ŊwɑꞋnɛ-Gɑŋntúu Yɛ́su Kɛlístɔ 1:7 - Kɑɑ Fí

⁷ Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ zɛɛ mbɔɔ ɡẅɛɛ nɛjí kɛ ɛ́ ŋkɑ́ pɔ́, kɛ lɛ́Ꞌ yi mîmɑ́ mɛnu ɡʉ ŋ́ɡɛ pɔ́. Tɑ̌ɑ zɛ́nɛ́ jʉ́ kɑ kwɑŋɛ́nɛ ńzɑ́p.

ŊwɑꞋnɛ-Gɑŋntúu Yɛ́su Kɛlístɔ 1:7 Kruisverwysings

Mɑtʉ̈ɔ 20:23

Yɛ́su cú mbɔ̌ pɔ́p ŋɡɔ: «Ɔ́ɔŋ pʉʉ ɡʉ ŋ́ɡɛ ńnɔ́ ntúꞋ yɑɑ. Lɑ́, ŋ́ɡʉ nǔu nɛtsẅíkŋɛ ŋu nǔu ɡúŋ-pɔ́ yɑ́ɑ yɛ tʉʉ kɛ pɔ yɛ ŋkẅɛpmɛ ɔɔ, mbɔ mɔ kɑ́ nɛ́ ɡẅɛɛ nɛɡɑ́ mbɔ̌ ŋu pɔ́. Tɑ̌ɑ mɔ sɛ́ jínɛ pʉɔ pí ɑ kɑ niitɛ́nɛ yîyɑ́ zʉꞋ ńdɔk ḿbyɛ́p wɔ́p.»

Mɑtʉ̈ɔ 24:36

Lɑ́, ɛ́ kɛ́ ŋ́ɡʉ nǔu lɛ́Ꞌ ɛ̂yɑ́, pɔ ŋkɑ́ yi mɔnɛ mɛnu ɡʉ ŋ́ɡɛ ḿbɔ́ ńdɛɛ, mbɑ sɑ̌ɑ ŋu kɛ́ jí tɛ mbɑ pɛcʉ̈ɔ́Ꞌ-Sɛ́ pi pɔ́p tʉ́nɛ́pú, tɛ mbɑ mɔ́ɔ-Sɛ́, ndɑꞋ Tɑ̌ɑ zɛnɛjʉ́ jínɛ.

Mɑ́lɛ́kúshi 10:40

Lɑ́, ɛ́ ɡʉ nǔu nɛtsẅíkŋɛ ŋu nǔu ɡúŋ-pɔ́ yɑ́ɑ yɛ tʉʉ kɛ pɔ yɛ ŋkẅɛpmɛ ɔɔ, mbɔ mɔ kɑ́nɛ ɡẅɛɛ nɛɡɑ́ mbɔ̌ ŋu pɔ́, yîyɑ́ zʉꞋ ɛ́ yɛ́ pʉɔ pi Sɛ́ kɑ niitɛ́nɛ ńdɔk ḿbyɛ́p wɔ́p.»

Mɑ́lɛ́kúshi 13:32

Lɑ́, ɛ́ kɛ́ ŋ́ɡʉ nǔu yîyɑ́ lɛ́Ꞌ, pɔ́p ŋkɑ́ yi mɔnɛ mɛnu ɡʉ ŋ́ɡɛ ńdɛɛ, mbɔ sɑ̌ɑ ŋu kɛ́ jí, tɛ mbɑ pɛcʉ̈ɔ́Ꞌ-Sɛ́ pi pɔ́p tʉ́nɛ́pú, tɛ mbɑ mɔ́ɔ-Sɛ́. NdɑꞋ Tɑ̌ɑ zɛ́nɛjʉ́ jínɛ.

Lúkɑ́shi 21:24

Pɛ́ lɔk mɛníi-ntsɔ ŋ́ɡwɑt pʉɔ, ŋ́ɡẅɛɛ pɛcɔ́, ɛ́sɑt mɛlɑ́Ꞌ mɛlɑ́Ꞌ pɔ́p tsʉ́Ꞌ pɛkwɑɑ. Yɔ ntɛ́ yi pʉɔ mɛlɑ́Ꞌ mi pɔ́p kɑ́ jí Sɛ́ pɔ́, ɡʉ ńdɑ́Ꞌ ḿbuu ɛ́sɑt Yɛlúsɑlɛm pɔ́Ꞌɔ, ńnɔꞋ pʉɔ zúꞋu tɛ yɔ́p ŋkɑ́ lɑ́Ꞌ ḿmɛ.

ŊwɑꞋnɛ-Gɑŋntúu Yɛ́su Kɛlístɔ 17:26

A kɑ fú nǔu tɑ́Ꞌ ŋu wɛ́mɔ́Ꞌ, ŋ́ɡɛ mɛlɑ́Ꞌ mɛlɑ́Ꞌ, nɛlɔk ŋ́ɡɛ ŋɡɔ pʉɔmɛsɔŋ nɑ́ŋ zʉꞋ tsʉʉ ndǔ tsɛ́tsɑ́Ꞌ. Ńzɑ́Ꞌ njí ńzɑ́p mɛkɛm-ŋkɑ́ mɔ́p mbɑ mɛzʉꞋ mi pɔ́p ɡʉ ńdɑ́Ꞌ ńnɑ́ŋ zúꞋu.

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

1 Timɔtɛ́ɛ 6:15

A ɡʉ ŋ́ɡɛ ńtɔ́ nǔu ŋkɑ́ yi Sɛ́ kɑ zɑ́pnɛ. Jʉ́ Sɛ́ ẅí ɑ ɡẅɛɛnɛ mɛtʉʉ tsʉʉ. Jʉ́ pɔ́nɛ ndɑꞋ Sɛ́, ńnɑ́ŋ pɔ tsɛt tsɑ́ɑtɛ, ḿbɔ́ Fɔɔ ńdɛɛ pɛfɔɔ, ḿbɔ́ Tsɑpʉɔ pɛtsɑpʉɔ,

2 Timɔtɛ́ɛ 3:1

Timɔtɛ̂ɛ Jí ŋɡɔ, ɛ́ ɡʉ ńdɑ́Ꞌ ḿbɔ́ nǔu mɛndẅiknzʉʉ mɛlɛ́Ꞌlɑ́Ꞌ, zʉꞋ tɛn tɛꞋ.