Jɑ̂ŋ 10:24 - Kɑɑ Fí

²⁴ Pɑyúdɑ tʉ̈ɔ́Ꞌlɛ Yɛ́su ńníꞋ sɔŋ, ḿbíkŋɛ wɛ́ ŋɡɔ: «pɛk ɡʉ ńzẅíꞋlɛ tɛ kúu pɔ ŋkɑ́ kʉ̈ɔ́ lɑ́ ɔ sẅíi wɛ́k nɛ́ ŋu ẅí ɔ jʉ́? Ɔ lɑɑ ḿbɔ́ Nzɑ́Ꞌŋkʉ ẅi Sɛ́ kɑ kɑꞋnɛ, ɔ jɛ́p jɛ́pnɛ ɛ́sẅíi wɛ́k.»

Jɑ̂ŋ 10:24 Kruisverwysings

Mɑtʉ̈ɔ 11:3

ɑ Nzɑ́Ꞌŋkʉ ẅí pɛ́ sɛ́ ńzẅíꞋlɛ wɛ́ lɑ́ kɛ pɔ́p ḿbɛn ńzẅíꞋlɛ pɔ wɛcɔ́ ŋu ndɛꞋ ɔɔ?

Mɑ́lɛ́kúshi 8:32

Yɛ́su lɛɛlɛɛnɛ ńcú mɔnɛ mɛnu pɑꞋɑ, Pyɛ̂ ɡɔ́ɔ ńnɑꞋ ɛ́fúŋ wɛ́ ntsɛm, ńzɛ nɛkɑkŋɛ wɛ́.

Lúkɑ́shi 3:15

Pɑ́Ꞌ ɛ́ kɑ ɡɔ ḿbɔ́ lɑ́Ꞌ pɔ́ ńzẅíꞋlɛ Nzɑ́Ꞌŋkʉ ẅí Sɛ́ kɑ kɑꞋnɛ lɑ́, mbɑ wɔ̌ lɑ́ pɔ́ ḿbíkŋɛ tsɛt tʉ́m yɛ́ ŋɡɔ: Kɛ Jɑ̂ŋ lɔk ḿbɔ́ pɔ jʉ́?

Jɑ̂ŋ 1:19

Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 10:31

Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.

Jɑ̂ŋ 10:33

Pɑyúdɑ tsɔ́Ꞌ mbɔ̌ wɛ́ ŋɡɔ: «Pɛk kɑ́ pɔ́ ńdɔɔ nɛlɔk mɛŋɡɔꞋ ńtɛ́mtɛ wú ńjẅí, ntɛ́ pɔ yɛcɔ́ fɑꞋ sʉ́Ꞌnɛ pɔ́, ɛ́ pɔ́ pɔ ŋɡɔ ɔ zɔɔtɛ Sɛ́. Gu ẅí ɔ pɔ́ pɔ ŋumɛsɔŋ, ɔ tsʉ́Ꞌ ńcú pɔ ŋɡɔ ɔ Sɛ́.»

Jɑ̂ŋ 16:25

N dɔk pɔ sɑknɛkɛt ńcú mɔ mɛnu. Yɛcɔ́ ŋkɑ́ ɡʉ ŋ́ɡɛ ḿbɔ́, m bɔɔ pɛn ńdɔk pɔ sɑknɛkɛt ńcú nu mbɔ̌ pʉʉ pɔ́. N tsʉ́Ꞌ ɛ́sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu yí ɛ́ líŋɛ́nɛ Tɑ̌ɑ mɔ.

Jɑ̂ŋ 8:25

Pɔ́p píkŋɛ wɛ́ ŋɡɔ: Ɔ pɔ́ pɔ wɔ̌? Yɛ́su pʉ̈ɔt mbɔ̌ pɔ́p ŋɡɔ: Mɔ ŋu wɑ́ ẅi ŋ kɑ lɑ́Ꞌ ńzɛ nɛsẅíi wʉ́ʉ tɛ ɛ́fú nzɛnɛ lɑ́.

Jɑ̂ŋ 8:53

Ńjí ŋɡɔ ɔ lɔk ŋ́ɡúꞋ ńtsɑ tɑ́t wɛk Ábɛlɛhɑ̂m kíi? A kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfútɛ yɔ́p. Ɔ kwɑŋɛ ŋɡɔ ɔ pɔ́ pɔ kʉ̈ɔ́?

Jɑ̂ŋ 9:22

Tɑ́t wɛ pɔ́p mɑ́ wɛ, pɔ́ ńcú pɔ́Ꞌɔ, mbíꞋŋɡɔ pɔ́p kɑ pɔ́ ḿbɔ́k pɑsɑ́Ꞌlɑ́Ꞌ-pɑyúdɑ. Ɛ́ ɡɔ́ ḿbɔ́, mbɔ pɑyúdɑ kɑ zɑ́b ŋɡɔ ŋu lɑɑ ḿbɛ́m ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ, pɛ́ fú ndɑ́-cúꞋlɛ ńzuŋ ŋɡɑŋ.

2 Kɔlɛ̂ŋtɛ 3:12

Pɑ́Ꞌ pɛk sɛ́ ńniitɛ ńjí ŋɡɔ mɔnɛ mɛnu nɛ́nẅín lɑ́, pɛk sɑ́ɑnɛ sɑ́ɑnɛ́nɛ ńcú nu nǔu.