ŊwɑꞋnɛ-Gɑŋntúu Yɛ́su Kɛlístɔ 15:3 - Kɑɑ Fí

³ Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 15:3 Kruisverwysings

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 13:52

Ɛ́ kɛ ŋ́ɡʉ nǔu pʉɔ-Kɛlístɔ pɛ́ Antíyɔshɛ, pɔ́p tsʉ́Ꞌ tʉ́sɔŋ ɛ̂wɑ́, Zẅikŋɛ Lɛ́ɛnɛ́nɛ jʉ́ wɔ́p, pɔ́p nɑ́ŋ tsɛt tsɑ́ɑtɛ.

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 15:1

Pɛcɔ́ pʉɔ ɡɛ ɛ́fú Judɛ̂, ńtɔ́ Antíyɔshɛ, ńzɛ nɛzíꞋ pʉɔ-Kɛlístɔ ŋɡɔ Sɛ́ lɑɑ ḿbɔ́ ɑ pɔɔ ɡɛ pɔ́p luk kɛ́ pɔ́ yi pɛ́ púꞋ wɔ́p pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 15:32

Pɑ́Ꞌ Jẅidɛ pɔ́p Sílɑs ḿbɔ́nɛ pʉɔ pi pɔ́p nɑ́ŋnɛ ńcẅi Ŋkʉʉ ẅi ɛ́ fúnɛ mbɔ̌ Sɛ́ lɑ́, pɔ́p pɛ́ pɔ́p pɛn sẅiŋɛ pɑ́ꞋtɛꞋ. Pɔ́p niitɛ ńníꞋ mɛtʉʉ mɔ́p, ńtɔ́ɔtɛ wɔ́p pɔ́p tɛntɛ.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 17:15

Pʉɔ pí pɔ́p kɑ ɡʉnɛ ńcɑklɛ Pɔ̂l lɔk wɛ́ ŋ́ɡʉ tɛ ŋ́kúu Atɛ̂n, ŋ́ɡɔ ḿbɛn nzʉʉ, Pɔ̂l cú mbɔ̌ pɔ́p ŋɡɔ pɔ́p ɡɛ Sílɑs pɔ́p Timɔtɛ̂ɛ fɛ́Ꞌnɛ ńtɔ́ ŋ́kẅɛ́ɛtɛ wɛ́ tʉ́sɔŋ-Atɛ̂n.

ŊwɑꞋnɛ-Gɑŋntúu Yɛ́su Kɛlístɔ 20:38

Pɔ́p mʉk tɛꞋ mbíꞋŋɡɔ ɑ kɑ cú mbɔ̌ pɔ́p ŋɡɔ: «Pʉʉ kɛ́ ɡɛ ḿbɛn ńjʉ́ɔ shʉ́ wɑ́ɑ pɔ́.» Pɔ́p ɡɛ pɔ́Ꞌɔ, ŋ́ɡʉ ńcɑklɛ Pɔ̂l ntsu-mɑ́mɑ́ kɑnúꞋ pɑ́Ꞌ ɑ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 28:15

Ɛ́ ɡɔ́ ḿbɔ́, mbɔ pɛk kɑ pɔ́ ńtɔ́ pɔ́ɔpɛ́mɑ́ pi pɔ́p tʉ́sɔŋ-Lɔ́mɑ zúꞋ, ńcẅɛt ńtɔ́ ńzɑ́Ꞌ wɛ́k. Pɛcɔ́ zɑ́Ꞌ wɛ́k ndǔ Mɛtɑ́ɑ-Apíyus, pɛcɔ́ zɑ́Ꞌ wɛ́k zʉꞋ yi pɛ́ fúŋnɛ ŋɡɔ Mɛndɑ́ Mɛ́ntɑ́t mi ɛ́ mɛ́ pɛɡʉʉ. Pɔ̂l kɑ pɔ́ tɛ ńjʉ́ɔ pɔ́ɔpɛ́mɑ́, ŋ́ɡɛ́mtɛ Sɛ́, ḿbɛn sʉk.

ŊwɑꞋnɛ-Gɑŋntúu Yɛ́su Kɛlístɔ 8:14

Gɑŋntúu-Yɛ́su ɡɛ ńnɑ́ŋ Yɛlúsɑlɛm, ńzúꞋ pɑ́Ꞌ pʉɔ-Sɑmɑlîi pɛ́mnɛ sẅíŋɛ-Sɛ́, ńtúu Pyɛ̂ pɔ́p Jɑ̂ŋ mbɔ̌ pɔ́p.

Pʉɔ-Lɔ́mɑ 15:24

Mɔ sɛ́ ńjʉ́ɔ ŋkɔ̂ɔnɛ ŋɡɔ mɔ ŋ́ɡɔ́ ŋ́ɡʉ Ɛspɑ̂nɛ, ńtɔ́ lɑ́Ꞌ pʉʉ. Mɔ sɛ́ ńzɛɛ ńtsɑ́ɑ nɛɡɔ́ ńdɛɛ, ńjʉ́ɔ wʉ́ʉ, pʉʉ cẅɛ́lɛ́ wɑ́ɑ nɛɡʉ zúꞋu. Ɛ́ ɡʉ ŋ́ɡɛ ḿbɔ́ ŋɡɔ́ku ɔɔ pɛkŋɛ ɡɛ ńtɛmtɛ ńnɑ́Ꞌ ńnɑ́ŋ mɔ́zʉꞋ.

1 Kɔlɛ̂ŋtɛ 16:11

Pɔ́Ꞌɔ lɑ́, kɔɔ ŋu ɡwɑ́k wɛ́. Pʉʉ ɡɑ́ wɛ́ nɛ́ shʉ́ pɑ́Ꞌ ɑ ɡʉ ŋ́ɡɔ ḿbɛn ŋ́kẅɛ́ɛtɛ wɑ́ɑ, ńnɛn ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ńzẅíꞋlɛ wɛ́ pɑ́Ꞌ pɔ́p pɔ́ɔpɛ́mɑ́ ɡʉ ńtɔ́.

1 Kɔlɛ̂ŋtɛ 16:6

Líkcɔ́ mɔ ŋ́ɡɛ ńnɑ́Ꞌ ńdɑ́ɑtɛ lɑ́Ꞌ pʉʉ, líkcɔ́ ŋ ɡɛ ńnɑ́ŋ tɛ ŋkɑ́-mbʉŋ lɑ́Ꞌ ḿmɛ, pɔ́Ꞌɔ, m bɔ́ tɛ ŋ́kwɑŋɛ zʉꞋ yi ŋ ɡʉnɛ nɛ́ zúꞋu pʉʉ cẅɛ́lɛ́ wɑ́ɑ.

2 Kɔlɛ̂ŋtɛ 1:16

Ŋ kɑ pɔ́ ŋ́kwɑŋɛ nɛɡɔ́ ŋ́ɡʉ Mɑsɛndwɑn ńdɛɛ lɑ́Ꞌ pʉʉ, ḿbɛn ɛ́fú Mɑsɛndwɑn ḿbɛn ńtɔ́ nɛ́ lɑ́Ꞌ pʉʉ, pʉʉ cẅɛ́lɛ́ wɑ́ɑ nɛɡʉ tɛ ŋ́kúu Judɛ̂,

Tîtɛ 3:13

Zɛnɑ́s ẅi ɑ ḿbɛꞋ mɛlɑ́Ꞌ-pʉɔ zʉꞋ-ntsɑŋ, tɛ mbɑ Apɔlɔ́s lɑɑ ŋ́ɡɔ ńcʉ́ɔ sɛ̂ndúŋ nɛnɛn, ɔ lɔɔ shʉ́ ŋ́ɡɑ́ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɔ́p ɡẅɛɛ.