Jɑ̂ŋ 2:2 - Kɑɑ Fí

² Pɛ́ pɛn ɛ́fúŋ Yɛ́su ɡúu pɔ́p ɡɑŋku pɛ́, zʉꞋ-lɑ́ɑndɑ́ ɛ̂yɑ́.

Jɑ̂ŋ 2:2 Kruisverwysings

Mɑtʉ̈ɔ 12:19

A kɛ́ ɡɛ ńdɔɔ mɛlɑꞋ pɔ́, ŋ́kɛ́ mbɔɔ cú nu tɛ ŋɡi yɛ́ kɔ́Ꞌ tʉ́ pɔ́. Pɛ́ kɛ́ mbɔɔ zúꞋ ɑ tʉ́ʉ mɛtú-ndúŋ ŋ́ɡɑ́ sẅiŋɛ pɔ́.

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 25:45

Fɔɔ tsɔ́Ꞌ mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ lɑ́ yi pʉʉ ŋ́kɑɑ ɡɛ mɔnɛ mɛnu nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ pɔ́, mbɔ pʉʉ ŋ́kɑɑ pɛn ŋ́ɡɛ yúu nǔu mɔ pɔ́.»

Jɑ̂ŋ 2:12

Yɔ nu lɛɛ, Yɛ́su pɔ́p mɑ́ wɛ, pɔ́p pɔ́ɔpɛ́mɑ́ pɛ́, ŋ́ɡɛ ɡɑŋku pɛ́, ɡʉ nɛ́ tʉ́sɔŋ-Kɑpɛɛnɑwúm, ŋ́kúu zúꞋu, ńnɑ́ŋ pɔ mɛcɔ́ mɛlɛ́Ꞌ.

Jɑ̂ŋ 2:17

Gɑŋku-Yɛ́su ɡɔ́ɔ ŋ́kɛ́ ŋ́kẅíitɛ zʉꞋ-ŋwɑꞋnɛ-ndɛn kɑɑ yi ɛ́ cúnɛ ŋɡɔ: «Mɔ, ŋ kɔŋ zʉꞋ yú kɔŋnɛ tɛ ŋ ɡʉ ńdɑ́Ꞌ ḿpfú pɔ nǔu.»

Jɑ̂ŋ 2:22

Ɛ́ yɛ́tɛ́ lɑ́ ɑ kɑ zẅíimɛ nǔu nɛvú, ɡɑŋku pɛ́ kẅíitɛ ŋɡɔ ɑ kɑ cú yɔ nu, ŋ́ɡɔ́ɔ ŋ́kɛ́ ḿbɛ́m, ḿbɛn ḿbɛ́m yi ŋwɑꞋnɛ-ndɛn kɑɑ kɑ cúnɛ nǔu wɛ́.

Jɑ̂ŋ 2:3

MɛluꞋ ɡɛ ḿmɛ, mɑ́ pɛ́ Yɛ́su cú mbɔ̌ wɛ́ ŋɡɔ: «Pʉɔ kɑ́ pɛn ŋ́ɡẅɛɛ mɛluꞋ mi pɔ́p ɡʉ ńnɔ́ pɔ́.»

Jɑ̂ŋ 3:22

Yɔ nu lɛɛ, Yɛ́su pɔ́p ɡɑŋku pɛ́ ɡʉ nɛ́ tsɛt pɑk-ŋɡɔŋ-Judɛ̂, pɔ́p pɛpɔ́p nɑꞋ ńzɛ ńnɑ́ŋ, Yɛ́su pɔ́ ńnuꞋ pʉɔ ŋki.

Jɑ̂ŋ 4:33

Gɑŋku pɛ́ zúꞋ pɔ́Ꞌɔ, ɛ́shɔtnɛ ḿbíkŋɛ tsɛtsɛt pɔ́p ŋɡɔ: «Wɛcɔ́ ŋu tsʉ́Ꞌ ńdɔk yúujʉ́ ńtɔ́ ŋ́ɡɑ́ mbɔ̌ wɛ́ kɛkʉ̈ɔ́?»

Jɑ̂ŋ 4:8

Ɛ́ ɡɔ́ ḿbɔ́, mbɔ ɡɑŋku-Yɛ́su ɡʉ tʉ́sɔŋ nɛzúu yúupɛjʉ́.

Jɑ̂ŋ 6:12

Pʉɔ tsʉʉ kwɛ́t yúu tɛ ńzwɛ́t, Yɛ́su cú mbɔ̌ ɡɑŋku pɛ́ ŋɡɔ: «Pʉʉ lɑk mɛkɛm mɛ́ mi ɛ́ vuꞋnɛ tɛ yúu pɔɔ pɛ́.»

Jɑ̂ŋ 6:16

Ɛ́ ɡɛ ḿbɔ́ ntsuŋkẅɛ́Ꞌ, ɡɑŋku-Yɛ́su cúŋ ŋ́ɡʉ nɛ́ mbʉʉ mɑ́mɑ́ nɛtʉŋ-ŋki-Ŋɡɑlilɛɛ.

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

Jɑ̂ŋ 6:66

Ɛ́ fú ŋkɑ́ ɛ̂yɑ́, nɛzɑ́ɑ ɡɑŋku-Yɛ́su kʉ̈ɔ́, pɔ́p pɛpɔ́p pɔɔ pɛn ńnɛn pɔ́.

Jɑ̂ŋ 6:67

Yɛ́su ɡɛ ńcú mbɔ̌ pʉɔ ntsɔ̌ppɑ́ nɛ́ nɛɡɛ́m ŋɡɔ: «Pʉʉ kɑ́ pɔ́ ŋ́kɔŋ yʉ́ʉ nɛɡʉ pɔ́ kɛ?»

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Jɑ̂ŋ 6:71

Yɛ́su cú pɔ́Ꞌɔ, ńdɑ́Ꞌ Jẅidɑ, mɔ́ɔ-Símɔ Iskɑlyɔt. Jʉ́ kɑ pɔ́nɛ ŋ́ɡʉ ŋ́ɡɛ ɛ́fɛn Yɛ́su, tɛ mbɑ pɑ́Ꞌ ɑ m̄bɔ́nɛ tsɛtsɛt pʉɔ ntsɔ̌ppɑ́ nɛ́ nɛɡɛ́m.

Jɑ̂ŋ 6:8

Wɛcɔ́ ŋɡɑŋku-Yɛ́su pɔ́ zúꞋu, lík yɛ́ pɔ́ ŋɡɔ Ndɛlɛ́yɑ, ɑ pɔ́ mɔ́ɔmɑ́ pɛ́ Símɔ̂ŋ Pyɛ̂. A cú mbɔ̌ Yɛ́su ŋɡɔ:

Jɑ̂ŋ 7:3

Pɔ́ɔpɛ́mɑ́-Yɛ́su cú mbɔ̌ wɛ́ ŋɡɔ: «Fú zɑꞋnɛ ŋ́ɡʉ nɛ́ Judɛ̂ lɑ́ ɡɑŋku pú pi pɔ́p zúꞋu jʉ́ɔ yɔ́p mɛnu mi ɔ sɛ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 11:26

ŋ́kúu zúꞋu, ńjʉ́ɔ wɛ́, ńdɔk wɛ́ ḿbɛn nɛ́ Antíyɔshɛ. Pɔ́p pɛ́pɑ́ ŋ́ɡɛ pɑpɛ́m Yɛ́su tɛmtɛ ńnɑ́ŋ Antíyɔshɛ nǔu tɑ́Ꞌ ŋɡuꞋlɑ́Ꞌ. Pɔ́p pɔ́ ńzíꞋ pʉɔ tɛ ńzɑ́ɑ nɛ́ yúu. Pɛ́ kɑ zɛ pɔ Antíyɔshɛ ɛ̂wɑ́ nɛfúŋ pɑpɛ́m Yɛ́su ŋɡɔ: «Pʉɔ-Kɛlístɔ.»

ŊwɑꞋnɛ-Gɑŋntúu Yɛ́su Kɛlístɔ 11:29

Aɡɑbus cú pɑ́Ꞌɑ, pʉɔ-Kɛlístɔ pɔ́ yɛcɔ́ lɛ́Ꞌ ńzɑ́p ŋɡɔ mbɑ wɔ̌ lɑ́ ɡɑ́ yɛ́ yúu mi ɑ kuꞋnɛ nǔu, pɛ́ túu, ńdɔk ńcẅɛ́lɛ́ pɔ́ɔpɛ́mɑ́ pi pɔ́p tswɛ́nɛ tsɛt pɑk-ŋɡɔŋ-Judɛ̂.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

1 Kɔlɛ̂ŋtɛ 7:39

Ɛ́ ɡʉ nǔu mɑŋɡɛ́ ẅi ɑ zɔ́Ꞌnɛ ɑ kɛ́ ŋ́ɡẅɛɛ pɔ nɛlɑt mbʉʉ yɛ nǔu ndúu mɛ nǔu ŋkɑ́ yi ndúu mɛ pɛ́t ɡú. Ndúu mɛ kɛ́ ḿpfú, ɑ ɡẅɛɛ nɛzɔ́Ꞌ ŋu ẅi jʉ́ mɑŋɡɛ́ kɔŋnɛ. Nu pɔ́ pɔ ŋɡɔ ẅîwɑ́ ŋu mbɛ́ɛnɛ pɔ́ ŋu-Kɛlístɔ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.