Ɛ́fɛ̂zɛ 4:1 - Kɑɑ Fí

¹ Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Ɛ́fɛ̂zɛ 4:1 Kruisverwysings

ŊwɑꞋnɛ-Gɑŋntúu Yɛ́su Kɛlístɔ 9:31

Ɛ́ pɔ́ ŋkɑ́ yîyɑ́, ŋɡɔŋ pɑpɛ́m Yɛ́su tsʉʉ nɑ́ŋ tsɛt mɔ́fíitɛ. Pɛ́ pɔɔ pɛn ŋ́ɡɑ́ɑnɛ wɔ́p nǔu pɑk-ŋɡɔŋ-Judɛ̂ pɔ́. Tɛ mbɑ tsɛt pɑk-ŋɡɔŋ-Ŋɡɑlilɛɛ tɛ mbɑ Sɑmɑlîi. Pɔ́p pɛtsʉʉ pɔ́ ńtɔ́ɔtɛ mɛmbʉʉ mɔ́p, ŋ́kẅiꞋ ńtɛntɛ, ḿbɔ́ ńzúꞋ ntsu-Tsɑpʉɔ. Zẅikŋɛ-Sɛ́ pɛn ḿbɔ́ ńtɔ́ɔtɛ wɔ́p, ḿbɛn ŋ́ɡɛ ndɛn wɔ́p kẅiꞋ ńzɑ́ɑ.

Pʉɔ-Lɔ́mɑ 11:29

Ɛ́ pɔ́Ꞌɔ, mbíꞋŋɡɔ Sɛ́ kɑ́ lɔk yúu ŋ́ɡɑ́ fuꞋ-ŋu ḿbɛn ńcẅɛ́ɛ pɔ́, ŋ́kɛ́ ḿbɔɔ cú ŋɡɔ ɑ fúŋ ŋu ḿbɛn ŋ́kúpmɛ nu yi ɑ cúnɛ pɔ́.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

1 Kɔlɛ̂ŋtɛ 4:16

Pɔ́Ꞌɔ lɑ́, n dɔk ńcú mbɔ̌ pʉʉ ŋɡɔ, pʉʉ pɛ́ɛ fʉꞋ nǔu mɔ.

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 4:12

Pɔ́ɔpɛ́mɑ́ pɑ́ɑ, m búꞋ mbɔ́ mbɔ̌ pʉʉ tɛꞋ, ŋɡɔ pʉʉ ɡʉ nǔu mɛnu nɛpʉ́ʉ ḿbɛ́ɛ fʉꞋ nǔu mɔ. Ɛ́ ɡʉ nǔu, mbɔ ŋ kɑ tsʉ́Ꞌ pɑ́Ꞌ pʉʉ kɑ pɔ́nɛ. Ɛ́ kɑ pɔ́ ŋkɑ́ yi ŋ kɑ pɔ́nɛ tsɛtsɛt pʉʉ ḿbɔ́ ɛ́sẅíi wʉ́ʉ nɛ́ nu Sɛ́, pʉʉ kɛ mbɔɔ ɡɛ nu kɛpɔŋ nǔu mɔ pɔ́.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 3:14

Mɔ sɛ̂ndúŋ ŋ́kʉɔ pɔ ndʉ́ɔlɛ́ nɛkúu zʉꞋ yi ŋ ɡʉnɛ zúꞋu ńcẅɛ́ɛ tsɔ́ꞋfɑꞋ yi Sɛ́ kɑ kɑꞋnɛ nɛɡɑ́ mbɔ̌ pɛkŋɛ tʉ́nɛ́pú. Yîyɑ́ tsɔ́ꞋfɑꞋ pɔ́ nɛpɔ́ nɛjɔ́ŋ Yɛ́su tʉ́nɛ́pú.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 2:6

Pɑ́Ꞌ pʉʉ kɑ pɛ́m mɔ́ ŋɡɔ Yɛ́su Kɛlístɔ Tsɑpʉɔ wʉ́ʉ lɑ́, ɛ́ sɛ́ ḿbíkŋɛ ŋɡɔ wʉ́ʉ nɛnɑ́ŋ pɔ́ pɑ́Ꞌ ɑ sɛ́ ŋ́kɔŋ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

Tîtɛ 2:10

ŋɡɔ kɔɔ pɔ́p jʉ̈ɔ yúu-pʉɔ pi pɔ́p ɡẅɛɛnɛ wɔ́p. Tɛ ńtsʉ́Ꞌ pɔ́Ꞌɔ, pɔ́p nyɛt ŋɡɔ pɔ́p pʉɔ mbɔ pɛ́ nɑ́ nzʉʉ mbɔ̌ pɔ́p. Pɔ́p lɑɑ ŋ́ɡɛ pɑ́Ꞌɑ, mbɔ pʉɔ ɡʉ sẅiŋɛ sʉ́Ꞌnɛ nǔu mɛnu mi pɛkŋɛ zíꞋnɛ nǔu Sɛ́ ẅi ɑ ɡɑ́nɛ luk.»

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

1 Pyɛ̂ 2:11

Pɛsúu pɑ́ɑ pɛ́ tʉʉndɛn, pʉʉ ndǔ tsɛ́tsɑ́Ꞌ zɑ́Ꞌnɛ ḿbɔ́ pɔ pɑlɛɛndúŋ, ḿbɛn ḿbɔ́ pɔ pɛɡʉʉ. Yúu mi ɛ́ ɡɛnɛ m bɔ́ ɛ́sẅíi wʉ́ʉ ŋɡɔ kɔɔ pʉʉ nɑ́ tɛ mbʉʉ yʉʉ tsʉ́ʉnɛ wʉ́ʉ nɛɡɛ yúu mi ɛ́ ŋ́kɔŋnɛ, mbíꞋŋɡɔ ɛ́ pɔ́Ꞌɔ, ḿbɔ́ ńdʉ̈ɔꞋ tʉ́m yʉ́ʉ nɛ́ ntsɔ.

1 Pyɛ̂ 3:9

Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

2 Jɑ̂ŋ 1:5

Tʉʉndɛn Mɑ́ pɛ mbɔ́ŋkʉ̈ɔ́, yúu mi mɔ sɛ́ ḿbíkŋɛ mbɔ̌ ɡu ŋkɔ̂ɔnɛ ɛ́ pɔ́ ŋɡɔ pɛkŋɛ ɡẅɛɛ ŋkɔŋɛ tsɛtsɛt pɛkŋɛ, yɔ kɛ mbɔɔ pɔ́ pɔ nɛcɔ́ nɛpʉ́ʉ nɛ fí ni ŋ ŋwɑꞋnɛ́nɛ ŋ́ɡɑ́ mbɔ̌ ɡu pɔ́, ɛ́ nɛpʉ́ʉ ni pɛkŋɛ ɡẅɛɛnɛ tɛ ɛ́fú nzɛnɛ.