Filipɛ 1:26 - Kɑɑ Fí

²⁶ Pɔ́Ꞌɔ lɑ́, mɔ ŋ́ɡɛ ḿbɛn tɛ ḿbɔ́ tsɛtsɛt pʉʉ, pʉʉ lúꞋnɛ wɑ́ɑ ŋ́kẅiꞋ ŋ́ɡẅɛɛ tsɑ́ɑtɛ yí ɛ́ fúnɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Yɛ́su Kɛlístɔ.

Filipɛ 1:26 Kruisverwysings

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

Jɑ̂ŋ 16:24

Lɑ́ ŋ́kúu ŋkɔ̂ɔnɛ, pʉʉ ŋkɑɑ zɛɛ ńdɔk lík yɑ́ɑ ńdɔ́ɔ yɛcɔ́ yúu mbɔ̌ Sɛ́ pɔ́. Pʉʉ lɔ́ɔ ɑ ɡɑ́ mbɔ̌ pʉʉ, tsɑ́ɑtɛ niitɛ ńdúu tsɛt tʉ́m yʉ́ʉ.

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

2 Kɔlɛ̂ŋtɛ 5:12

Pɛk kɑ́ pɔ́ pɑ́Ꞌɑ lɑ ḿbɛn ḿbɔ́ ńdɔɔ nɛsẅíi wʉ́ʉ nɛ́ pʉɔ pi pɛk pɛ́tɛ́ pɔ́, pɛk ɡɑ́ wʉ́ʉ pɔ nɛ́ shʉ́ pɑ́Ꞌ ḿbɔ́ pʉʉ kwɑŋɛ wɛ́k, nu yɛ́k pɔŋ wʉ́ʉ pɔŋnɛ. Ɛ́ lɛɛ pɔ́Ꞌɔ, pʉʉ jí nɛtsɔ́Ꞌ nu mbɔ̌ pʉɔ pi pɔ́p sɛ́ ńdɔk yúu mi ɛ́ pɔ́ pɔ nzɛmpíi ŋ́ŋɑ́Ꞌlɛ, lɑ́ mbɔ pɔ́p ḿbɔ́ ŋ́ɡʉ ńdɔk pɔ mi ɛ́ pɔ́ pɔ tsɛt tʉ́m pɔ́p ŋ́ŋɑ́Ꞌlɛ.

2 Kɔlɛ̂ŋtɛ 7:14

Ɛ́ ɡɔ́ ḿbɔ́, mbɔ ŋ kɑ tʉ́ʉ mbi Titɛus ńnɑ́Ꞌ ńdɔk nu yʉ́ʉ ŋ́kɑꞋtɛ. A pɛn fú lɑ́Ꞌ pʉʉ, sʉ́ʉ kɛ́ mbɔɔ wɑ́ɑ kɔ́. Yúu mi pɛk kɑ pɔ́ ńdɔk nu yʉ́ʉ ŋ́kɑꞋtɛ mbi Titɛus nǔu, ɛ́ kɑ pɛn ńcẅɛt ḿbɔ́ pɔ nu nɛ́nẅín, ndʉ́ŋndʉŋ pɑ́Ꞌ pɛk ńjúknɛ ɛ́sẅíi wʉ́ʉ pɔ nɛ́ nu nɛ́nẅín lɑ́.

2 Kɔlɛ̂ŋtɛ 7:4

Mɔ ńtɛ́m mɔ́ ŋkwɛn yɑɑ ŋ́ɡɑ́ mbɔ̌ pʉʉ, n dɔk pɔ wʉ́ʉ ńtsɑ́ɑtɛ tɛꞋ, m bɛ́t ŋ́ɡẅɛɛ pɔ sʉk tɛꞋ, tsɑ́ɑtɛ tʉ́m mɔ tɛꞋ tɛ mbɑ pɑ́Ꞌ pɛk sɛ́ ńjʉ́ɔ ŋɡʉ̈ɔ́Ꞌ tɛꞋ lɑ́.

2 Kɔlɛ̂ŋtɛ 7:6

Lɑ́, Sɛ́ tuk ŋki-mík mɛ́k pɑ́Ꞌ ɑ tuknɛ ŋki-mík-pʉɔ pi pɔ́p sɛ́ ńdɑɑ. Ɛ́ pɔ́ pɑ́Ꞌ ɑ kɑ ɡɛnɛ Titɛus lutnɛ ńtɔ́ ńjʉ́ɔ wɛ́k.

Ŋɡɑlɑ̂t 6:4

Mbɑ wɔ̌ lɑ́ tsuŋ ńtsɑꞋ kwɑꞋ mɛ́ mɛfɑꞋ. A lɑɑ ńtsɑꞋ, ńjʉ́ɔ ŋɡɔ ḿbɔ́ nu pɔŋ wɛ́ nǔu, mbɔ ɛ́ píkŋɛ ŋɡɔ nu ɡɔ́ ḿbɔŋ wɛ́ mbíꞋ pɔ ŋɡɔ ɛ́ kwɑꞋ mɛfɑꞋ mɛ́. Tɛ ɛ́ pɔɔ pɔ́ ŋ́ɡɔ́ ḿbɔŋ wɛ́ mbíꞋ pɔ pɑ́Ꞌ ɑ lʉŋtɛ mîmɑ́ mɛfɑꞋ nǔu mɛ́ pɛcɔ́ pʉɔ pɔ́,

Filipɛ 3:1

Ɛ́ nǔu ŋkɔ̂ɔnɛ, mbɑ̌ɑ pɔ́ɔpɛ́mɑ́ pɑ́ɑ, pʉʉ tsɑ́ɑtɛ tsɑ́ɑtɛ́nɛ ntɛ́ Tsɑpʉɔ. Ɛ́ lɑɑ ḿbɔ́ m bɔɔ kɑ́ɑ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nɛlɔk ŋ́kẅíitɛ wʉ́ʉ nɛ́ yúu mi ŋ kɑ zɛɛnɛ ńcú mbɔ̌ pʉʉ pɔ́. Ɛ́ ɡʉ ḿbyɛ́p wʉ́ʉ nɛvu nǔu ɡwɑk.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 4:10

Tsɑpʉɔ sɛ́ ŋ́ɡɛ n tsɑ́ɑtɛ tɛꞋ, mbíꞋŋɡɔ pʉʉ pɛn ŋ́ɡẅɛɛ shʉ́ nɛnyɛt ŋɡɔ pʉʉ sɛ́ ŋ́kẅíitɛ wɑ́ɑ. Pʉʉ kɑ zɛɛ ḿbɔ́ ŋ́kẅíitɛ wɑ́ɑ kẅíitɛ́nɛ lɑ́ ńjɑ́k sɛ̂ndúŋ nɛlɔk ńcẅɛ́lɛ́ wɑ́ɑ.

Filipɛ 4:4

Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.