ́ kɔ́ sʉ́ʉ nǔu mɔ pɑ́Ꞌ mɔ ŋɡɑŋtsɑ́ŋ pɔ́.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.