Jɑ̂ŋ 12:23 - Kɑɑ Fí

²³ Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Jɑ̂ŋ 12:23 Kruisverwysings

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑtʉ̈ɔ 26:45

ŋ́ɡɛ pɔ́Ꞌɔ, ḿbɛn ɛ́fú zúꞋu ḿbɛn nzʉʉ, ŋ́kẅɛ́ɛtɛ ɡɑŋku pɛ́, ńcú mbɔ̌ pɔ́p ŋɡɔ: «Pʉʉ tsuŋ ńdɛ́, ńjẅiitɛ sʉ́Ꞌnɛ. Pʉʉ ɡɔ́ɔ ŋ́kɛ́ ńjʉ́ɔ, ŋkɑ́ kuꞋ! Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔ kɛpɔŋ.»

Mɑ́lɛ́kúshi 14:35

Ńcú pɔ́Ꞌɔ, ńnɑꞋ ŋ́ɡʉ mbi, ḿvu sɛ́ ḿbɔ́ ńcɛꞋlɛ Sɛ́ ńcú ŋɡɔ kɛ ɛ́ lɑɑ ḿbɔ́ ɑ pɑꞋnɛ yɔ ŋkɑ́ kɛpɔŋ ɔɔ, ɑ pɑꞋnɛ,

Mɑ́lɛ́kúshi 14:41

A ɡʉ, ŋ́ɡɛ ḿbɛn ńtɔ́ nǔu mbɑ́ɑtɛ ŋkɑ́ yɛ́tɑ́t, ńcú mbɔ̌ pɔ́p ŋɡɔ: «Pʉʉ tsuŋ ńdɛ́, ńjẅiitɛ sʉ́Ꞌnɛ. Ɛ́ zɑ́pmɛ. Ŋkɑ́ pɑꞋnɛ, mbɔ ɛ́ kuꞋ. Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔ kɛpɔŋ.

Jɑ̂ŋ 12:16

Gɑŋku-Yɛ́su jʉ́ɔ yɔ nu, ḿbɔɔ ɡɔ́ɔ ɛ́fɛ́Ꞌnɛ ńzúꞋ pɔ́. Lɑ́, Yɛ́su ɡɛ ḿbɔ́ tɛ ŋ́kúu tsɛt nɛɡúꞋ wɛ tʉ́nɛpú, lɑ pɔ́p ɡɔ́ɔ ŋ́kɛ́ ŋ́kẅíitɛ ŋɡɔ pɛ́ kɑ zɑ́Ꞌ njí ŋ́ŋwɑꞋnɛ yîyɑ́ nu ntɛ́ wɛ́, ḿbɛn ŋ́kẅíitɛ ŋɡɔ lɑ́Ꞌ kɑ ɡɛ nǔu wɛ́ pɔ pɑ́Ꞌ pɛ́ kɑ ŋwɑꞋnɛ́nɛ.

Jɑ̂ŋ 12:27

Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 7:39

A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.