Jɑ̂ŋ 1:4 - Kɑɑ Fí

⁴ Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Jɑ̂ŋ 1:4 Kruisverwysings

Mɑtʉ̈ɔ 4:16

Pʉʉ ẅí pʉʉ kɑ nɑŋnɛ tsɛt nzɛ́nzʉ́ʉ, yʉ́ʉ njí tsuŋ ŋ́kiɛ. Mɔ́nɛm sɑ́Ꞌ tɛ ḿbɔ́ ńtɑ́ nǔu pʉɔ pinɛ pɔ́p kɑ nɑŋnɛ tsɛt ŋɡɔŋ-nzɛ́nzʉ́ʉ zʉꞋ yí nɛvú ḿbɔ́nɛ ńnʉk wɔ́p.»

Lúkɑ́shi 2:32

Ɛ́ pɔ́ kyɛꞌ yi ɛ́ ɡʉ ŋ́ɡɛ pɛ́ jí wú zʉꞋ tsʉʉ. Pɔ́Ꞌɔ, ɔ lɔk ŋ́ɡɑ́ ɡúꞋlɛ mbɔ̌ Íslɑɛ̂l, lɑ́Ꞌ yú.»

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

Jɑ̂ŋ 12:35

Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 3:19

Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 9:5

Ŋkɑ́ yi m bɛ́tnɛ ndǔmbí, mɔ, m bɔ́ kyɛꞌ ndǔmbí.

ŊwɑꞋnɛ-Gɑŋntúu Yɛ́su Kɛlístɔ 26:23

Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

1 Jɑ̂ŋ 1:2

Sɛ́ kɑ pɔ́ tɛ ńtɔ́ ŋ́ɡɑ́ mbɔ̌ pɛk, pɛk jʉ́ɔ wɛ́, tɛ pɛk pɑ́Ꞌɑ ḿbɔ́ pɑjʉ́njʉ́ɔ, ḿbɔ́ ɛ́sẅíi wʉ́ʉ nɛ́ nu nǔu luk kɛ́mɛ yí ɛ́ kɑ fúnɛ nɛjɔ́ŋ Tɑ̌ɑ ńtɔ́ ńnyɛt mbʉʉ yɛ́ mbɔ̌ pɛk.

1 Jɑ̂ŋ 5:11

Yúu mi Sɛ́ kɑ cúnɛ nǔu nu-Mɔ́ɔ nɛ, ɛ́ pʉ́ɔ ḿbɔ́ ŋɡɔ: Jʉ́ Sɛ́ kɑ ɡɑ́ luk kɛ́mɛ mbɔ̌ pɛkŋɛ, yîyɑ́ luk fú nǔu Mɔ́ɔ nɛ.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.