2 Kɔlɛ̂ŋtɛ 6:3 - Kɑɑ Fí

³ Ɛ́ ɡʉ nǔu pɛk ɡɑŋntúu, pɛk kɑ́ pɔ́ ŋ́ɡɛ yɛcɔ́ yúu mi mbɔ ŋu kɔɔtɛ nǔu ḿvu sɛ́ pɔ́, pɛ́ fú nǔu ńdɔk ńzɔɔtɛ fɑꞋ yɛ́k pɔ́.

2 Kɔlɛ̂ŋtɛ 6:3 Kruisverwysings

Mɑtʉ̈ɔ 17:27

Lɑ́ kɔɔ pûu ɡɛ nu pʉ́k pɑcẅɛ́ɛ ntsup. Gʉ ŋki ḿmɑꞋ mbɑꞋ. Ɔ ɡʉ ŋ́ɡẅɛɛ nduŋmbi mbɑŋ shú, ŋíɛꞋ ntsu wɛ́, ńjʉ́ɔ pɑk-ŋkɑ́p, ńcẅɛɛtɛ ńdɔk ŋ́ɡʉ ḿmɑꞋ yúu ntsup.

Mɑtʉ̈ɔ 18:6

Lɑ́ ŋu ẅí ɑ ŋ́kɛ́ ńtsʉ́ʉnɛ wɛcɔ́ tɑ́Ꞌ nǔu pɛɡɛɡʉʉ pɔnɛ pi pɔ́p zɑ́pnɛ tʉ́m nǔu mɔ, ńtsʉ́ʉnɛ wɔ́p nɛpɔ́ yi pɔ́p ɡʉ ɛ́fɑɑnɛ nu, mbɔ mbi pɑ́Ꞌ mbɔ pɛ́ cʉŋɛ mɑ́mɑ́ ŋɡɔꞋ lɔ́ŋ-ŋɡɑŋ, ńtsʉ́ʉ wɛ́, ḿmɑꞋ tsɛt mí zʉꞋ-nzɛnzʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 19:27

Yɔ nu lɔɔ nɛpʉ́ʉpɛ fɑꞋ yɛkŋɛ. A ɡʉ ŋ́ɡɛ pɔ́Ꞌɔ, pɛ́ pɔɔ pɛn ńdɔk ndɑ́-mɑ́mɑ́ sɛ́ Altɛmîs ɛ́fúŋ yɛcɔ́ yúu pɔ́. Pʉɔ pɔɔ pɛn ńcú ŋɡɔ Altɛmîs ɑ mɑ́mɑ́ sɛ́ wɛkŋɛ pɔ́. Lɑ́ pʉɔtsʉʉ sɛ́ ŋ́ɡúꞋlɛ wɛ́ tsɛt pɑk-ŋɡɔŋ-Azîi tɛ mbɑ zʉꞋ tsʉʉ ndǔ tsɛ́tsɑ́Ꞌ.»

Pʉɔ-Lɔ́mɑ 14:13

Pɔ́Ꞌɔ, kɔɔ pɛkŋɛ pɛn ŋ́ŋɑk mɛmbʉʉ mɛkŋɛ. Yúu mi pʉʉ ɡẅɛɛnɛ nɛɡɛ ɛ́ pɔ pɑ́Ꞌ pʉʉ ɡʉ ḿbɑ́ɑ nɛɡɛ yɛcɔ́ yúu mi mɔ́ɔmɑ́ wʉ́ʉ ɡʉ ŋ́kɔɔtɛ nǔu ɛ́ tsʉ́ʉnɛ wɛ́ ɑ ɡɛ nu kɛpɔŋ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:22

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi pɔ́p pɛ́t ḿbɔ́t pɔ́tnɛ nǔu nɛzɑ́p tʉ́m nǔu Kɛlístɔ, ńnɑ́ŋ pɑ́Ꞌ ŋu ẅí ɑ pɛ́t ḿbɔ́t yɛ́ pɔ́tnɛ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɔ́p tsʉ́Ꞌ kwɑꞋ pʉɔ-Kɛlístɔ. Ŋu lɑɑ ḿbɔ́ pɔ ŋɡɔ́ku ɔɔ, ḿbɔ́ pɔ ŋɡɔ́ku ɔɔ, n tsʉ́Ꞌ pɑ́Ꞌ jʉ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ nǔu ntɛ́ yi ḿbɔ́ ɑ luk.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 8:20

Pɛk kɑ́ pɔ́ ŋ́kɔŋ ŋɡɔ pɛ́ zɔɔtɛ wɛ́k nǔu yɔ mɑ́mɑ́ nɛpuꞋ-ŋkɑ́p ni pɛ́ sɛ́ ńtsup ŋ́ɡʉ nníꞋ mbɔ̌ pɛk pɔ́.