2 Kɔlɛ̂ŋtɛ 8:12 - Kɑɑ Fí

¹² Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

2 Kɔlɛ̂ŋtɛ 8:12 Kruisverwysings

Mɑtʉ̈ɔ 25:17

Ŋu ẅí pɛ́ kɑ nɑ́nɛ yɛ́ pɑk ŋkʉ yɛ́pɑ́, pɛn ńjʉ́ yɛ́ yɛcɔ́ pɑk ŋkʉ yɛ́pɑ́.

Mɑtʉ̈ɔ 25:22

Ŋu ẅí ɑ kɑ nɑ́nɛ ŋkɑ́p pɑk ŋkʉ yɛ́pɑ́ mbɔ̌ wɛ́ lɑ́ tɔ́ yɛ́, ńcú ŋɡɔ: «Ndɛ, ɔ kɑ nɑ́ ŋkɑ́p mbɔ̌ mɔ pɑk ŋkʉ yɛ́pɑ́, jʉ́ɔ yɛcɔ́ pɑk ŋkʉ yɛ́pɑ́ yi ɛ́ zɑ́pmɛ́nɛ nǔu.»

Lúkɑ́shi 16:10

Pɛ́ lɑɑ ńníꞋ mɔ́ɔ mɔ́yúu mbɔ̌ ŋu, ɑ pɑ́ɑ sʉ́Ꞌnɛ, mbɔ ɛ́ ɡʉ ńtɔ́ ḿbɔ́ yi ɛ́ zɑ́ɑnɛ, ɑ pɛn ḿbɑ́ɑ pɔ pɔ́Ꞌɔ, ńníꞋ mɔ́ɔ mɔ́yúu mbɔ̌ ŋu ɑ pɔɔ pɑ́ɑ sʉ́Ꞌnɛ pɔ́, mbɔ ɛ́ ɡʉ ńtɔ́ ḿbɔ́ yi ɡwɛ́ ɑ pɔɔ pɑ́ɑ sʉ́Ꞌnɛ pɔ́.

2 Kɔlɛ̂ŋtɛ 8:11

pɑ́Ꞌ pʉʉ ɡʉ mɛk yîyɑ́ fɑꞋ yi pʉʉ kɑ zɛnɛ lɑ́. Pʉʉ ɡɔ́ mɛk yîyɑ́ fɑꞋ, mbɑ wɔ̌ lɑ́ ɡɑ́ pɔ yúu mi ɑ kuꞋnɛ nǔu. Ndʉ́ŋndʉŋ pɑ́Ꞌ pʉʉ kɑ lɔk zɑŋɛ mbʉʉ ŋ́kwɑŋɛ, pʉʉ pɛn ńdɔk zɑŋɛ mbʉʉ ŋ́ɡɛ.

2 Kɔlɛ̂ŋtɛ 8:13

Ɛ́ ɡʉ nǔu yɔ nu, pɛ́ kɑ́ pɔ́ ńdɔk ńcú ŋɡɔ ŋu ɡɑ́ yúu ńdɔk ńcẅɛ́lɛ pɛcɔ́ pʉɔ tɛ ńjɑ́k yɛ́ pɔ́. Pɛ́ lɔk ńcú pɔ ŋɡɔ mbɑ wɔ̌ lɑ́ ɡẅɛɛ wɛ mɔ́zʉꞋ.

2 Kɔlɛ̂ŋtɛ 8:19

Pɛk kɑ́ pɔ́ ńtúu wɛ́ zɛ́nɛ pɛk pɔ́, mɛcúꞋlɛ-pʉɔ-Kɛlístɔ kɑ pɛn ńtsɔ́Ꞌ wɛ́ ŋɡɔ pɛkŋɛ pɛ́pɔ́p tɛ́m ku, ńcúꞋlɛ yɔ ŋkɑ́p. Pɛk ɡɛ yɔ fɑꞋ-pɔŋtʉ́m nɛlɔk ŋ́ɡɛ Tsɑpʉɔ ɡẅɛɛ nɛɡúꞋ mbɑ nɛlɔk ńnyɛt ŋɡɔ pɛk sɛ́ ńtsɑ́ɑ nɛcẅɛ́lɛ pɛcɔ́ pʉɔ.

2 Kɔlɛ̂ŋtɛ 9:7

Pɔ́Ꞌɔ lɑ́, ɛ́ pɔŋ ŋɡɔ mbɑ wɔ̌ lɑ́ ɡɑ́ yúu pɔ pɑ́Ꞌ ɑ ŋ́kwɑŋɛnɛ tsɛt tʉ́m yɛ́, ŋ́ɡɑ́ kɛ́ ńzɑ́ŋ lɔ́ŋ, kɛ́ pɔ́ yi pɛ́ fyɛ́t wɛ́ fyɛ́tnɛ, mbíꞋŋɡɔ Sɛ́ kɔŋ ŋu ẅí ɑ lɔk tsɑ́ɑtɛ ŋ́ɡɑ́ yúu.

1 Pyɛ̂ 4:10

Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.