Ɛ́fɛ̂zɛ 4:4 - Kɑɑ Fí

⁴ Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Ɛ́fɛ̂zɛ 4:4 Kruisverwysings

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 15:11

Yúu mi pɛkŋɛ pɛ tsʉʉ sɛ́ ńniitɛ ńjí, ɛ́ pɔ́ pɔ ŋɡɔ pɛkŋɛ kɑ ɡɔ́ ńduk, ńtẅɛꞋ pɔ pɑ́Ꞌ Tsɑpʉɔ Yɛ́su ɡɑ́nɛ fuꞋ níinɛ yɛkŋɛ. Ɛ́ pɔ́ pɔ ndʉ́ŋndʉŋ pɑ́Ꞌ ɛ́ lɛɛnɛ pɔ́Ꞌɔ, lɑ pɔ́p luk yɔ́p.»

Pʉɔ-Lɔ́mɑ 11:29

Ɛ́ pɔ́Ꞌɔ, mbíꞋŋɡɔ Sɛ́ kɑ́ lɔk yúu ŋ́ɡɑ́ fuꞋ-ŋu ḿbɛn ńcẅɛ́ɛ pɔ́, ŋ́kɛ́ ḿbɔɔ cú ŋɡɔ ɑ fúŋ ŋu ḿbɛn ŋ́kúpmɛ nu yi ɑ cúnɛ pɔ́.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

1 Kɔlɛ̂ŋtɛ 12:20

MɛzʉꞋ-mbʉʉ zɛɛ ńzɑ́ɑ tɛꞋ lɑ́ ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ.

2 Kɔlɛ̂ŋtɛ 11:4

N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

Ɛ́fɛ̂zɛ 2:16

Pɑ́Ꞌ pɛkŋɛ ńtsʉ́Ꞌnɛ tɑ́Ꞌ nɔɔ lɑ́, ɛ́ lɔk ńcú ŋɡɔ mbuu yí ɛ́ kɑ pɔ́nɛ tsɛtsɛt mɛnɔɔ mɛkŋɛ ɛ́ kɑ kɛ́mɔ́ ḿmɛ. Ɛ́ kɑ fú pɔ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ńdɔk ŋ́ɡɛ mbuu ẅí ɛ́ kɑ pɔ́nɛ tsɛtsɛt mɛnɔɔ mɛkŋɛ pɛ́ Sɛ́ mɛ. Pɛkŋɛ pɛtsʉʉ tsʉ́Ꞌ ḿbɔ́ pɔ pʉɔ-Sɛ́. Yɔ yúu mi ɛ́ kɑ mɛknɛ mbuu ẅí ɛ́ kɑ pɔ́nɛ tsɛtsɛt pɛkŋɛ.

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 2:22

Pʉʉ yʉ́ʉ nɛ́ pɛcɔ́ pʉɔ, pʉʉ lɔk pɔ pɑ́Ꞌ pʉʉ lɑtnɛ mbʉʉ yʉʉ nǔu Kɛlístɔ, lɑ ḿbɔ́ yɛcɔ́ ɡúŋ-ndɑ́ ɛ̂yɑ́, ńdɔk ḿbɔ́ ndɑ́ yi pɛ́ sɛ́ ḿbɔ́ɔ, ɛ́ pɔ́ zʉꞋ yi Sɛ́ nɑ́ŋnɛ zúꞋu, lɑ́ Zẅikŋɛ yɛ́ pɔ́nɛ zúꞋu.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

1 Timɔtɛ́ɛ 1:1

Yɔ ŋwɑꞋnɛ ɛ́ ŋwɑꞋnɛ mɔ Pɔ̂l, ŋɡɑŋntúu-Yɛ́su Kɛlístɔ. Mɔ ŋɡɑŋntúu-Yɛ́su mbíꞋŋɡɔ Sɛ́ pɔ́p Yɛ́su kɑ zɑ́pnɛ ŋɡɔ m bɔ́ wɛ́tɛ́. Jʉ́ Sɛ́ ɡɛnɛ pɛkŋɛ luk, Yɛ́su Kɛlístɔ sɛ́ ŋ́ɡɛ yɛ́ ŋɡɔ mbɑ kʉ̈ɔ́ lɑ́ yi pɛkŋɛ sɛ́ ńzẅíꞋlɛ mbɔ̌ Sɛ́ puutɛ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Tîtɛ 3:7

A kɑ níꞋ pɑ́Ꞌɑ nɛpɔ́ yi pɛkŋɛ ɡʉ ńdɛɛ nǔu pɔŋ tʉ́m yɛ́, ńtsʉ́Ꞌ pʉɔ ndʉ́ŋndʉŋ ŋ́ɡẅɛɛ luk kɛ́mɛ pɑ́Ꞌ pɛkŋɛ nɑŋ ḿbɔ́ ńzẅíꞋlɛ lɑ́.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.