Pʉɔ-Lɔ́mɑ 1:12 - Kɑɑ Fí

¹² N dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ n dɑɑ ńtɔ́ ḿbɔ́ tsɛtsɛt pʉʉ, yʉʉ ntɛ́ nɛzɑ́p tʉ́m nǔu Sɛ́ ɡɔ́ ńní mɛtʉʉ mɑ́ɑ, yɑɑ ntɛ́ níꞋ mɛtʉʉ mʉ́ʉ ɡúu.

Pʉɔ-Lɔ́mɑ 1:12 Kruisverwysings

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

Pʉɔ-Lɔ́mɑ 1:11

MbíꞋŋɡɔ mɔ sɛ́ ńtsuŋ ńtsɑ́ɑ nɛtɔ́ ńjʉ́ɔ wʉ́ʉ, nɛpɔ́ yi ŋ ɡʉ ŋ́ɡɛ Zẅikŋɛ Lɛ́ɛnɛ́nɛ ɡɑ́ fuꞋ níinɛ yʉ́ʉ, mɛtʉ́m mʉ́ʉ kẅiꞋ ńtɛntɛ. Pʉʉ lɔk pɔ́Ꞌɔ ŋ́kẅiꞋ ńtɛntɛ.

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 15:24

Mɔ sɛ́ ńjʉ́ɔ ŋkɔ̂ɔnɛ ŋɡɔ mɔ ŋ́ɡɔ́ ŋ́ɡʉ Ɛspɑ̂nɛ, ńtɔ́ lɑ́Ꞌ pʉʉ. Mɔ sɛ́ ńzɛɛ ńtsɑ́ɑ nɛɡɔ́ ńdɛɛ, ńjʉ́ɔ wʉ́ʉ, pʉʉ cẅɛ́lɛ́ wɑ́ɑ nɛɡʉ zúꞋu. Ɛ́ ɡʉ ŋ́ɡɛ ḿbɔ́ ŋɡɔ́ku ɔɔ pɛkŋɛ ɡɛ ńtɛmtɛ ńnɑ́Ꞌ ńnɑ́ŋ mɔ́zʉꞋ.

Pʉɔ-Lɔ́mɑ 15:32

Pɔ́Ꞌɔ, ŋ ɡɔ́ ńtɔ́ lɑ́Ꞌ pʉʉ, tʉ́m yɑ́ɑ pɔ́ ńtsɑ́ɑtɛ, Sɛ́ pɛ́m, mbɔ ŋ ɡʉ ńnɑ́ŋ tsɛtsɛt pʉʉ, ńnɑꞋ ńjẅiitɛ.

2 Kɔlɛ̂ŋtɛ 7:13

Yɔ yúu mi ɛ́ kɑ zíinɛ ŋki-mík mɛ́k. Ŋki-mík mɛ́k ŋkɑɑnɛ pɔ́ mɛ́ zíinɛ ndɑꞋ pɔ́, pɛk kɑ pɛn ŋ́kẅiꞋ ńtsɑ́ɑtɛ tɛꞋ nǔu nu yi Titɛus kɑ pɔ́ ńtsɑ́ɑtɛ yɛ́, mbɔ pʉʉ pɛtsʉʉ ɡɛnɛ tʉ́m yɛ́ fíitɛ.

Ɛ́fɛ̂zɛ 4:5

Pɛkŋɛ pɛtsʉʉ ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ, ńzɑ́p tʉ́m pɔ ndɑꞋ nǔu wɛ́ zɛ́nɛ jʉ́, mbɔ pɛkŋɛ pɛtsʉʉ kɑ tɛmtɛ ńcẅɛ́ɛ ŋki pɔ nǔu lík-tɑ́Ꞌ ŋu.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Jɑ̂ŋ 1:4

Nu kɑ tsuŋ ḿbɔŋ wɑ́ɑ tɛꞋ pɑ́Ꞌ ŋ kɑ zúꞋnɛ ŋɡɔ pɛcɔ́ mbɔ́ŋkʉ̈ɔ́ sɛ́ ńnɛn nǔu sɛ̂ndúŋ-nu nɛ́nẅín pɑ́Ꞌ Tɑ́t wɛkŋɛ kɑ cúnɛ mbɔ̌ pɛkŋɛ lɑ́.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.