Jɑ̂k 1:1 - Kɑɑ Fí1 A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ. Sien die hoofstuk |
Jɑ̂k 1:1
41 Kruisverwysings
Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.
Pɛ́ ɡɛ ŋwɑꞋnɛ yí pɔ́p ɡʉ ńdɔk ŋ́ɡʉ, ŋ́ŋwɑꞋnɛ tsɛtú ŋɡɔ: «Pɛk pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ Yɛlúsɑlɛm, pɛk pɔ́ɔpɛ́mɑ́ pʉ́ʉ pɛk cɛꞋlɛ wʉ́ʉ pɛtsʉʉ, pʉʉ pɔ́ɔpɛ́mɑ́ pi pʉʉ kɑ́ pɔ́ pɑyúdɑ pɔ́, pʉʉ ẅi pʉʉ ńtswɛ́nɛ tʉ́sɔŋ-Antíyɔshɛ, tɛ mbɑ pɛcɔ́ pʉɔ pí pɔ́p nǔu pɑk-ŋɡɔŋ Siliyɑ, tɛ mbɑ pʉɔ pí pɔ́p nǔu pɑk-ŋɡɔŋ-Silísíyɑ.
Yîyɑ́ nu pɔ́ pɑ́Ꞌ, pʉɔ pi Jɑ̂k kɑ túunɛ, kɑ ɡɔ́ ńtɔ́, Pyɛ̂ pɔ́p pʉɔ-Kɛlístɔ pi pɔ́p kɑ́ pɔ́ pɑyúdɑ pɔ́, pɔ́ ńtɛmtɛ ńjʉ́ yúu. Pîpɑ́ pʉɔ pɔ́ tɛ ńtɔ́ ɑ lɔk pɔ ndɑ̌ɑ ndɑɑ ńcẅɛt tsɛtsɛt pɔ́p, pɔ́p pɛpɔ́p pɔɔ kii ńtɛmtɛ yúu pɔ́, mbíꞋŋɡɔ ɑ kɑ pɔ́ ḿbɔ́k nu yi pʉɔ pi pɔ́p kẅíitɛ́nɛ nu-nɛpúꞋ pʉɔ ɡʉ ńcú nǔu wɛ́.
Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.
A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.
Advertensies