Pʉɔ-Lɔ́mɑ 1:15 - Kɑɑ Fí

¹⁵ Ɛ́ yúu mi ɛ́ ɡɛnɛ lɑ n tsɑ́ɑ nɛtɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ ɡúu, pi pʉʉ tʉ́sɔŋ-Lɔ́mɑ.

Pʉɔ-Lɔ́mɑ 1:15 Kruisverwysings

Mɑtʉ̈ɔ 9:38

Ɛ́ pɔŋ ŋɡɔ pʉʉ púꞋ mbɔ́ mbɔ̌ ŋɡɑŋŋkɑ́Ꞌ ɑ kẅiꞋ ɡɑŋfɑꞋ pínɛ pɔ́p ɡʉ ḿbɔ́ ńdɑk yúu pɛ́.»

Mɑ́lɛ́kúshi 14:8

Mɑŋɡɛ́ wɔ ɡɛ yɛ́ yúu mi ɑ kuꞋnɛ nɛɡɛ, ńzɑ́Ꞌ njí ńdɔk lɑmɛ́ndɑɑ ńzɔ́Ꞌ wɑ́ɑ, lɑ pɛ́ tɑ́ɑ ńníꞋ wɑ́ɑ tsɛt nɛshi.

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

ŊwɑꞋnɛ-Gɑŋntúu Yɛ́su Kɛlístɔ 21:13

Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»

Pʉɔ-Lɔ́mɑ 12:18

Mbɑ yɛ́tɛ́ nu lɑ́ lɑɑ ḿbɔ́ sɛ́, tɛ shʉ́ pɔ́ mbɔ̌ ɡu, ɔ ɡɛ pɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ.

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.