Jɑ̂k 2:14 - Kɑɑ Fí

¹⁴ Pɔ́ɔpɛ́mɑ́ pɑ́ɑ, ŋu lɑɑ ŋɡɔ ɑ zɑ́p tʉ́m yɛ́ nǔu Sɛ́, ḿbɔɔ ɛ́fɑꞋ mɛfɑꞋ ńdɔk ńnyɛt pɔ́, mbɔ ɛ́ ɡʉ ńcẅɛ́lɛ́ wɛ́ nǔu kʉ̈ɔ́? Tɛ mbɔ yîyɑ́ ntɛ́ nɛzɑ́p tʉ́m nǔu Sɛ́ ɡɛ ŋu luk?

Jɑ̂k 2:14 Kruisverwysings

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Lúkɑ́shi 3:11

A tsɔ́Ꞌ mbɔ̌ pɔ́p ŋɡɔ: «Ŋu wʉʉ lɑ́ɑ ŋ́ɡẅɛɛ mɛndẅí mɛ́mbɑ́, ɑ ɡɑ́ tɑ́Ꞌ mbɔ̌ ŋu ẅi ɑ zɛ ḿbɔɔ yɛcɔ́ ɡẅɛɛ. Ŋu ẅi ɑ ɡẅɛɛnɛ yúujʉ́, ɡɑ́ yɛ ŋu ẅí nji sɛ́ ńzɑ́ŋ wɛ́.»

Lúkɑ́shi 6:49

Lɑ́, ŋu ẅí ɑ zúꞋnɛ sẅiŋɛ yɑ́ɑ, ŋ́ɡʉ, ḿbɔɔ ɡɛ pɑꞋ n cúnɛ pɔ́, mbɔ ŋɡɑŋ pɔ́ pɑ́Ꞌ wɛcɔ́ ŋu ẅí ɑ kɑ kút yɛ́ ndɑ́ pɔ kɛ́ pɔɔ cʉ́. Mbʉŋ ɡɛ ńdɔ́, ŋ́ɡʉ ŋki tɔ́ ńtɛ́mɛ nǔu ndɑ́, ɛ́ kɛ́mɛ ḿbʉ̈ɔtnɛ sɛ́. Ndɑ́ ɛ̂yɑ́ kɑ tsʉ́Ꞌ nɛkɛmɛ, ŋ́kɛmɛ pɔ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 15:9

Sɛ́ ŋ́kɑɑ kɛ́ ŋ́ɡɛ yɛcɔ́ sɑ̌ɑ tɔŋ tsɛtsɛt pɛk pɛpɔ́p pɔ́. A kɑ lɛɛ nǔu pɑ́Ꞌ pɔ́p zɑ́pnɛ tʉ́m nǔu Yɛ́su, ɛ́suk nu kɛpɔŋ tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 8:13

Mbɑ Símɔ̂ŋ ɛ̂wɑ́ zúꞋ, ḿbɛ́m yɛ́, pɛ́ nuꞋ wɛ́ ŋki. A pɔɔ pɛn ɛ́fú nɛjɔ́ŋ Filîp ŋ́kẅɛ́Ꞌlɛ pɔ́, ḿbɔ́ ńjʉ́ɔ mɛnu mɑ̌ɑmɑɑnɛ pɔ́p ŋkʉꞋnɛ nu yi Sɛ́ lɛɛnɛ nǔu Filîp ŋ́ɡɛ ɛ́ kʉꞋnɛ wɛ́ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 8:21

Ɔ kɑ́ pɔ́ ŋu ẅí ɛ́ lɑɑ ḿbɔ́ pɛkŋɛ tɛmtɛ nu pɔ́. Mɛnu mi pɛ́ ɡɛnɛ zɑꞋnɛ, ɔ nu nǔu kɑ́ ɡẅɛɛ, mbíꞋŋɡɔ tʉ́m yú mbi Sɛ́, mbɔɔ tʉ́ʉ ndʉ́ŋndʉŋ pɔ́.

Pʉɔ-Lɔ́mɑ 2:25

Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 11:17

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ́ ńtʉ́ʉ nɛlɔk Ɛ́sɑk ńnɔŋ pɔꞋ mbɔ̌ Sɛ́ nɔŋnɛ, nǔu ŋkɑ́ yi Sɛ́ kɑ lʉŋtɛ́nɛ wɛ́, ńtʉ́ʉ nɛlɔk Ɛ́sɑk ńnɔŋ pɔꞋ pɔ́Ꞌɔ, ɑ pɔ́ mbɔ̌ wɛ́ ḿbɔ́ ndɑꞋ mɔ́ɔ, ḿbɔ́ ŋu mbɛ́ɛnɛ, mbɔ Sɛ́ kɑ lɑ́Ꞌ ŋ́kɑꞋ nu mbɔ̌ wɛ́ mbíꞋ Ɛ́sɑk.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Jɑ̂k 1:16

Pɔ́ɔpɛ́mɑ́ pɑ́ɑ pɛ́ tʉʉndɛn, kɔɔ kwɑŋɛ yʉ́ʉ fúklɛ wʉ́ʉ.

Jɑ̂k 2:16

wɛcɔ́ ŋu nǔu pʉʉ pɛn ńcú mbɔ̌ pɔ́p ŋɡɔ: «Pʉʉ nɛn nɛ́ ku yʉ́ʉ yi sʉ́Ꞌnɛ. Mbʉʉ yʉ́ʉ tɔɔnɛ. Pʉʉ kwɛ́t ńzwɛ́t,» ńcú pɔ́Ꞌɔ, ŋ́kɛ́ ḿbɔɔ ŋ́ɡɑ́ yɛcɔ́ yúu mi ɛ́ ɡʉ ńcẅɛ́lɛ́ wɔ́p pɔ́, mbɔ ẅîwɑ́ nɛcú ɡʉ ńcẅɛ́lɛ́ wɔ́p nǔu kʉ̈ɔ́?

Jɑ̂k 2:18

Líkcɔ́ mbɔ ŋu cú ŋɡɔ: «wɛcɔ́ ŋu sɛ́ ńzɑ́p tʉ́m yɛ́ nǔu Sɛ́, wɛcɔ́ pɔ́ fɑꞋ mɛfɑꞋ. Mbɔ ŋ ɡʉ ńcú yɑ́ɑ mbɔ̌ wɛ́ ŋɡɔ: Nyɛt wɑ́ɑ pɑ́Ꞌ ɛ́ lɑɑ ḿbɔ́ ɔ zɑ́p tʉ́m nǔu Sɛ́ kɛ́ pɔ́ ɛ́fɑꞋ mɛfɑꞋ, n dɔk mɛfɑꞋ mɑ́ɑ ńnyɛt wú ŋɡɔ n zɑ́p tʉ́m nǔu Sɛ́.»

Jɑ̂k 2:26

Ndʉ́ŋndʉŋ pɑ́Ꞌ zẅikŋɛ lɑɑ mbɔɔ nǔu mbɑp-mbʉʉ pɔ́, mbɔ ɛ́ pfú lɑ́, nɛzɑ́p tʉ́m nǔu Sɛ́, nɛzɑ́p ẅi pɛ́ kɑ́ pɔ́ ńjʉ́ɔ mɛfɑꞋ pɔ́, mbɔ yîyɑ́ nɛzɑ́p fɛ̌ɛ.

2 Pyɛ̂ 1:5

Pɔ́Ꞌɔ, pʉʉ sɑ́Ꞌ tʉʉ, ŋ́kẅiꞋ mɑt sʉ́Ꞌnɛ nǔu wʉʉ nɛzɑ́p tʉ́m nǔu Sɛ́, ḿbɛn ŋ́ɡʉ nǔu mɑt sʉ́Ꞌnɛ ŋ́kẅiꞋ nɛjí yúu mi Sɛ́ sɛ́ ŋ́kɔŋ,