Jɑ̂ŋ 21:15 - Kɑɑ Fí

¹⁵ Pɔ́p kwɛ́t yúu tɛ ɛ́ kuꞋ, Yɛ́su cú mbɔ̌ Símɔ̂ŋ Pyɛ̂ ŋɡɔ: «Símɔ̂ŋ, mɔ́ɔ-Jɑ̂ŋ, tɛ ɔ kɔŋ wɑ́ɑ tɛ ńtsɑ pʉɔ pɔ?» A pʉ̈ɔt ŋɡɔ ɔ́ɔŋ, mbɑ̌ɑ Tsɑpʉɔ, ɔ jí ŋɡɔ ŋ ŋkɔŋ wú. Yɛ́su cú mbɔ̌ wɛ́ ŋɡɔ: «Tsiinɛ pɔ́ɔ-njinjɔ pɑ́ɑ.»

Jɑ̂ŋ 21:15 Kruisverwysings

Mɑtʉ̈ɔ 10:37

Ŋu kɔŋ tɑ́t wɛ kɛ pɔ mɑ́ wɛ ɔɔ, tɛ ńdɛɛ wɑ́ɑ, mbɔ ŋɡɑŋ kɑ́ kuꞋ nɛpɔ́ wɑɑ ŋu pɔ́. Ŋu kɔŋ mɔ́ɔ nɛ wɛ mbɛ́ɛnɛ kɛ wɛ mɑŋɡɛ́ ɔɔ tɛ ńdɛɛ wɑ́ɑ, mbɔ ɑ kɑ́ kuꞋ nɛpɔ́ wɑɑ ŋu pɔ́.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Mɑtʉ̈ɔ 26:33

Pyɛ̂ cú mbɔ̌ wɛ́ ŋɡɔ: «Pɛcɔ́ pʉɔ lɑɑ ḿmɛꞋ wú ŋ́kʉɔ pɛtsʉʉ, mbɔ ɛ́ lɑɑ ḿbɔ́ m bɔɔ wú mɛꞋ.»

Mɑtʉ̈ɔ 26:35

Pyɛ̂ cú mbɔ̌ wɛ́ ŋɡɔ: «Pɛ́ lɑɑ ńzɛɛ ńtɛmtɛ wûu ḿbɔ́ ńdɔk ŋ́ɡʉ pɔ nɛjẅí, mbɔ ɛ́ lɑɑ ḿbɔ́ m bɔɔ wú muŋɛ!» PfuꞋ ɡɑŋku pɛ́ pɛtsʉʉ pɛn ńcú yɔ́p pɔ pɔ́Ꞌɔ.

Mɑ́lɛ́kúshi 14:29

Pyɛ̂ cú mbɔ̌ wɛ́ ŋɡɔ: «Pɛcɔ́ pʉɔ lɑɑ ḿmɛꞋ wú ŋ́kʉɔ pɛtsʉʉ, m bɔɔ wú mɛꞋ.»

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Lúkɑ́shi 22:32

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

Jɑ̂ŋ 1:42

Ńdɔk Símɔ̂ŋ, ŋ́ɡʉ nɛjɔ́ŋ Yɛ́su, Yɛ́su tsuŋ ńdíŋɛ Símɔ̂ŋ tɛ ńcú mbɔ̌ wɛ́ ŋɡɔ: «Ɔ Símɔ̂ŋ mɔ́ɔ-Jɑ̂ŋ. Pɛ́ ɡʉ ŋ́ɡɛ ɛ́fúŋ wú ŋɡɔ Kɛfɑs», ɛ́ lɔk ḿbɔ́ ńcú ŋɡɔ Pyɛ̂.

Jɑ̂ŋ 13:37

Pyɛ̂ cú mbɔ̌ Yɛ́su ŋɡɔ: «Tsɑpʉɔ, kʉ̈ɔ́ ɡʉ ŋ́ɡɛ lɑ m bɔɔ ɡɔ́ɔ ńcʉ́ɔ nzʉʉ wú pɔ́ ɔɔ? Ŋ ɡʉ ŋ́ɡɑ́ tú yɑ́ɑ ntɛ́ wú.»

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Jɑ̂ŋ 21:12

Yɛ́su cú mbɔ̌ pɔ́p ŋɡɔ: «Pʉʉ tɔ́ ŋ́kwɛ́t yúu.» Sɑ̌ɑ tɑ́Ꞌ ŋu nǔu ɡɑŋku-Yɛ́su pɔɔ sʉk tɛ ḿbíkŋɛ ŋɡɔ ɔ wɔ̌ pɔ́ ɔɔ? MbíꞋŋɡɔ pɔ́p kɑ pɔ́ ńjí ŋɡɔ ɑ Tsɑpʉɔ.

Jɑ̂ŋ 21:7

Ŋɡɑŋku ẅí Yɛ́su kɑ pɔ́ ŋ́kɔŋ wɛ́ tɛꞋ cú mbɔ̌ pyɛ̂ ŋɡɔ: «A pɑ́Ꞌɑ ḿbɔ́ Tsɑpʉɔ!» Pyɛ̂ zúꞋ ŋɡɔ ɑ Tsɑpʉɔ, ḿbɛ́ɛ ndẅí yɛ́ yi ɑ lɑ́Ꞌnɛ ɛ́sɔt, ḿmɑꞋ, ŋ́ɡɔ́ɔ ŋ́kɛ́ ńjɛ́Ꞌ ŋ́kúu ŋki.

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 20:29

N jí ŋɡɔ ŋ ɡʉ ḿbɔ́ tɛ ŋ́ɡʉ, mɛnɑɑŋɡwɛ kúu tsɛtsɛt pʉʉ ńzɑ́p nu.

Pʉɔ-Lɔ́mɑ 14:1

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ ɛ́ tsɛtsɛt pɛkŋɛ, pɛcɔ́ pʉɔ lɔk pɑ́Ꞌ pɔ́p sɛ́ ńzúꞋ yɔ́p nu-Sɛ́, ḿbɔ́ ńdʉ́ɔꞋtɛ yɛcɔ́ yúu, pʉʉ kúꞋlɛ wɔ́p kúꞋlɛ́nɛ kɔɔ pʉʉ pɛpɔ́p zɔŋ nu nǔu yɔ́p yúu mi pɔ́p sɛ́ ŋ́kwɑŋɛ.

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

1 Kɔlɛ̂ŋtɛ 8:11

Pɔ́Ꞌɔ lɑ́, ɛ́ lɛɛ nǔu yúu mi ɔ sɛ́ ńjí, ŋu ẅí ɑ pɛ́t ḿbɔ́t pɔ́tnɛ kúu pɛ́, lɑ́ ḿbɔ́ mɔ́ɔmɑ́ wɛkŋɛ ẅi Kɛlístɔ kɑ pfúnɛ nǔu tú yɛ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.