Ɛ́bɛlʉʉ 1:1 - Kɑɑ Fí

¹ Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.

Ɛ́bɛlʉʉ 1:1 Kruisverwysings

Lúkɑ́shi 1:55

ɛ́ yúu minɛ ɑ kɑ kɑꞋnɛ mbɔ̌ pɛmɑ́ŋɡɑpnjẅɛt pɛkŋɛ, mbɑ mbɔ̌ Ábɛlɛhɑ̂m pɔ́p njẅɛt yɛ mɛzuŋ mɛzuŋ.»

Lúkɑ́shi 1:72

Yɔ pɑ́Ꞌ pɔŋtʉ́m-Sɛ́ kɑ zɛnɛ nǔu pɛmɑ̂ɑŋɡɑpnjẅɛt pɛkŋɛ, ɛ́ pɛn ḿbɔ́ lɔ́Ꞌnɛ, kẅíitɛ kɑɑ yinɛ kwɑꞋ Sɛ́ pɔ́p pɛ pɔ́p kɑ ɡwɑtnɛ,

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

Jɑ̂ŋ 7:22

NɛpúꞋ mɔ́ɔ mbɛ́ɛnɛ kɑ́ fú mbɔ̌ Mɔ̌sɛ̂ɛ pɔ, ɛ́ fú mbɔ̌ pɛmɑ́ŋɡɑpnjẅɛt Pʉʉ. Lɑ́ Mɔ̌sɛ̂ɛ kɑ zíꞋ wʉ́ʉ nɛpúꞋ mɔ́ɔ. Lɑ́ pʉʉ sɛ́ ḿbúꞋ mbɑ lɛ́Ꞌnji.

Jɑ̂ŋ 9:29

Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:32

Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 2:30

Lɑ́ ɑ m̄bɔ́ Ŋɡɛ́mdʉ̈ɔ́Ꞌ-Sɛ́, ḿbɛn ḿbɔ́ ńjí nu yí Sɛ́ kɑ kɑꞋnɛ mbɔ̌ wɛ́ tɛ ŋ́kɑɑ ŋɡɔ jʉ́ Sɛ́ ɡʉnɛ ńdɑ́Ꞌ ŋ́ɡɛ, mɔ́ɔ ẅi ɑ cẅɛtnɛ nǔu njẅɛt yɛ nɑ́ŋnɛ nǔu kɔꞋ-nɛfɔɔ nɛ́.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Ɛ́bɛlʉʉ 11:18

Ɛ́ pɔ́ pɑ́Ꞌ Sɛ́ kɑ cúnɛ nu mbɔ̌ Ábɛlɛhɑ̂m ŋɡɔ: «Ɔ ɡʉ ńdɑ́Ꞌ ńdɛɛtɛ pɔ nǔu Ɛ́sɑk lɑ́ ŋ́ɡẅɛɛ njẅɛt yi ŋ kɑ kɑꞋnɛ mbɔ̌ ɡu».

Ɛ́bɛlʉʉ 11:2

Sɛ́ kɑ cú nǔu pɛcɔ́ pʉɔ pɛ́ pɛ́ ŋkɑ́mbi ŋɡɔ, pɔ́p kwɑꞋ pʉɔ, ɛ́ fú pɔ nǔu yɔp ntɛ́ nɛzɑ́p tʉ́m nǔu wɛ́.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 2:2

pɛkŋɛ sɛ́ ńjí ŋɡɔ, nu yi cʉ̈ɔ́Ꞌ-Sɛ́ kɑ lɔknɛ ńtɔ́ ŋkɑ́mbi, ɛ́ ŋkɑɑ mɔ́ncɛꞋ nu pɔ́. Mbɑ wɔ̌ lɑ́ ẅi ɑ kɑ pɔ́ ɛ́fɑɑnɛ yîyɑ́ nu, ńtʉʉ tú nǔu, Sɛ́ kɑ pɔ́ ńníꞋ ŋɡʉ̈ɔ́Ꞌ nǔu wɛ́ pɔ pɑ́Ꞌ ɛ́ sɛ́ ḿbíkŋɛ.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 3:5

Ɛ́ kɛ́ ŋ́ɡʉ nǔu Mɔ̌sɛ̂ɛ, mbɔ ɛ́ kɑ pɔ́ ŋkɑ́ yi ɑ kɑ pɔ́ ńdíŋɛ pʉɔ-Sɛ́, ńjí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɑ ɡɛ, ḿbɔ́ pɔ ŋɡɑŋfɑꞋ, mbɑ kʉ̈ɔ́lɑ́ yi ɑ kɑ pɔ́ ŋ́ɡɛ nyɛt yúu nǔu mɛnu mi Sɛ́ kɑ pɔ́ ŋ́ɡʉ ńdɑ́Ꞌ ŋ́ɡɛ cẅɛt.

Ɛ́bɛlʉʉ 4:8

Ɛ́ kɑ lɑɑ ńzɛɛ ḿbɔ́ yi Yɛ́shuɑ kɑ lɔknɛ pʉɔ ŋ́ɡʉ tɛ pɔ́p kúu tsɛt wîwɑ́ mɔ́fíitɛ, mbɔ ɛ́ lɑɑ ḿbɔ́ Sɛ́ pɔɔ pɛn ŋ́kẅíi yɛcɔ́ lɛ́Ꞌ ndɛꞋ pɔ́.

Ɛ́bɛlʉʉ 5:5

Ɛ́ kɑ ɡʉ nǔu Kɛlístɔ ḿbɛn ḿbɔ́ pɔ pɔ́Ꞌɔ. Jʉ́ ŋkɑɑnɛ nɑ́ŋ tɛ ńcú ŋɡɔ ɑ ɡẅɛɛ nɛɡúꞋ wɛ NɔŋpɔꞋ wɛ ɡwɛ́ pɔ́. A kɑ ɡɔ́ ńtsʉ́Ꞌ pɔ́Ꞌɔ ɛ́ fú pɔ mbɔ̌ Sɛ́ wi ɑ kɑ cúnɛ mbɔ̌ wɛ́ ŋɡɔ: «Ɔ Mɔ́ɔ wɑ́ɑ, tɛ ɛ́fú lɔ́Ꞌnɛ m bɔ́ tɑ́t wu.»

Ɛ́bɛlʉʉ 9:19

Mɔ̌sɛ̂ɛ kɑ fúŋnɛ mbʉ́ʉ mi Sɛ́ kɑ cúnɛ ɑ ŋwɑꞋnɛ tsɛt ŋwɑꞋnɛ-nɛpʉ́ʉ, ɛ́fúŋ mbi lɑ́Ꞌ tsʉʉ tɛ mîmɑ́ mbʉ́ʉ ḿmɛ, ɑ tíi mɛci pɔ́ɔ-fɔŋ, ńtɛmtɛ nǔu mɛ́ pʉ̈ɔp, ńníꞋ ŋki nǔu, ḿbɛ́ɛ tsɑ́ŋ nɛɡíi ni pɛ́ fúŋnɛ ŋɡɔ nɛsɔt, ŋ́kɑ́tɛ mɛnuk-njinjɔ mi ɛ́ pɑŋ pɑŋnɛ nǔu tú, ńcʉ̈ɔꞋ nǔu, ńzɑt nǔu kwɑꞋ ŋwɑꞋnɛ, ḿbɛn ńzɑt nǔu pʉɔtsʉʉ, ḿbɔ́ ńzɑt ḿbɔ́ ńcú ŋɡɔ: