2 Timɔtɛ́ɛ 1:4 - Kɑɑ Fí

⁴ Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

2 Timɔtɛ́ɛ 1:4 Kruisverwysings

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

Jɑ̂ŋ 16:24

Lɑ́ ŋ́kúu ŋkɔ̂ɔnɛ, pʉʉ ŋkɑɑ zɛɛ ńdɔk lík yɑ́ɑ ńdɔ́ɔ yɛcɔ́ yúu mbɔ̌ Sɛ́ pɔ́. Pʉʉ lɔ́ɔ ɑ ɡɑ́ mbɔ̌ pʉʉ, tsɑ́ɑtɛ niitɛ ńdúu tsɛt tʉ́m yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 20:19

Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

Pʉɔ-Lɔ́mɑ 1:11

MbíꞋŋɡɔ mɔ sɛ́ ńtsuŋ ńtsɑ́ɑ nɛtɔ́ ńjʉ́ɔ wʉ́ʉ, nɛpɔ́ yi ŋ ɡʉ ŋ́ɡɛ Zẅikŋɛ Lɛ́ɛnɛ́nɛ ɡɑ́ fuꞋ níinɛ yʉ́ʉ, mɛtʉ́m mʉ́ʉ kẅiꞋ ńtɛntɛ. Pʉʉ lɔk pɔ́Ꞌɔ ŋ́kẅiꞋ ńtɛntɛ.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Filipɛ 2:26

KwɑꞋ jʉ́ zɛɛ ḿbɔ́ ńtsɑ́ɑ tɛꞋ nɛpɛn ńjʉ́ɔ wʉ́ʉ pɛ́tsʉʉ, mbíꞋŋɡɔ ɑ jí ŋɡɔ pʉʉ kɑ zúꞋ nu-ɡɔɔ yɛ́, ɛ́ ɡɑ́ɑnɛ wʉ́ʉ tɛꞋ.

1 Tɛsɑlɔník 2:17

Ɛ́ ɡʉ nǔu pɛk, mbɑ pɔ́ɔpɛ́mɑ́, tɛ fúnɛ pɑ́Ꞌ pɛkŋɛ kɑ fyɑkŋɛ́nɛ, tɛ pɛkŋɛ pɔɔ ḿbɛ́t ńjʉ́ɔnɛ nǔu mɛshʉ́ pɔ́, lɑ́ ŋ́kɛ́ ŋ́ɡẅɛɛ pɔ tɑ́Ꞌ kwɑŋɛ lɑ́, pɛk lɔɔ shʉ́ tɛꞋ nɛpɛn ńtɔ́ pɛkŋɛ jʉ́ɔnɛ nǔu mɛshʉ́, mbíꞋŋɡɔ nji yʉʉ sɛ́ ńzɑ́ŋ wɛ́k tɛꞋ.

2 Timɔtɛ́ɛ 4:21

Sɑ́Ꞌ tʉʉ ńtɔ́ lɑ ŋkɑ́-fɑ́k zɛ. Ɛbulûs, mbɑ Pudɛ̂ns, mbɑ Linus, mbɑ Kɛlɔ́dyɑ ŋ́ɡɛ pɔ́ɔpɛ́mɑ́ tsʉʉ sɛ́ ńcɛꞋlɛ wú.

2 Timɔtɛ́ɛ 4:9

Sɑ́Ꞌ tʉʉ fɛ́Ꞌnɛ ńtɔ́ ŋ́kẅɛ́ɛtɛ wɑ́ɑ zɑ́Ꞌnɛ.

1 Jɑ̂ŋ 1:4

Pɛk ŋwɑꞋnɛ yɔ nu ŋ́ɡɑ́ mbɔ̌ pʉʉ, nɛpɔ́ yi yɛcɔ́ yúu kɛ́ ɡɛ ńjɑ́k nǔu yɛ́k tsɑ́ɑtɛ pɔ́.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»

Mɛnu ɛ́ ńdɑ́Ꞌ ńcẅɛt 7:17

MbíꞋŋɡɔ mɔ́ɔ-Njinjɔ ẅí ɑ tʉ́ʉnɛ tsɛtsɛt kɔꞋ-nɛfɔɔ ɡʉ ḿbɔ́ ŋɡɑŋpyɛ́p wɔ́p, ńdɔk wɔ́p ŋ́ɡʉ nǔu mɛtẅɛ́Ꞌ-ŋki, zʉꞋ yi ŋki ɡʉ ŋ́ɡɛ pɛ́ pɔ́ ɡú. Sɛ́ ɡʉ ńtuk ŋki-mík mɔ́p tsʉʉ.