Pʉɔ-Lɔ́mɑ 1:10 - Kɑɑ Fí

¹⁰ Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ Sɛ́ ŋkɑ́ kʉ̈ɔ́ lɑ́, ńdɔ́ɔ mbɔ̌ wɛ́ ŋɡɔ ɑ ɡɛ pɑ́Ꞌ mɔ sɛ́ ńtsɑ́ɑ ŋkɑ́ tsʉʉ nɛɡʉ lɑ́Ꞌ pʉʉ lɑ́, ɛ́ puutɛ nǔu wɛ nɛkɔŋtɛ.

Pʉɔ-Lɔ́mɑ 1:10 Kruisverwysings

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

ŊwɑꞋnɛ-Gɑŋntúu Yɛ́su Kɛlístɔ 21:14

Pɛk lɔɔ shʉ́ pɑ́Ꞌ pɛk ɡʉ ńtɔꞋ wɛ́ kɛ́kɑ́ŋ, ḿbɔ́tnɛ ńnɑ́ŋ, ńtsʉ́Ꞌ ńcú pɔ ŋɡɔ: «Ɛ́ pɔŋ ŋɡɔ Tsɑpʉɔ ɡɛ yúu mi ɑ lɑ́Ꞌnɛ ńzɑ́p ŋɡɔ ɛ́ ɡʉ ŋ́ɡɛ.»

Pʉɔ-Lɔ́mɑ 15:29

M bɛn ḿbɔ́ ńjí ŋɡɔ mɔ ŋ́ɡɛ ńtɔ́, Sɛ́ lɛɛ nǔu mɔ, ńníꞋ mbɔ́tnɛ nǔu pʉʉ tɛꞋ.

1 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ Pɔ̂l ɡɑŋntúu-Yɛ́su Kɛlístɔ. KwɑꞋ jʉ́ Sɛ́ kɑ tsɔ́Ꞌnɛ wɑ́ɑ nǔu wɛ nɛkɔŋ ńdɔk ŋ́ɡɛ wɛ́tɛ́. Mbɑ mɔ́ɔmɑ́ wɛkŋɛ Sɔstɛ̂n ɡúu.

1 Kɔlɛ̂ŋtɛ 4:19

Lɑ́ Tsɑpʉɔ lɑɑ ḿbɛ́m, mbɔ mɔ ŋ́ɡɛ fɛ́Ꞌnɛ ńtɔ́ ńjʉ́ɔ wʉ́ʉ. Ńtɔ́ pɔ́Ꞌɔ, mbɔɔ líŋɛ nu pɔ ndɑꞋ nǔu sẅiŋɛ yi pɔ́p niitɛ́nɛ ńcú mbɔ̌ lɑ́Ꞌ pɔ́, m bɛn ńjí yúu mi pîpɑ́ ɡɑŋ-ŋɑ́Ꞌlɛ kuꞋ nɛɡɛ.

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

1 Tɛsɑlɔník 2:18

Ɛ́ nɛ́nẅín ŋɡɔ pɛk kɑ kɔŋ nɛpɛn ńtɔ́ lɑ́Ꞌ pʉʉ, kwɑꞋ mɔ Pɔ̂l, n dɔɔ mɛshʉ́ mɛku tɛ ńzɑ́ɑ lɑ́ Sɑ́ttɑ kɛ́ ńtɑɑtɛ wɛ́k tɑɑtɛ́nɛ.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.

Ɛ́bɛlʉʉ 13:19

N tsuŋ ńdɔ́ɔ mbɔ̌ pʉʉ ŋɡɔ pʉʉ niitɛ ḿbúꞋ mbɔ́ mbɔ̌ mbɔ́ Sɛ́, ɑ pɛ́m m bɛn nzʉʉ ńtɔ́ ńtsɛ́t wʉ́ʉ.

Jɑ̂k 4:15

Pʉʉ ḿbɔ́ ŋ́ɡʉ ńcú pɔ ŋɡɔ, Tsɑpʉɔ lɑɑ ḿbɛ́m, mbɔ pɛk ɡʉ ḿbɔ́ sʉ́Ꞌnɛ, ŋ́ɡɛ yɔ, ŋ́ɡɛ yi.