Filipɛ 1:8 - Kɑɑ Fí

⁸ Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Filipɛ 1:8 Kruisverwysings

Lúkɑ́shi 1:78

mbíꞋŋɡɔ ɑ sɛ́ ńdíŋɛ wɛkŋɛ sʉ́Ꞌnɛ, ḿbɛn ḿbɔ́ ńtsɑ́ɑ mɛjʉ́ŋ mɛkŋɛ tɛꞋ. A ɡɛ ńtúu ŋu ẅi ɑ ŋ́ɡɛ pɛkŋɛ luk, ŋɡɑŋ fú tʉ́nɛ́pú ńtɔ́ ḿbɔ́ kyɛꞌ,

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

2 Kɔlɛ̂ŋtɛ 6:12

Pɛk kɑ́ pɔ́ ńdʉꞋ nɛkɔŋ wʉ́ʉ pɔ́, yɛcɔ́ yúu lɑɑ ḿbɔ́ ńtɑ́ɑtɛ wʉ́ʉ nɛkɔŋ wɛ́k, mbɔ ɛ́ fú mbɔ̌ pʉʉ.

2 Kɔlɛ̂ŋtɛ 7:15

Lɑ́, ɛ́ fú pɔ́Ꞌɔ, m bɛn ŋ́kẅiꞋ ŋ́kɔŋ wʉ́ʉ pɔ ndɛꞋ ndɛꞋ, ńnɑ́ŋ ḿbɔ́ ŋ́kẅíitɛ pɑ́Ꞌ pʉʉ pɛtsʉʉ kɑ tɛmtɛnɛ ńtʉ́ʉ nɛzúꞋ ntsu, mbɑ pɑ́Ꞌ pʉʉ kɑ kúkŋɛ́nɛ wɛ́, ḿbɔ́k wɛ́ pɑ́Ꞌ pɛ́ pɔ́k mɑ́ntúu, ŋ́ɡɑ́ mbʉʉ sɛ́ mbi wɛ́.

Ŋɡɑlɑ̂t 1:20

Yúu mi ŋ ŋwɑꞋnɛ́nɛ ɛ́sẅíi wʉ́ʉ lɑɑ, ɛ́ nɛ́nẅín. Mɔ, n tʉ́ʉ pɑ́Ꞌɑ mbi Sɛ́, ńcú ŋɡɔ ŋ kɑ́ pɔ́ ńcʉ̈ɔt nu pɔ́.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

Filipɛ 2:1

Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?

Filipɛ 2:26

KwɑꞋ jʉ́ zɛɛ ḿbɔ́ ńtsɑ́ɑ tɛꞋ nɛpɛn ńjʉ́ɔ wʉ́ʉ pɛ́tsʉʉ, mbíꞋŋɡɔ ɑ jí ŋɡɔ pʉʉ kɑ zúꞋ nu-ɡɔɔ yɛ́, ɛ́ ɡɑ́ɑnɛ wʉ́ʉ tɛꞋ.

Filipɛ 4:1

Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

Kɔlɔsíyɛ̂ŋ 2:1

Mɔ sɛ́ ŋ́kɔŋ ŋɡɔ pʉʉ jí ŋɡɔ ntsɔ ẅí mɔ sɛ́ ḿmɑꞋ ɛ́ tɛn. M mɑꞋ ẅîwɑ́ ntsɔ nǔu tú yʉ́ʉ, mbɑ nǔu tú-pʉɔ-Kɛlístɔ pi pɔ́p Lɑɔdisɛ́, mbɑ nǔu tú pɛcɔ́ pʉɔ-Kɛlístɔ tɛ ńzɑ́ɑ pi pɔ́p ŋ́kɑɑ mɔ́ wɑ́ɑ jʉ́ɔ.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

1 Tɛsɑlɔník 2:5

Pʉʉ sɛ́ ńjí sʉ́Ꞌnɛ ŋɡɔ pɛk ŋ́kɑɑ sẅiŋɛ sẅíŋɛ-lẅɑklɛ pɔ́, ŋ́kɛ́ mbɔɔ cú nu yi pɛk lɔk ńtsɑ́ɑ pii yi ɛ́ ɡʉ kúu pɑɑ pɛk pɔ́. Tɛ Sɛ́ pɔ́ ńjí.

1 Tɛsɑlɔník 2:8

Pɛk kɑ kɔŋ wʉ́ʉ kɔŋnɛ tɛ ńtʉ́ʉ pɑ́Ꞌ ḿbɔ́ pɛk pɔɔ ɡɑ́ pɔ ndɑꞋ Ŋkʉʉ Sʉ́Ꞌnɛ nu-Sɛ́ mbɔ̌ pʉʉ pɔ́, pɑ́Ꞌ mbɔ pɛk pɛn ŋ́ɡɑ́ mbɑ tú yɛ́k, mbíꞋŋɡɔ ɛ́ kɑ ɡɔ́ ḿbɔ́, mbɔ pʉʉ tsʉ́Ꞌ yúu-tʉʉndɛn mbɔ̌ pɛk.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

Filɛmɔ̂ŋ 1:12

N túu wɛ́ ŋɡɔ ɑ pɛn nzʉʉ ńtsɛ́t wú. A pɑ́Ꞌɑ ḿbɔ́ tʉ́m yɑ́ɑ.

Filɛmɔ̂ŋ 1:20

Mɔ́ɔmɑ́ mɔ, sɛ́sẅíi lɔk lík-Tsɑpʉɔ ŋ́ɡɛ yúu mi mɔ sɛ́ ńdɔ́ɔ mbɔ̌ ɡu. Lɔk pɑ́Ꞌ pûu lɑtnɛ mbʉʉ nǔu Kɛlístɔ, ḿbɔ́tnɛ tʉ́m yɑ́ɑ.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?