Kɔlɔsíyɛ̂ŋ 2:5 - Kɑɑ Fí

⁵ N zɛɛ ḿbɔ́ pɔ ŋɡɑ sɛsɑ, lɑ́ kwɑŋɛ yɑ́ɑ tʉ́ʉ pɔ nǔu pʉʉ. Mɔ sɛ́ ńtsɑ́ɑtɛ mbíꞋŋɡɔ n jí ŋɡɔ pʉʉ sɛ́ ńniitɛ mɛnu mʉ́ʉ sʉ́Ꞌnɛ, ḿbɛn ŋ́kúꞋlɛ nu-Kɛlístɔ tɛ ɛ́ tɛn.

Kɔlɔsíyɛ̂ŋ 2:5 Kruisverwysings

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.

1 Kɔlɛ̂ŋtɛ 14:40

Lɑ́ pɛ́ lɔk pɔ mbɔ́tnɛ ŋ́ɡɛ mbɑ kʉ̈ɔ́ lɑ́, kɔɔ ŋu nʉŋ ŋ́ɡwɛ́tnɛ ŋkɑŋ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 16:13

Kɔɔ pʉʉ mɛꞋ mbʉʉ yʉʉ ńdɛ́, pʉʉ zɑ́p tʉ́m nǔu Sɛ́ kɛ́ kɑ́ɑ, pʉʉ pɔ́ɔ mbɛ́ɛnɛ, pʉʉ tɛntɛ tɛntɛ́nɛ.

Kɔlɔsíyɛ̂ŋ 2:1

Mɔ sɛ́ ŋ́kɔŋ ŋɡɔ pʉʉ jí ŋɡɔ ntsɔ ẅí mɔ sɛ́ ḿmɑꞋ ɛ́ tɛn. M mɑꞋ ẅîwɑ́ ntsɔ nǔu tú yʉ́ʉ, mbɑ nǔu tú-pʉɔ-Kɛlístɔ pi pɔ́p Lɑɔdisɛ́, mbɑ nǔu tú pɛcɔ́ pʉɔ-Kɛlístɔ tɛ ńzɑ́ɑ pi pɔ́p ŋ́kɑɑ mɔ́ wɑ́ɑ jʉ́ɔ.

1 Tɛsɑlɔník 2:17

Ɛ́ ɡʉ nǔu pɛk, mbɑ pɔ́ɔpɛ́mɑ́, tɛ fúnɛ pɑ́Ꞌ pɛkŋɛ kɑ fyɑkŋɛ́nɛ, tɛ pɛkŋɛ pɔɔ ḿbɛ́t ńjʉ́ɔnɛ nǔu mɛshʉ́ pɔ́, lɑ́ ŋ́kɛ́ ŋ́ɡẅɛɛ pɔ tɑ́Ꞌ kwɑŋɛ lɑ́, pɛk lɔɔ shʉ́ tɛꞋ nɛpɛn ńtɔ́ pɛkŋɛ jʉ́ɔnɛ nǔu mɛshʉ́, mbíꞋŋɡɔ nji yʉʉ sɛ́ ńzɑ́ŋ wɛ́k tɛꞋ.

1 Tɛsɑlɔník 3:8

Ɛ́ ŋkɔ̂ɔnɛ, pɛk zúꞋ ɛ́ pɔŋ, mbíꞋŋɡɔ pʉʉ ŋkɑɑ kɑ́ɑ nɛpɔ́ pɔ nzʉʉ Tsɑpʉɔ pɔ́,

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 6:19

Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

1 Pyɛ̂ 5:9

Pɔ́Ꞌɔ lɑ́, pʉʉ zɑ́p tʉ́m yʉ́ʉ nǔu Sɛ́, ŋ́kẅiꞋ ńtɛntɛ, ńdʉꞋ Sɑ́ttɑ, ḿbɔ́ ńjí ŋɡɔ pɔ́ɔpɛ́mɑ́ pʉʉ ndǔmbí ḿbɔ́ ńjʉ́ɔ pɔ ntɛ́ ŋɡʉ̈ɔ́Ꞌ yi pʉʉ jʉ́ɔnɛ.