2 Jɑ̂ŋ 1:3 - Kɑɑ Fí

³ Sɛ́ Tɑ́t, mbɑ Yɛ́su Kɛlístɔ ẅí ɑ Mɔ́ɔ-Tɑ̌ɑ pɔ́ mbɔ́ nɛ́ pɛkŋɛ, ḿbɔ́ ńdikŋɛ mɛfɑɑnɛ mɛkŋɛ, ḿbɔ́ ńníꞋ mɔ́fíitɛ tʉ́m pɛkŋɛ pi pɛkŋɛ tʉ́ʉnɛ nǔu nu nɛ́nẅín ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ lɑ́.

2 Jɑ̂ŋ 1:3 Kruisverwysings

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Timɔtɛ́ɛ 1:14

Tsɑpʉɔ wɛkŋɛ Yɛ́su Kɛlístɔ, kɑ ɡɛ nu sʉ́Ꞌnɛ yɛ́ nǔu mɔ tɛ ɛ́ jɛ́Ꞌ. A kɑ ɡɛ n zɑ́p tʉ́m nǔu wɛ́, m bɛn ŋ́kɔŋ pɛcɔ́ pʉɔ. Ɛ́ fú nǔu pɑ́Ꞌ n dɑtnɛ mbʉʉ nǔu wɛ́.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

2 Timɔtɛ́ɛ 1:13

Timɔtɛ̂ɛ, pɛ́ɛ fʉꞋ nǔu sẅiŋɛ yi ɔ kɑ zúꞋnɛ ntsu mɔ ɛ́ pɔ́ nɛ́nẅín. Zɑ́p tʉ́m yú nǔu Sɛ́, ŋ́kɔŋ pʉɔmɛsɔŋ mbíꞋ pɑ́Ꞌ pɛkŋɛ lɑtnɛ mbʉʉ yɛkŋɛ nǔu Yɛ́su Kɛlístɔ lɑ́.

1 Jɑ̂ŋ 4:10

Ŋkɔŋɛ kɑ pɔ́ pɔ pɑ́Ꞌnɛ. Pɛkŋɛ ŋkɑɑnɛ kɛ́ ŋ́kɔŋ Sɛ́ pɔ́, jʉ́ kɑ kɔŋnɛ wɛkŋɛ. A kɑ kɔŋ wɛkŋɛ kɔŋnɛ tɛ ńtúu Mɔ́ɔ nɛ, ɑ tɔ́ ńdɔk tú yɛ́ ńnɔŋ pɔꞋ mbíꞋ wɛkŋɛ, ɛ́ yúu mi ɛ́ ɡɛnɛ Sɛ́ likŋɛ mɛnu kɛpɔŋ mɛkŋɛ.

2 Jɑ̂ŋ 1:1

Mɔ ẅí mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ mɑ́ pɛ́ mbɔ́ŋkʉ̈ɔ́ ẅi Sɛ́ kɑ tsɔ́Ꞌnɛ. M bɛn ŋ́ɡɑ́ mbɑ mbɔ̌ mbɔ́ŋkʉ̈ɔ́ pɛ́, n tsuŋ ŋ́kɔŋ wʉ́ʉ pɛ́tsʉʉ, mbíꞋŋɡɔ pɛkŋɛ pɛtsʉʉ tɛmtɛ ńtʉ́ʉ nǔu nu nɛ́nẅín, ɛ́ kɑ́ pɔ́ ndɑꞋ wɑ́ɑ wi ŋ kɔŋnɛ wʉ́ʉ pɔ́, mbɑ wɔ̌ lɑ́ ẅi ɑ tʉ́ʉnɛ nǔu nu nɛ́nẅín pɛn ŋ́kɔŋ wʉ́ʉ ɡúu.