Filipɛ 4:5 - Kɑɑ Fí

⁵ Pʉʉ pɔ́ pʉɔ pi pɛ́ jí ŋɡɔ pʉʉ pɔ́tnɛ pɔ́tnɛ́nɛ. Pʉʉ kẅíitɛ ŋɡɔ ŋkɑ́ yi Tsɑpʉɔ ɡʉ ńtɔ́ kɑ́ sɑk.

Filipɛ 4:5 Kruisverwysings

Mɑtʉ̈ɔ 6:25

N dɔk ɛ́sẅíi wʉ́ʉ ŋɡɔ: Kɔɔ pʉʉ nɑ́ŋ ḿbúꞋ mbʉʉ yʉʉ ŋɡɔ pɛk ɡʉ ŋ́kwɛ́t kʉ̈ɔ́, pɛk ɡʉ ńdɔk ŋki ɡɔ́ ńnɔ́? Pɛk ɡʉ ńdɔk ndẅí ɡɔ́ ḿmɑꞋ? Wʉʉ nɛpɔ́ ɡú kɑ́ tsɑ yúupɛjʉ́ pɔ́ ɔɔ? Mbʉʉ ŋu pɛn mbɔɔ pɔ́ yúu tʉʉndɛn ńtsɑ mɛndẅí pɔ́ ɔɔ?

Mɑtʉ̈ɔ 6:34

Pɔ́Ꞌɔ lɑ́, kɔɔ pʉʉ púꞋ mbʉʉ yʉʉ nǔu nu-lɛ́Ꞌlɑ́Ꞌ-zɔ́n. Lɛ́Ꞌlɑ́Ꞌ-zɔ́n, ɡʉ ŋ́ɡɛ ńtɔ́ nɛ́ mɛ́ mɛnu. Yɛ́tɛ ŋɡʉ̈ɔ́Ꞌ lɑ́ kuꞋ nǔu yɛ́ lɛ́Ꞌlɑ́Ꞌ.»

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

1 Kɔlɛ̂ŋtɛ 6:7

Ŋu wʉʉ nɛzɛɛ ńdɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, ɛ́ lɔk ńnyɛt ŋɡɔ cúꞋlɛ yʉ́ʉ kɑ́ pɔ́ ńnɛn pɔ́. Ɛ́ zɛɛ ŋ́ɡɛ pɑ́Ꞌɑ pɛ́ fɑɑnɛ nu mbɔ̌ ŋu wʉʉ, ŋɡɑŋ pɔɔ sʉk sʉknɛ pɔ́, ńjʉɔ yúu ŋu, ɑ pɔɔ ɡwɑ́k?

1 Kɔlɛ̂ŋtɛ 8:13

Ɛ́ pɔ́Ꞌɔ lɑ́ ḿbɔ́ yi n dɑɑ ńjʉ́ yúupɛ́jʉ́, yi mɔ ńjʉ́ ɛ́ ɡɛ mɔ́ɔmɑ́ mɔ vu sɛ́, mbɔ ɛ́ lɑɑ ńtsʉ́Ꞌ yi ŋ ɡɛ pɔ́Ꞌɔ, m bɔɔ lɑ́Ꞌ ḿbɛn ŋ́kwɛ́t mbɑp pɔ́.

1 Kɔlɛ̂ŋtɛ 9:25

Pɑɡɛ mɛtɑ́ɑmɛ mi nu mɛtʉʉ nǔu, pɔ́p lʉꞋ mɛyúu tɛꞋ, ńjí pɑ́Ꞌ pɔ́p ɡʉ ŋ́ɡẅɛɛ mbʉʉ yɔp pɔ́Ꞌɔ, ńdɔk ńtsɑ́ɑ pɑ́Ꞌ pɛ́ ɡʉ ńdɑ́Ꞌ ńtɔꞋ ŋɡúꞋ yɔp. Yîyɑ́ ŋɡúꞋ pɔ́ yi ɛ́ ɡʉ ńdɑ́Ꞌ ḿbʉ́ʉpɛ. Lɑ́ ŋ́ɡʉ nǔu pɛkŋɛ, pɛkŋɛ ɡɔ́ ŋ́ɡɛ pɔ́Ꞌɔ, ńtsɑ́ɑ ŋɡúꞋ yi ɛ́ kɛ́ lɑ́Ꞌ pʉ́ʉpɛ pɔ́.

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

Ɛ́bɛlʉʉ 10:25

Kɔɔ pɛkŋɛ nɑ́ nɛ́ kɛ́ ḿbɔ́ ńtɔ́ mɛcúꞋlɛ-mɛkŋɛ tɔ́nɛ, tɛ mbɑ pɑ́Ꞌ nɛtẅí cúꞋlɛ tsʉ́Ꞌ pɔ mɑt mbɔ̌ pɛcɔ́ pʉɔ lɑ́, tɛ ńtsʉ́Ꞌ pɔ́Ꞌɔ, ŋu wɛkŋɛ níꞋ mɛtʉʉ mɔ́ɔmɑ́ wɛ, ḿbɛn ńní kwɑꞋ mɛ́ ɡúu, mbíꞋŋɡɔ pʉʉ sɛ́ ńjʉ́ɔ pɑ́Ꞌ lɛ́Ꞌlɑ́Ꞌ-Tsɑpʉɔ sɛ́ ḿbɑ́ɑtɛ.

Ɛ́bɛlʉʉ 10:37

Ɛ́ zɛɛ ḿbɔ́ tsɛt ŋwɑꞋnɛ-Sɛ́, mbɔ pɛ́ kɑ ŋwɑꞋnɛ ŋɡɔ: Ɛ́ tsʉ́Ꞌ mɔ́zʉꞋ, kwɑꞋ mɔ́ɔ mɔ́zʉꞋ ŋu ẅi ɑ sɛ́ ńtɔ́, tɔ́. Ɛ́ kɛ́ lɑ́ɑtɛ pɔ́.

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.

Mɛnu ɛ́ ńdɑ́Ꞌ ńcẅɛt 22:7

Yɛ́su kɑ pɔ́ ńcú ŋɡɔ: Mɔ n ɡʉ fɛ́Ꞌnɛ ńtɔ́. Pɔ́ttú ɑ ŋu ẅí ɑ kúꞋlɛ́nɛ mɛnu mi pɛ́ cúnɛ tsɛt nɛpúꞋ-ŋwɑꞋnɛ-ŋɡɛ́mndʉ̈ɔ́Ꞌ, ɛ́ pɔ́ mi ɛ́ ɡʉ ŋ́ɡɛ ŋkɔ̂ɔnɛ mbɑ mi ɛ́ ɡʉ ńdɑ́Ꞌ lɑ́ ŋ́ɡɛ.