Ŋɡɑlɑ̂t 4:4 - Kɑɑ Fí

⁴ Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Ŋɡɑlɑ̂t 4:4 Kruisverwysings

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Mɑtʉ̈ɔ 5:17

Kɔɔ pʉʉ kwɑŋɛ ŋɡɔ ŋ kɑ tɔ́ nɛpík nɛpʉ́ʉ-Mɔ̌sɛ̂ɛ kɛ pɔ nu yí pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ ɔɔ? Ŋɡɑŋ, mɔ ŋkɑɑ tɔ́ nɛpík pɔ́, ŋ kɑ tɔ́ pɔ nɛɡɛ mɛshʉ́ mɛ́ tsuŋ ńcẅɛt.

Mɑ́lɛ́kúshi 1:15

«Ŋkɑ́ pɑ́Ꞌnɛ mbɔ ɛ́ kuꞋ tɛ Sɛ́ ɡʉ ńzɛ nɛnyɛt nɛfɔɔ nɛ́. Pʉʉ kúpmɛ mɑt wʉʉ, ḿbɛn ḿbɛ́m Ŋkʉʉ Sʉ́Ꞌnɛ ɛ̂wɑ́.»

Lúkɑ́shi 1:31

ZúꞋ: ɔ ɡʉ ḿbɔ́ shǔutɛ, ŋ́ɡɛ ḿbí tɑ́Ꞌ mɔ́ɔ mbɛ́ɛnɛ, ńcẅi lík yɛ́ ŋɡɔ Yɛ́su.

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 2:7

A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

Lúkɑ́shi 20:44

Lɑ́ Fɔɔ Ndɑvît fúŋnɛ wɛ́ tɑ́t pɑꞋɑ, mbɔ ɑ pɛn ḿbɔ́ Nzɑ́Ꞌŋkʉ, ḿbɛn ḿbɔ́ ŋu nǔu yɛ njẅɛt ŋ́ɡɔ ku?»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 6:38

MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 1:7

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ zɛɛ mbɔɔ ɡẅɛɛ nɛjí kɛ ɛ́ ŋkɑ́ pɔ́, kɛ lɛ́Ꞌ yi mîmɑ́ mɛnu ɡʉ ŋ́ɡɛ pɔ́. Tɑ̌ɑ zɛ́nɛ́ jʉ́ kɑ kwɑŋɛ́nɛ ńzɑ́p.

Pʉɔ-Lɔ́mɑ 1:3

Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Pʉɔ-Lɔ́mɑ 5:6

Ɛ́ pɔ́ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ zɛɛnɛ ḿbɛ́t pɔ pɑ kɛ́ ɡẅɛɛ mɛtʉʉ, Kɛlístɔ tɔ́ nǔu ŋkɑ́ yi Sɛ́ kɑ zɑ́pnɛ, ḿpfú nǔu tú-pʉɔ kɛpɔŋ.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

Kɔlɔsíyɛ̂ŋ 2:14

A kɑ ɡwɛ́tnɛ ŋwɑꞋnɛ-nzɔ́ yɛkŋɛ pɛpɔ́p, mbɔ nɛpʉ́ʉ kɑ pɔ́ tsɛt yîyɑ́ ŋwɑꞋnɛ ḿbɔ́ ɛ́fɛn wɛkŋɛ nǔu mɛnu mi pɛkŋɛ fɑɑnɛ́nɛ, ḿbɔ́ pɛ́ cú ŋɡɔ ɑ kɑ tɛmtɛ wɔ́p Yɛ́su ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, ńdɔk pɔ́Ꞌɔ, ḿbʉ́ʉpɛ ŋwɑꞋnɛ.

1 Timɔtɛ́ɛ 2:6

KwɑꞋ Jʉ́ kɑ ɡɑ́nɛ tú yɛ́ ńdɔk ńtsúꞋ pʉɔ pɛtsʉʉ mbɔ̌ nɛvú, ńdɔk pɔ́Ꞌɔ, ńnyɛt nǔu ŋkɑ́ yi Sɛ́ kɑ zɑ́pnɛ ŋɡɔ jʉ́ Sɛ́ sɛ́ ŋ́kɔŋ ŋɡɔ pʉɔmɛsɔŋ tsʉʉ luk.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 9:10

Yîyɑ́ ntɛ́ nɛɡúꞋlɛ Sɛ́ ntɛ́ yi ɛ́ líŋɛ́nɛ pɔ mbʉʉ-ŋu, ɛ́ pɔ́ nu ńdíŋɛ yúupɛjʉ́, ńdíŋɛ mɛluꞋ, ńdíŋɛ nɛsuk mɛlɔ́Ꞌ. Mɛtʉʉ mîmɑ́ mbʉ́ʉ kɑ ɡẅɛɛ nɛpɔ́ ɡú tɛ ńdɑ́Ꞌ ŋ́kúu pɔ ŋkɑ́ yi Sɛ́ kɑ pɔ́ ŋ́ɡʉ ḿbɛn ŋ́ɡɛ mbɑ kʉ̈ɔ́ lɑ́ pɔ fí fí.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 4:2

Yúu mi pʉʉ ɡʉ ńdɔk ńjí Zẅikŋɛ yi ɛ́ fúnɛ mbɔ̌ Sɛ́ pʉ́ɔlɑɑ. Ŋu lɑɑ ḿbɛ́m ŋɡɔ Yɛ́su Kɛlístɔ kɑ shɔtnɛ ńtsʉ́Ꞌ kwɑꞋ ŋumɛsɔŋ, mbɔ ŋɡɑŋ ɡẅɛɛ Zẅikŋɛ yi ɛ́ fúnɛ mbɔ̌ Sɛ́.