Filipɛ 1:7 - Kɑɑ Fí

⁷ Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

Filipɛ 1:7 Kruisverwysings

ŊwɑꞋnɛ-Gɑŋntúu Yɛ́su Kɛlístɔ 20:23

Lɑ́ mɔ ḿbɔ́ ŋ́kúu tsɛt yɛ́tɛ́ tʉ́sɔŋ lɑ́, Zẅikŋɛ Lɛ́ɛnɛ́nɛ sẅíi wɑ́ɑ ŋɡɔ ŋ ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ mbɑ tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 21:33

A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»

1 Kɔlɛ̂ŋtɛ 13:7

Ŋu ẅí ɑ kɔŋnɛ ŋu mɛsɔŋ, ŋu fɑɑnɛ pɔ yɛ́tɛ́ nu mbɔ̌ wɛ́ lɑ́, ɑ likŋɛ likŋɛ́nɛ, ɛ́ ɡʉ nǔu mbɑ kʉ̈ɔ́ lɑ́ ɑ zɑ́p tʉ́m yɛ́ pɔ nǔu Sɛ́, ńnɑ́ŋ ḿbɔ́ ńzẅíꞋlɛ yɛ́ pɔ ŋɡɔ mbɑ kʉ̈ɔ́ lɑ́ ɡʉ ŋ́ɡɛ ńdẅiklɛ pɔ sʉ́Ꞌnɛ, ɑ jʉ́ɔ ŋɡʉ̈ɔ́Ꞌ ŋɡɔ́ku ɔɔ ḿpfú pɔ míꞋlɛ.

1 Kɔlɛ̂ŋtɛ 9:23

Ŋ ɡɛ yîyɑ́ ŋɡɔŋ nu tsʉʉ pɔ pɑ́Ꞌ Ŋkʉʉ Sʉ́Ꞌnɛ ɡʉ ɛ́sɑt zʉꞋ, mbɑ pɑ́Ꞌ mɔ sɛ́ ńzẅíꞋlɛ yɑ́ɑ yúu sʉ́Ꞌnɛ yi ɛ́ fúnɛ nǔu Ŋkʉʉ Sʉ́Ꞌnɛ lɑ́.

2 Kɔlɛ̂ŋtɛ 3:2

Pʉʉ wɑ́ pɔ́nɛ yɛ́k ŋwɑꞋnɛ, mbɔ pɛ́ kɑ ŋwɑꞋnɛ tsɛt tʉ́m pɛk, pʉɔ pɛtsʉʉ sɛ́ ńjí ḿbɛn ḿbɔ́ ɛ́fúŋ,

2 Kɔlɛ̂ŋtɛ 7:3

Ŋ kɛ́ ḿbɔɔ ńcú pɑ́Ꞌɑ ńdɔk ńcú ŋɡɔ pʉʉ fɑɑnɛ yɛcɔ́ nu pɔ́. Mɔ ńzɛɛ mɔ́ ńdɑ́Ꞌ ɛ́sẅíi wʉ́ʉ ŋɡɔ, nu yʉ́ʉ ɛ́ tsɛt tʉ́m pɛk. Pɛk zúꞋ pɛkŋɛ pɔ́nɛ pɔ nǔu tɑ́Ꞌ nɔɔ, kɛ pɛkŋɛ sɛ́ ńzúꞋ pɔ sʉ́Ꞌnɛ ɔɔ, kɛ pɛkŋɛ pɔ́ pɔ ntsu nɛvú ɔ́ɔ.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Ɛ́fɛ̂zɛ 6:20

Mɔ mɑ́ntúu nɛcẅi ẅîwɑ́ Ŋkʉʉ, tɛ mbɑ pɑ́Ꞌ mɔ pɔ ndɑ́tsɑ́ŋ lɑɑ. Pʉʉ cɛꞋlɛ Sɛ́ ŋɡɔ ŋ ɡẅɛɛ sʉk nɛlɔk ńcú pɑ́Ꞌ ɛ́ sɛ́ ḿbíkŋɛ ŋɡɔ n cú.

Filipɛ 1:12

Pɔ́ɔpɛ́mɑ́, pʉʉ jí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ, ɛ́ kɑ ɡɛ ŋɡɔ Ŋkʉʉ Sʉ́Ꞌnɛ kẅiꞋ ɛ́sɑt pɔ zʉꞋ,

Filipɛ 1:13

lɑ́ pɑlʉ̈ɔ́Ꞌntsɔ pi pɔ́p pyɛ́pnɛ njɛ́Ꞌ ŋɡɔ́mnɑɑ ŋ́ɡɛ pʉɔ tsʉʉ sɛ́ ńjí ŋɡɔ mɔ ndɑ́tsɑ́ŋ pɑ́Ꞌɑ ntɛ́ pɔ nu-Kɛlístɔ.

Filipɛ 1:14

Ŋ kɑ pɔ́ tɛ ŋ́kúu tsɑ́ŋ, nɛlʉ́m pɔ́ɔpɛ́mɑ́ jʉ́ɔ pɔ́Ꞌɔ, ŋ́kẅiꞋ ńzɑ́p tʉ́m yɔ́p nǔu Tsɑpʉɔ. Lɑ́ pɔ́p sɛ́ ɛ́sʉk ɛ́sẅíi nu-Sɛ́ ŋkɔ̂ɔnɛ kɛ́ pɔ́k.

Filipɛ 1:5

ńtsɑ́ɑtɛ pɔ́Ꞌɔ, mbíꞋ yʉ́ʉ yúu mi pʉʉ ɡɛnɛ nɛlɔk ńcẅɛ́lɛ wɑ́ɑ, ńdɔk Ŋkʉʉ Sʉ́Ꞌnɛ-Yɛ́su Kɛlístɔ ɛ́sɑt zʉꞋ. Ɛ́ yi pʉʉ ɡɛnɛ tɛ ɛ́fú lɛ́Ꞌ yi pʉʉ kɑ pɛ́mnɛ Ŋkʉʉ Sʉ́Ꞌnɛ ŋ́ɡʉ ŋ́kúu lɔ́Ꞌnɛ.

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

Filipɛ 4:14

Tɛ mbɑ pɔ́Ꞌɔ, pʉʉ kɑ ɡɛ sʉ́Ꞌnɛ nɛcẅɛ́lɛ́ wɑ́ɑ nǔu ŋkɔ̂ɔnɛ yi mɔ sɛ́ ńjʉ́ɔ ŋɡʉ̈ɔ́Ꞌ lɑɑ.

Filipɛ 4:15

Pʉʉ pʉɔ-Filipɛ, pʉʉ sɛ́ ńjí sʉ́Ꞌnɛ ŋɡɔ pʉʉ zɛ́nɛ pʉʉ kɑ kɛ́nɛ ńcẅɛ́lɛ wɑ́ɑ, ŋkɑ́ yi ŋ kɑ fúnɛ tsɛt ŋɡɔŋ wʉ́ʉ Mɑsɛndwɑn ŋ́ɡʉ, nɛjúk ńnɛn ńcẅi Ŋkʉʉ Sʉ́Ꞌnɛ. Ɛ́ kɑ pɔ́ ŋkɑ́ yi pɛ́ kɑ pɛ́t ńzɛ zɛnɛ nɛcẅi Ŋkʉʉ Sʉ́Ꞌnɛ, yɛcɔ́ cúꞋlɛ-pʉɔ-Kɛlístɔ ndɛꞋ ŋkɑɑ zɑ́p pɔ́ nǔu fɑꞋ yɑ́ɑ pɔ́, mbɔɔ jí yúu mi ɛ́ sɛ́ ńjɑ́k wɑ́ɑ pɔ́, ḿbɛn mbɔɔ jí yi fɑꞋ yɑ́ɑ sɛ́ ŋ́ɡɑ́ pɔ́.

Filipɛ 4:3

Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

1 Tɛsɑlɔník 5:5

Pʉʉ pɛtsʉʉ zɛɛ ḿbɔ́ pɔ pʉɔ pi pɔ́p nɛnnɛ nǔu zʉꞋ yi ɛ́ yi kyɛꞋnɛ, ḿbɔ́ pʉɔ pi pɔ́p nɛnnɛ pɔ nɛnɛm. Pɛkŋɛ kɑ́ pɔ́ pʉɔ pi pɔ́p nɛnnɛ nɛtúꞋ pɔ́, ŋ́kɛ́ ḿbɔɔ pɔ́ pʉɔ pi pɔ́p nɛnnɛ nɛ́ nzɛ́nzʉ́ʉ pɔ́.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

Filɛmɔ̂ŋ 1:13

N jʉ́ɔ ŋɡɔ ɛ́ ḿbɔ́ ḿbɔŋ ŋɡɔ ɑ pɔ́ pɔ nɛjɔ́ŋ mɔ, ḿbɔ́ ɛ́fɑꞋ fɑꞋ yi ɔ pɛ́Ꞌnɛ ḿbɔ́ zɑ́Ꞌnɛ, mbɔ ɔ fɑꞋ, nǔu ŋkɔ̂ɔnɛ yi mɔ nǔu mɛŋkʉ ntɛ́ Ŋkʉʉ sʉ́Ꞌnɛ lɑɑ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

2 Pyɛ̂ 1:13

Lɑ́ ŋ kwɑŋɛ ŋɡɔ ŋkɑ́ yi m bɛ́t ntʉʉ lɑɑ, mɔ ŋ́kɛ́ ḿbɔ́ kẅíitɛ wʉ́ʉ nɛ́ mɔnɛ mɛnu kẅíitɛ́nɛ, ɛ́ lɔk jʉɔmɛ wʉ́ʉ.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.