2 Kɔlɛ̂ŋtɛ 7:3 - Kɑɑ Fí

³ Ŋ kɛ́ ḿbɔɔ ńcú pɑ́Ꞌɑ ńdɔk ńcú ŋɡɔ pʉʉ fɑɑnɛ yɛcɔ́ nu pɔ́. Mɔ ńzɛɛ mɔ́ ńdɑ́Ꞌ ɛ́sẅíi wʉ́ʉ ŋɡɔ, nu yʉ́ʉ ɛ́ tsɛt tʉ́m pɛk. Pɛk zúꞋ pɛkŋɛ pɔ́nɛ pɔ nǔu tɑ́Ꞌ nɔɔ, kɛ pɛkŋɛ sɛ́ ńzúꞋ pɔ sʉ́Ꞌnɛ ɔɔ, kɛ pɛkŋɛ pɔ́ pɔ ntsu nɛvú ɔ́ɔ.

2 Kɔlɛ̂ŋtɛ 7:3 Kruisverwysings

2 Kɔlɛ̂ŋtɛ 11:11

N cú pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ ŋ kɑ́ kɔŋ wʉ́ʉ pɔ́ kɛkʉ̈ɔ́? Ŋɡɑ́ŋ, Sɛ́ sɛ́ ńjí ŋɡɔ ŋ kɔŋ wʉ́ʉ.

2 Kɔlɛ̂ŋtɛ 12:15

Ɛ́ ɡʉ nǔu mɔ, mbɔ ɛ́ pɔŋ wɑ́ɑ pɔŋnɛ nɛɡɑ́ kʉ̈ɔ́ lɑ́ yi ŋ ɡẅɛɛnɛ mbɔ̌ pʉʉ. Mbɔ m bɛn ŋ́ɡɑ́ mbɑ tú yɑ́ɑ mbíꞋ wʉ́ʉ. N dɑɑ ḿbɔ́ ŋ́kẅiꞋ ŋ́kɔŋ wʉ́ʉ pɔ ndɛnnú, yʉ́ʉ kɔŋnɛ nzʉʉ mɔ pɛn cẅɛ́tɛ cẅɛ́tɛ́nɛ ɔ́ɔ?

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 3:2

Pʉʉ wɑ́ pɔ́nɛ yɛ́k ŋwɑꞋnɛ, mbɔ pɛ́ kɑ ŋwɑꞋnɛ tsɛt tʉ́m pɛk, pʉɔ pɛtsʉʉ sɛ́ ńjí ḿbɛn ḿbɔ́ ɛ́fúŋ,

2 Kɔlɛ̂ŋtɛ 7:12

Pɑ́Ꞌ ŋ kɑ ŋwɑꞋnɛ́nɛ ŋwɑꞋnɛ ŋ́ɡɑ́ mbɔ̌ pʉʉ lɑ́, ŋ kɑ́ pɔ́ ŋ́ŋwɑꞋnɛ mbíꞋ ɡɑŋmɛfɑɑnɛ pɔ́, ŋ́kɛ́ ḿbɔɔ ŋ́ŋwɑꞋnɛ mbíꞋ ŋu ẅí pɛ́ ɡɛnɛ nu kɛpɔŋ nǔu wɛ́ pɔ́. Ḿbɔ́ ŋ́ŋwɑꞋnɛ pɔ ŋɡɔ pʉʉ tʉ́ʉ mbi Sɛ́, ńjʉ́ɔ ntɛ́ yi pʉʉ ńdɔk ŋ́ɡwɛtnɛ nǔu nu yɛ́k.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

1 Tɛsɑlɔník 2:8

Pɛk kɑ kɔŋ wʉ́ʉ kɔŋnɛ tɛ ńtʉ́ʉ pɑ́Ꞌ ḿbɔ́ pɛk pɔɔ ɡɑ́ pɔ ndɑꞋ Ŋkʉʉ Sʉ́Ꞌnɛ nu-Sɛ́ mbɔ̌ pʉʉ pɔ́, pɑ́Ꞌ mbɔ pɛk pɛn ŋ́ɡɑ́ mbɑ tú yɛ́k, mbíꞋŋɡɔ ɛ́ kɑ ɡɔ́ ḿbɔ́, mbɔ pʉʉ tsʉ́Ꞌ yúu-tʉʉndɛn mbɔ̌ pɛk.